Romu 13:13 - Ka Lamana'a Monoꞌi Lu Mu Tifiꞌehina Ka Yabe

¹³ Lali yegemofihi besa besa'alo minototi agoya huse bona'magita minaluta nohune. Lali kegeiyo huse'na melilune. To bia nagami'i negi noto huse'nafi to moko lise'nafi to a'i gumina folose'nafi to luba huse'nafi to kenasabo bise'nafi asaga'i mehiluta'mu analo lemegesa hu emilune.

Romu 13:13 ပူးပေါင်းရင်းမြစ်များ

Luku 1:6

Etali Hu'mamofihi bulo bati hite mine'aha'ina. Etali asaga keya kafi to Sipi Bomofihi kagafi liyafa hite pelesa meise hite fulu li'aha'ina.

Luku 16:19

Bo moneuba efaha'a babu luto ni'igo ai asaga yupahi hetofa gu kata hepilata huto to hetofa hatofa nose'na babu luto nolata huto mino'ehina yabe.

Luku 21:34

Ya hu'ehina lenali kaba hu bati hilo. Lenali asaga yupahi amuya nagami'i nelete negi nagi ne lalabe. Lenali lenugufalo'namu'i lenekesa yigiba yigiba mehilo. Ya'mana suhi lenalitoga huto nohinogomo yalo Sipi Bomofihi Kana'a hololu luto analo mele'isi lenalitoga nehetilina'mu yabe.

Aposolo 2:15

Lenali lu keheli fa keheli nehana'a hite ma bomagi enali bai nagami'i ne'ehite negi nagiga nelabe lite melilo. Yata'isi ma'asi etehi ni'ibe. Bona'i ete ya'ma kana'a bai nagami'i menelata nehabe.

1 Koliti 3:3

Lenali koyapa'i mine'ahana legegeto fa'mene nehabe. Lenali ai siko higo ai siko higo nehite luba sabo hite fa'mene bona tegi hite mine'ahana suhi hite ya'ma hapa'amofihi huto huto ni'igo koyapa lenemehiti minelata nehabe.

Galesia 5:19

Tafa komopatinimofihi foya'a ya'ma suguna nasana ni'igopa ahuto hulata nohibe. Ma huto hulata nohinamo ni'ibe. Moko lise nasana to foipa nasana hiti asaga kolotana'a lugufamofihi buya hulata nasana yabe.

Galesia 5:21

To enipakafa enehete enele'mo laba hilatana to bia nagamito nete minelata nehana, nose'na li goli fite hiti ne su helatana to ana'ina luga'a ya suhi hite lilata nehana ya'ma nasana'mu koyapa'i alu lepi'ohunamo ni'ibe. To ya'ma aku'i yatai lenegekesa lito lu nolepunagihe. Ana foipana lilana'a enali Hu'mamofihi kapo'agu bi mefalalana'mu yabe.

Efeso 4:1

To ya higo nani Sipi Bomofi kumu luto naga nonugu nohunamofita lenegekesa lito lu lepilube. Hu'mau lamana hite minalabe luto lenele'mo'ehinamofihi hapa'a mege'i melete lamana hite minete lite hilo.

Efeso 4:17

Yamofihi nani Sipi Bomofihi bulo lenegekesa lito lu nolepube. Hu'mamofihi ka'a mekehelilata boana'i enali enegekesa kehelilata nehana bati mehina fa'menena kehelilata nehabe. Enali tegi lolo hite meminalo.

Efeso 5:15

Ya'mu lenali minete ho hite hilana ka ya'ma kaba lamana'a hite minalo. To negi nagi nete meminalo. Keheli fe hite yanagu minalo.

Efeso 5:18

Bai nagami'i nete negi nagi menalo. Ya'ma komopatini le'mo sibina hilinagi he'milo. To Hu'mamofihi Sikalafu'uba ai komopatinigu mino bai tenogo minalo.

Efeso 5:8

Lenali koyapa'i enali suhi hite metepugu mine'ahanamo ni'ibe. Yatai ya'ma Sipi Bomofitoga nehepite fana mehatini hiti lolo hite nehabe. Ya'mu fana mehenamofihi legeya'a lolo hite yanamofihi babeyafalo minalabe.

Filipai 1:27

Moneko'i lenali Kilisitohi ka lamana'a mege'i melete hetofa suhi lite minenogo hepite komopatini moneko hinogo hetofa kagamofihi foya'a amuya amuya melete nelinogo nani lenalitoga bu nehetilufi mebilufi lenali kumu bati ka nelinogo kehelilube.

Filipai 2:3

Lenalitinimu kehelite lenugufa lelitetiti nehanamofihi melilo. To lenigi le'mo saga mehilo. To lenegekesa yigite ligiti enebe ligilune lite ya melilo. Lenali komopatini lelite limite melelete lenigibo lenagabo enali kumu kehelinogo tilibe.

Kolose 1:10

To yalo lenali asaga yupahi aitoga minete hetofana hite neminenogomo Sipi Boti ai lenofokehi lilina'mu yabe. Ya'ma le'ali loka noho'ibe. To lenali asaga yupahi Hu'mamofihi lagamo keheliba keheliba hite minete, to bona'i enehe'malata ya'ma hetofa lili'natini fato fato'i yamofihi legeya'a babu luto hilina ya hinogomo Hu'mamofihi hapa'a keheli bati hilete hetofana suhi hite minete ya hilabe luto loka noho'ibe.

Kolose 3:5

Lenali ma melugu bona'magihi hapa'ani li he'milo. Moko lise'na yagi, ana'i gumina folose'na yagi, kolotananamofihi hapa'a yagi, lenipagu keheli sibina huse'na yagi, to foipanamofihi hapa'a asaga'i komopatiniguti li he'milo. To ma me'mofihi nasana asaga'i laga lepesise'na yana'mu lu laga hite he'milo. Ya'ma melugu nasana laga lepesise'namoya lugefa suhi huto ni'ina melugu bona'magi Hu'mamofihi le'mo laba hilata nehana ana'ina melugu nasana'a liyafa hite kanihi filata nehana. Lenali ya'ma hapa'aya mege'i memalalo.

1 Tesalonika 2:12

Ya huloto lenegekesa lito lenele'mo amuya moloto huto lu lepolo'ohutamo ni'ibe. To Hu'mau ai kapogu lenele'malina bouba to fana meha'a lepilina bouba bu goto lenofokehi lilibe lite laga hina hite minalo, luto lu lepiba lepiba hu'ohuta ni'ibe.

1 Tesalonika 4:12

Ya hite minete, ya'ma fato bona'i enali nehanalo bo mone'mofihi nose'na'a kele kele'i mehise legeso hite minalabe. Lenali ya hite minenogo mono ka mekeheli'ahanamagi hapatini bu gelete lenofokehi lilete lenigi liyafa hilabe. To kagatini kehelilabe.

1 Tesalonika 5:17

Asaga yupahi Hu'mamofitoga kehelite lu emilata nehite mehe'mise minalo.

Yemesi 4:5

Lenali kehelilo. Hu'mau mono bukugu mone kaga luto lu'ehina ka'a yamofihi hapa'a futu'a meni'igo ana kaga ni'ibe: Nani ya'ma bona'magihi komopa'anigu molo epolo'ohuna enemeha'aniuba foipana enibita hina nasana amuya'a lolo hi etalifihe? luto lu'ehina yabe.

1 Yoni 2:6

Lali Hu'mamofitoga i hepito nohuta bona'i nohune luto liluta'amagita Yesu Kilisito minoto lito hu'ehina yamofihi babeyafalo minaluta yabe.

2 Yoni 1:4

Paka panaka luga'a enali afotifu lu molo'ehina kamofihi ya'ma keheli'ehite'ani ka'a lamana'a ya'ma lite minelata nehana yabe luto hapa'ani ya suhi huto keheliloto'ni komopa'nigu negelo bito minolata nohube.

Yute 1:23

Enali logo kapogu bilune'mu haha nelana bona'i enele'mo tiligi salo. To bona'i luga'a leniginaga nefinogo lenelesa nolinogo enele'mo bati hilo. Ya nehite ana'ina'ani kolota kolota hapa'ani ni'inogomo yana hiti kaba hi epalalo.