Romu 14:5 - Ka Lamana'a Monoꞌi Lu Mu Tifiꞌehina Ka Yabe

⁵ To bo moneuba mone yupahi hofa talina kana ni'ibe luto to ya'ma yupahi lulata nohibe. To mone bouba asaga yupahi moneko babeyafa ni'ibe luto lulata nohibe. Etegekesa kehelise'na ule'ale hite etali foya'atiti yabe. Lenali ana hite ya kehelilo.

Romu 14:5 ပူးပေါင်းရင်းမြစ်များ

Luku 1:1

Oho, Tiofilusi, nalalu'niga. Babu bona'magi lalitoga huto hu'ehinamofihi kaga'a fayanugu ge'ahana yabe. Enali enubuguti bu ge'ahana to Hu'mamofihi kaga'a lu hokolo hi'ahana bona'magi lu epi'ahago fayahi keye'ahana yabe.

Romu 14:14

To nani Sipi Boti, Yesu aitoga hepi'ohugo nipa'nigu ya'ma keheliya i'ohuna ma ni'ibe. Asaga nose'na ai'a keya'i hu'ehina'a meni'ina'mu asaga'i gulu gulu hu'ehina'a nalutagi mo sise'na meni'inaya. Aku bo moneuba ekesa kehelito mone nose'na keya'i hu'ehina'mu yabe luto ai'a komopa'agu kehelito gulu gulu mehu'ehina nose'na huto hinogo menalibe.

Romu 14:23

Aku ana nose'na nolago ekesa loe lae higo to komopa'agu keta hinogomo Hu'mau fisa ito ka emekilibe. Hena'mube? Ai keheli'ehinaloti ule'ale mehuse komopa'a keta higo nalina'mu yabe. To lenali ana hite asaga keheli'ahanaloti ule'ale mehuse komopatinigu keta hilina'mu foipanatini huto hilibe.

Romu 4:21

Ai Hu'mau kaga molo'ehinanamu komopa'agu keheli ule'ale huto alihi hu netalibe luto keheli fe luto mino'ehina.

1 Koliti 8:11

Noloto'a ya'ma kalalukafu mono ka'a nesi'a keheli'ehina bouba Kilisitou mina fi'ehinamo ni'inago kai komopakagu buloto foipa huto sibina mehilina ni'ifihe?

1 Koliti 8:7

Ya huto ni'inaya bona'i luga'a enali ya'ma hapa'a ya huto ni'ibe lite mone keheliya ilana'a mehabe. To ya hana'amagi enali koyapa'i to yatai hiti lugefamo lusi kene'i nohibe lite kehelilata hi'ahanamagi komopa'ani lapa mebi'ehinagi to enali seba'a nete ana lugefamofihi amuya'amu keheligo ketana lolo nohigo nete komopa'ani le'mo sibina hilata hi'ahanamo ni'ibe.