Romu 13:8 - Ka Lamana'a Monoꞌi Lu Mu Tifiꞌehina Ka Yabe

⁸ Bona'i moneuba lepi'ehinamofihi nona'a pa sete mele'isi li emilo. To mone hiti ni'igo lenali boana'i ginaga fi emise'namu ya'ma minoba minoba hite nehanaya su mehalina'mu yabe. Lenali ya ginaga fi emilatanamofihi ya'ma Hu'mamofihi keya ka mege'i melelata nehana'mu yabe.

Romu 13:8 ပူးပေါင်းရင်းမြစ်များ

Matiu 7:12

Nanitoga ya suhi hu netalo luto kekesa noyigilata suhi enali fato bonatoga ana suhi hu epolobo. Ya'ma ai Mosehi keya ka'amofihi hapa'a koyapa'i ninamolo to lu yege hose bona'magihi kaga enelepise'na'ani hiti mana'a ni'ibe.

Yoni 13:34

To yuhufa kaga lu molo'ohuna ma lu nolepube. Lenali komopatini lenogotinifihi emilo. Nani komopa'ni lenalitoga lepi'ohunagi lenali ana hite ai komopa'a eminogo ai eminogo hite ya hilo.

Romu 13:10

Lenali bonatinimu ginaga fi epilete mone li sibina mehi epalalana'mu yabe. Ya hilata nehanaya asaga keya ka mege'i mele su he'ahana suhi lite neminabe.

Romu 13:7

To ya hite gamani bona'magihi mina'a efahi asaga'i epilo. Ya'ma takisi efahatini fato fato'i epilo. Ya hite takisi bona'i kaga'ani kehelite to enalitoga agoya hu epite limi lalabe lite mele'isi ana'ina ya'ma bona'i asaga'i epilo.

Galesia 5:14

Moseu keya ka lu'ehina ka'a li nupa huto hapa'a mone'mofihi ma huto ni'ibe: Kaika'mu kehelilata nohata ya suhi huto kalalukagi kumu kehelito komopaka epilane.

Kolose 3:14

To amuya melete asaga bona kumu leniginaga filo. Ya hilete lenali asaga'i bati hite koguna ite moneko'na hite minalabe.

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

Yemesi 2:8

To ya'mu mono bukugu Hu'mau keya ka lu'ehina kaguti amuya ka mone ma luto ni'ibe: Kaika'mu kehelilata nohata ya suhi huto kalalukagi kumu kehelito kaba hu epoloto komopaka epibo, luto lu'ehinamo ni'ibe. Lenali ana keya ka lu'ehina ka'a keheliya ilana ya'ma ana'ina lamana'a lilana ni'inaya.

1 Yoni 3:10

Hu'mamofihi pa'a pana'a to Satahi pa'a pana'a enali hapa hapa'ani ya suhi huto ya'ma huto nohigo bu galune'mu nohune. Luga'a mino fotogo hite meminalana'mu enali kumu Hu'mamofitogati menehabe luto nokehelune. To enali komopa'ani ya'ma enalalu'anigihi meepinogomo enali kumu Hu'mamofihi bona'a menehabe luto ya'ma ana huto lilune.