Romu 13:7 - Ka Lamana'a Monoꞌi Lu Mu Tifiꞌehina Ka Yabe

⁷ To ya hite gamani bona'magihi mina'a efahi asaga'i epilo. Ya'ma takisi efahatini fato fato'i epilo. Ya hite takisi bona'i kaga'ani kehelite to enalitoga agoya hu epite limi lalabe lite mele'isi ana'ina ya'ma bona'i asaga'i epilo.

Romu 13:7 ပူးပေါင်းရင်းမြစ်များ

Matiu 17:25

Ya ligo Pitau: O'yo, lu'ehina. To Pitau nonuga notigo Yesu aitogati yata'a ma luto loka ho'ehina: Simoni, kai hena hibe luto nokeheline? Ma melugu enikibina bolo kiyi'afu takisi holata nohibe? Mana hepato boana'magifi to bonoho bona'magibe?

Matiu 22:21

Sipi Lomu kaba bomofihina'a ni'ibe, li'ahana. Ya nelago Yesu ma luto lu epi'ehina: Ya hinogomo Lomu kaba bomofihi nasana'a emilo, to Hu'mamofihi nana'aya Hu'mamofitogago emilo, luto Yesu lu epi'ehina yabe.

Maki 12:17

Ya ligo, enali: Sipi kaba bo Sisahi meha'a yabe, lite lago ai ma lu epi'ehina: Ya. Ana, Sisahi nasana'a Sisahi emilo. To ana huto Hu'mamofihi nasana'a Hu'mamofihi emilo. Ya ligo, enali hetofa ka nona'a epi'ehinamofi hiti to ai kumu topa hete ka melise fa'mene mine'ahana yabe.

Luku 20:22

Ya hulata nohata kai kehelitaba takisi bati huto epilata nohupi bati mehina suhi luto epilata nohune?

Luku 20:25

Ya luto enoloka hago enali sipi bo Sisahi gi'a hiti okaba'a hiti ni'ibe li'ahana. Ya lago Yesu lu epi'ehina: Sisahi nana'a Sisahi emilo to Hu'mamofihi nana'a ya Hu'mamofitogago emilo.

Luku 23:2

Enali hapi fite ka foya li etelete ma lite li'ahana: Lali ya'ma bo bu gota ai nagatimagihi hapa'ani le'mo fato fato suhi hu'ehibe. Ai takisi sipi Lomu bo ya'ma Sisatoga mehe'milo luto laga hu letalina kaga nolina bo yabe. To ai Mesia'ita gihiti bo nohube luto lulata nohina.

Romu 12:10

Lenali ai ginaga fi eminogo ai ginaga fi eminogo hite koguna ite minalo. Ya hite minete lenigitini liyafa mehise bonatinimo le'mo hofa tete minalo.

Romu 13:6

To gamanimagi Hu'mamofihi kele kele hi etalabe lite kaba huse foya nelibe. Ya'mu lenali gamanimagi lilanaga lilanaga hite takisi kefahi epilo.

Efeso 5:33

Ya hu'ehinaya ya'mu bona'i lenali silagatoga yamofihi lenugufatini'mu kehelilata nehana ya suhi hite lihatinimagi kumu kehelite leniginaga fi epilo. To ana'i lenali silaga'i ya'ma bahatinimagihi enigi'ani le'mo saga hite minalo.

Efeso 6:5

Kele kele bona'i lenali metoga enikibina bomagihi koli hite agoya hu epelenogo ka'ani kehelinogo komopatini lamana hinogo Kilisitohi suhi hite agoya hi ete'ahanamofihi ya hite kehelilabe. To lenali kumu kehelinogo keta mehinogomo fulu hite minete kaga'ani kehelilo.

1 Timoti 5:13

Ya hilete ya'ma nonugu fato fato'na tila limila hite futu'a kaga lite minelata nehana to ya'asigo meni'ibe. Enali notu humofa'na hite fa'mene kagamo lite faga faga lite bona'magihi foyagu ukimi akimi hilata nehabe.

1 Timoti 5:17

To mono ka enelepise kaba bona'i olopanamagi enali hetofa foya linogo ya bati hulenogomo mina'a mineme tite lilabe. Mono ka lu enelepilata lu yege holata lamana foya lilata nehanamofihi enali'aniya foya amuya melete lilana ya'ma lilana'mu yabe nolube.

1 Timoti 6:1

Kele kele pana'i lolo hite foya lite minelata nehana enali ya'ma kaba bona'animu agoya hu emite kehelite minalabe. Yamofihi kaba hite ya nehinogo bona'i luga'amagi Hu'mamofihi gi'a li sibina hite to mono kaga enelepise'nati le'mo laba hi lalabe.

1 Pita 3:7

To bona'magita, lenali ana suhi hite lihatini hiti hepite mine lite bite minete lihatinimagihi kaba hu bati hite minete ana'ina'ya fulunaguti li epite minalo. Ana'magihi enugufa'ani amuya memolo'ehina ni'inaya aku'i enali hiti lenali bomagita hiti mino kosaba huse'na ana hite lilana'mu yabe. Ya'mu lenali lihatini kumu keheli bati hite minalo. Lenali hiti lihatini hiti ya'ma koguna ite bati hite moneko komopatini lolo hinogo Hu'mamofitoga lilete nunumu hinogo yauba fa'mene lolo hu lalibe lite ya hite minalo.