Romu 14:13 - Ka Lamana'a Monoꞌi Lu Mu Tifiꞌehina Ka Yabe

¹³ Yana'mu lenali bonatinimagihi kaga'ani loko hise enifisa ilatana li he'milo. To lenali bonatinimu'i lenegekesa kehelite enele'mo sibina mehilune lite, to foipa kapogu enele'moto bu laligi lolo huse'natinimofihi kaba hu bati hilo.

Romu 14:13 ပူးပေါင်းရင်းမြစ်များ

Matiu 16:23

To Yesu i behe huto Pitahi bu goloto ma luto lu emi'ehina: Sata, kai nanitogati bufa hubo. Kai kapo biluna'a hekini lo netalube'mu nohapihe? Kai kaga nolataya ma melugu bona'magihi kaga nolane, to ai Hu'mamofitogati meo'ehibe.

Matiu 18:7

To ma melugu bomagi bona'i luga'a foipanagu enelepite bilata nehana boya sipi keta epesilina'mu yabe. Ma'naka luto ya'manana huto hilina'mu yabe. To anana li huto hilina boya sipi keta besilina'mu yabe.

Matiu 7:1

Lenali bona'i enipakafa hete enele'mo yegelo memalalo. To Hu'mau alihi lenali'i lenele'mo yegelo ana huto memalalibe.

Luku 12:57

To hena hibe lite lenalitini lenekesa yigi bati hite to bati hina sukumu loko hite latahatinigu li fu lilata menehabe?

Luku 17:2

Ma lagaso meso boana'magihi foipanagu enele'moto folo lalibe. Ya hu laligi sipi efahi mone lubaha'alo naga ilete hege nagamilugu lita fo bilenogo ai aku'i ana foipa foipana li huto mehilibe.

Romu 11:9

To koyapa bo, Tebitiu mone fayahi go'ehina ya'ma mono bukugu ni'ibe: Enali sipi nose'na melenogomo kofohi meleno. Enele'mo laba huto osahi epino.

Romu 14:10

Ya hina'mu lenali henabe lite bonatinimofihi ka emekite ka'a loko nehabe? To henabe lite le'mo laba nehabe? Hu'mau kefa hisalo minoto kaga loko huse yupahi lali asaga'i bu'alo ho tito minolenogo lali kumu ka foya liloto kaga loko hilina'mu yabe.

Romu 14:3

To lenali fato fato nose'namo nenanamagita ya'ma nose'na mone'a mo nosina bomofihi ka meemekilo. Ai'a ekesa keheli'ehinamofihi kaga loko mehilo. To ana huto lenali mone nose'na mo nesina guya'asigo nenanamagita ya'ma nose'na yege yege'i nonana bomofihi hapa'amu ka meemekilo. To hena'mube? Hu'mau ana bomofihi ale'mo'ehinagihe.

Romu 14:4

Ana bona'i Hu'mamofihi lili'nalo bona'a nohibe. Lenalitini kele kele bona'i menohibe. Ai'a lili'na afo'afu Hu'ma, ai hapa'amu kehelito bati hinogofi bati mehinogofi ai'a kehelilina'mu yabe. Lenali foyatini meni'ibe. Hu'mau he'moto le'mo amuya mololenogo ana bomofihi hapa'a bati huto huto hilina'mu yabe.

Romu 16:17

Nalalu'nigitabe, lenegekesa lito'ni lu nolepube. Bona'i mone'amagi Yesuhi naga'a loko hilune'mu to keheli ule'ale hise'namu li sibina nehanamofihi kaba hu bati hilo. Nani kaga lepi'ohunanamofihi le'mo sibi saba hilata to hetofa mono kaga keheli he'milata nehana yabe. Lenemegesa hi epilo.

1 Koliti 10:32

Lenali Yuta bona'i nehana to fegutoga bona'a nehana to Hu'mamofihi bona'a naga'i enali enubulo keheli sibina hi'ehilana nasana yamofihi li huto mehilo.

1 Koliti 11:13

Lenalitini kehelite bu go bati hilo. A'i moneuba lataha'alo ana'ina bona'i li gehesa hilanaga ifi metose Hu'mamofitoga loka halina yamofihi bati hilina ni'ifihe?

2 Koliti 5:14

Ya hu'ehina'mu Kilisitou ai meha'a limilata nohinauba lele'mo hetofa higo lalitigo lugufati lelito tiluta'a meni'ibe. Lali ya'ma luto keheli emilata nohune. Ai bo moneuba lali bona'i asaga kumu yabe luto fili'ehinamo ni'inagihe. To lali asaga'i ana suhi huto tafa hapatimo'mu fili'ohuta'a ya'ma keheli'ohune.

2 Koliti 6:3

Lali ana huto bona'magitoga foya lilata nohuta'mu kosele ka li lalabe luto yamofihi mono kaga behelefe limi lalabe luto ya mehu'ohune.

Filipai 1:10

To lenali ya hiletetini kaga hapa'a kehelite i be ligi'ehinana kehelilete to Yesu Kilisito nehetilina kanagu komopatini kolota mehuse gulu gulu linogo mone ka lepekilina'a meni'ibe.

1 Timoti 5:14

Ya nehana'mu nani ma luto nolube. Keto ana'i kosaba'i enali baha'anilo bite minete yagapana'ani eneketete enali'ani noha'ani foya'ani bati hite kaba hite le'mo bati hite minalabe. Ya hite nehinogo lali fatehatimagi enabagalo ilenogo lali kumu ka sibina'a mone melilabe.

Yemesi 2:4

Lenali ya hite bona'magita guna melete enele'mo fato fato nehite lenegekesa foipa'a kehelite bona'i enele'mo sibina hilata nehabe.

Yemesi 4:11

Nalalu'nigita, lenalitini ka foipa'a melilo. Moneuba ai lalu'afi kumu ka foipa'a lu etalina ai ya'ma Hu'mau keya ka lu'ehina kagamofihi li sibina hulata nohuto ana kagamofihi loko nohibe. Kai Hu'mau keya ka lu'ehina li sibi hilata ya'ma kegekesa yigito ka lamana'a meni'ibe luto lilatamoya, ana keya kalo mege'i mololata menohane. Ana kagamofihi loko huto fa'mene nominane.

1 Yoni 2:10

To luga'amagi enali enalalu'anigihi komopa'ani epite minalana'amagi enali ya'ma Hu'mamofihi fana meha'agu bati hite neminabe. Ya hite neminana bona'magi foipa nasana'mu enohoka hilina bo enalitoga mone huto mehilina'mu yabe.

Huto Hilina Ka 2:14

To nani lenali kumu nesi'a kehelugo sibina hulata nohina. Lenali hepatoga bona'i luga'a nehana lenali koyapa bo mone gi'a Balamu yabe ai'a ka'a enelepisemofihi kapogu bilata nehabe. Balamu ai Balakahi ya'ma Isilaeli bona'i lu epilube'mu faga lu emigo ai ya luto fi taga hu epoloto lugefa nasanamofihi seba'a nete minete mokonalo minete sibina hi'ahana.