Romu 14:1 - Ka Lamana'a Monoꞌi Lu Mu Tifiꞌehina Ka Yabe

¹ To bona'i moneuba Hu'mamofitoga keheli bati mehina olenogo be tigite le'malo. Ai ekesa keheli ule'ale mehu'ehinogomo ana mono kamu'i kenasabo mebise lenali folagahatinigu ana bomo le'mo fulu hite le'mo malalo.

Romu 14:1 ပူးပေါင်းရင်းမြစ်များ

Matiu 12:20

To akepa mone i pisi hu'ehilina ai li gofa mehilina'mu yabe. To logo mone loloto yuhufa sabalube'mu nohilina ai li sobo su mehalina'mu yabe. Ai lili'na liba liba huto nohuto mino fe luse'namofihi be ligiloto'a yabe.

Matiu 14:31

Ya noligo Yesu hololu luto Pitahi yato liloto lu emi'ehina: Kai kaga'ni li pili meko'ahane. Kai hena hibe luto loe lae kekesa nokeheline?

Matiu 18:10

Lenali ya'ma yagapana'i fa'menena nehabe lite li lalabe. Lenali kaba hu bati hilo. Nani ma'naka luto lu nolepube. Kokulumalugu nani Afo'nifihi bu'alo enali agelo'ani kaba hu epelete neminabe.

Maki 7:19

Ai anana nolenogomo kupa'agu limito yalo ipa'agu limiloto bu su nohabe. Hiya'a huto meha'a le'mo sibina hilibe? Ya mehilibe. To Yesu ya ligo lali asaga nose'na bati huto naluta'mu yabe.

Luku 17:2

Ma lagaso meso boana'magihi foipanagu enele'moto folo lalibe. Ya hu laligi sipi efahi mone lubaha'alo naga ilete hege nagamilugu lita fo bilenogo ai aku'i ana foipa foipana li huto mehilibe.

Yoni 13:20

Ma'naka lu nolepube. Enali nani ho lifi'ohuna bomofihi be tigilana enali ana suhi hite nani nebe netigibe. To ana huto nani nebe tigilana bona'magi enali ya'ma noho lifi'ehina bo Afo'nifu be netigibe.

Aposolo 28:2

Ya'mana hepato boana'magi hetofana hite lele'mo bati hi'ahana. To ko'i ilube'mu nohigo yasi higo logo gelete asaga'i lele'mete ana logolo laba hulago lota hu'ohuta yabe.

Romu 11:15

To Hu'mau Yuta bona'magihi enele'mo he'mi'ehinalo asaga melugu bona'magi Hu'mamofihi lalu'agi lolo hi'ahana yabe. Ya hu'ehina'mu alihi kana'agu Hu'mau aku Yuta bonatoga i behe huto enele'menogo legelo bise'na babu luto huto hilibe. Ana kanagu Hu'mau fili'ahanamagihi mino kosaba huse'na epilinagi minoba minoba nehana suhi lite minalabe.

Romu 14:2

To bona'i moneuba komopa'a Hu'mamofitoga fulu huto nohinogo nose'na fato fato'i asaga'i bati huto nolata hilibe. To fato bona'i komopa'a Hu'mamofitoga keheli amuya memolo'ehina bouba guya'asigo nolata hilibe.

Romu 14:21

Lenali fato fato nose'namo yagafi, bai nagami'ifi asaga'na nalanamofihi bonatini bu goloto komopa'agu li sibina hinogomo lenali ya'ma nose'na he'mite menalo.

Romu 14:3

To lenali fato fato nose'namo nenanamagita ya'ma nose'na mone'a mo nosina bomofihi ka meemekilo. Ai'a ekesa keheli'ehinamofihi kaga loko mehilo. To ana huto lenali mone nose'na mo nesina guya'asigo nenanamagita ya'ma nose'na yege yege'i nonana bomofihi hapa'amu ka meemekilo. To hena'mube? Hu'mau ana bomofihi ale'mo'ehinagihe.

Romu 15:1

Lenali Hu'mamofihi keheli amuya nemalanamagita bona'i komopa'anigu keheli bati mehanamagihi ketana'ani kofi epelete enehe'malo. Ya hite, lagatini lepesise'nalo mege'i memalalo.

Romu 15:7

To Yesu Kilisitou lenele'mo'ehina'mu lenali ana hite Kilisitohi bona'a enebe tigite folagahatinigu nehana ya'ma komopatini epilo. Ya hilenogo Hu'mamofihi gi'amu hofa talibe.

Romu 4:19

Ana kanagu Abalahau ai lebato 100 foya kana melugu mino'ehina. Ai oyafamofihi gufa'a pisigi'ehigo to liha'a Selahi litana'i huto pana'i meketalina huto mino'ehina. Etugufa'atiti amuya memolo'ehinagi Abalahau ana kagalo ekesa yigito keheli ule'ale huto komopa'a amuya molo'ehina.

1 Koliti 9:22

To bona'i mone'a komopa'anigu Hu'mamofihi kagagu amuya'ani menina Kilisitotoga enele'mo malalube luto nani amuya'ni menina bo suhi huto lolo huto mino'ohuna. Nani ya huto fato fato bona'i enehe'malube luto bona'i fato fato bona'i enalitoga minoto fato fato suhi lolo hu'ohunamo ni'ibe.

Filipai 2:29

Yamofi kumu ya'ma komopatini bati hinogo keheli emite Sipi Bomofitoga hepi'ehina bo nohibe lite le'mo lamana hilo. Lenali bona'i ya'a enele'mo hofa tete lenemehi epilo.

1 Tesalonika 5:14

Lalalutigita, lenegekesa li hokolo huto lenogo'na bito lu nolepune. Bona'i luga'amagi foya melise nehanogo enali enegekesa lilo. To luga'amagi enelesa nelinogo neminana enele'mo hetofa hilo. To luga'amagi keheli ule'ale mehise loe lae nehinogo enali enele'mo amuya hilo. Ya hite asaga bona'magitoga legeso hite minalo.

Hibulu 5:14

Nose'na amuya melete yamofihi olopa bona'magi enali nasana ni'ibe. Enegekesa komopa'ani hokolo higo foipanamofihi bati'namofihi hapa'a keheli bebe sete nehana enali nasana ya ni'ibe.

2 Yoni 1:10

Bo moneubafi bo moneuba ya'ma Kilisitou lu limi'ehina ka'a mekehelilinauba yamofihi kaitoga kaga lu lepilube luto nolinogomo kai be metigise nohuto to nohakanugu le'mo memolobo. To ana bomofihi soso mehu etobo. Henabe lutobe?