Romu 13:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ya'ma ginaga fi epilata nehabe luto nolunaya henabe luto nolube? Hu'mau Sipi Botiuba lele'malina kana'a lebato'isi ni'inagihe. Koyapa lali yata'a Kilisitohi keheli ule'ale huto komopati emi'ohuta lele'malina kana'a foto'i mino'ehina, to lubuto bilina kana lebato nehetilibe. Yana'mu lenali lenubu kolo kolo hite neminabe. Yatai topa hete ho tilo.

Romu 13:11 ပူးပေါင်းရင်းမြစ်များ

Matiu 16:3

To etehi sopohi giloto kokuluma'i safa logo nohigomo yasi hiti ko'i yatai ilibe lite lilata nehabe. O'yo, lenali bati hite kokulumamofihi meha'a be gelete loko hilata nehabe. Ya nehana lenali yatai kanamofihi meha'a be gelete loko mehilana nehabe.

Luku 21:28

Ya'manana hapi fito huto hilube'mu nohinogomo lenali ho tilete latahatini li saga hilo. To Hu'mau lenele'malube'mu hilina kana'a huto hilina'mu yabe.

1 Koliti 10:11

Enalitoga nasana huto hu'ehina yanauba lalitoga sipina lipoti nomalana yamofihi bu galune. Me'i hiti kokuluma hiti kana'atiti hupamone nohinagu nohune. Kaga ya'ma legekesa lite yamofihi beto hite fayahi keye'ahanamo ya'ma ni'ibe.

1 Koliti 15:34

Lenali ya'ma komopatini hokolo hinogo eto hite nehite foipa nasana lenemegesa hi emilo. Lenalitogati bona'i luga'amagi Hu'ma kumu menekehelibe. Yamofihi fa'mene kehelinogo lenubuya hilibe luto nolube.

Efeso 5:14

Yamofihi mono ka mone ma huto ni'inamo ni'ibe: Lenubu'i ke'ahana bona'i lenali ho tilo. Fili'ahanaguti aho tilo. Kilisitou ya'ma fi besa lo lepalalube'mu hibe.

Yemesi 5:8

Sipi Bo i behe huto nehetilina kana'a tupa hu'ehibe. Ya'mu lenali hiti kosele'i mehese komopatini molo hetofa hite minalo.

1 Pita 4:7

Ana'ina silaga'na su halina kana'a anasi tupa nohibe. Ya'mu lenali komopatini to lenugufa kaba hite keheli bati hite Hu'mamofitoga kaga luto loka halune lite babahi hite minalo.

2 Pita 3:11

Ana'ina asaga'na ana suhi huto lo su halinamo ni'igo ya'mu lenali eto hite minete Hu'mamofihi kaga'mu amuya melete minete kehelite lamana'alo mege'i melete minalo.

2 Pita 3:9

Sipi Bo ai kaga lu molo leto'ehina yamofihi legeya'a huto hilibe luto ligitagahi huto kana'a yatama mehu'ehinamo ni'ibe. Bona'i luga'amagi keheligo ya'ma suhi lolo hulata nohina ya huto meni'ibe. Ai bona'i luga'a haya kelete fenene hi lalabe luto enegeba huto minolata nohibe. Ai bona'i silaga'magi komopa'ani i gelehe hite foipana hapa'ani he'milabe luto kehelito enali kumu yabe luto fulu huto enegeba huloto minolata nohibe.

1 Yoni 2:18

Palala'ni pana'nimagitabe, kana'a ya'ma hupamone'i asu halina'mu yabe. Ya'mu lenali Kilisitohi fateha'a huto hilibe lite keheli'ahabe. To yatai fatehe bona'a babu lite huto hilete mine baga i'ahabe. Yana'mu ya'ma kana'a su ho lamana hu'ehibe luto akeheli'ohune.

Huto Hilina Ka 1:3

To fayahi ya'ma asaga'i amuya malalina kana'a alo'i tupa hu'ehinamo ni'inaya suguna ka lu huto hilina ya'ma leka sete lu epilanamo lenali hiti ya'ma ni'ibe. To ka fayahi ya'ma kehelilete keheliya ilana lenali nehana Hu'mau lusa gi lepolo'ehina'a lolo hite nehabe.

Huto Hilina Ka 22:10

Ya luto luloto ma luto lu nimi'ehina: Kai buku mamofihi huto hilina suguna ka'a ya'ma li fala mekibo. Kaga ya'ma lamana'a kolo hilina kana'a alo'i hupamone huto nohinagi lu yege hobo.

Huto Hilina Ka 22:12

Yesu ma luto lu'ehina: Kehelibo. Nani mele'isi biluna'mu yabe. Buto'ni ya'ma mone kegi'a nona'a pa soto lepilube luto lito bilube'mu hube. Bona'magi lolo hite melete hi'ahanamofihi mone kegi'a li legege huto le'mo eto eto huto epiluna'mu yabe.

Huto Hilina Ka 22:20

Ka'a huto hu'ehina ya'ma lusiga lulata bo ai'a ma luto nolibe: Lama'naka. Lenalitoga ma'asi alube'mu nohube. Lama'naka. Sipi Boti, Yesuo. Kai obo.