Romu 12:17 - Ka Lamana'a Monoꞌi Lu Mu Tifiꞌehina Ka Yabe

¹⁷ To bona'i moneuba lenele'mo sibina nohinogomo lenali foipana nona'a meemilo. Aku'i bona'magi bebe sose hapa'amu nelanamofihi ya'ma lenali mege'i melete minalo.

Romu 12:17 ပူးပေါင်းရင်းမြစ်များ

Matiu 5:24

asaga'na ana hitalo nomoloto hololu luto buto kogonaka le'mo fulu huto ya huto kipakafa hoto ka emeki'ohuna yatai lubeyaga nounagihe luto li koguna ilete'atiti yalo alihi oto Hu'mamofihi hitalo lokiya fi emibo.

Matiu 5:39

Ya hu'ehina nani aku'i yatai lu nolepube. Lenali bo moneuba osahi lenehenogomo lenali ana bo nona'a mehalo. Lenabaga hapa'alo lamagatiniga inogomo mone kegi'a i gelehe hu emitogo ino.

Romu 12:19

Nalalu'nigitabe, bona'i moneuba lenele'mo sibina hulenogomo ipakafa mehete to ana bona'mofihi li pa salune lite ya melilo. Ya'ma Hu'mau ita bise'nauba enahalinamo ni'ibe. Ya hu'ehina'mu mono bukugu fayahi ma ge'ahana: Nani foipa bona'mofihi nona'a epilube luto, Sipi Botiu ya lu'ehina. Foipana'ani'mu osahi epito i pa saluna ya'ma nani foya'ni yabe. Yanana'mu mono bukugu mone hiti fayahi ge'ahanagi lenali kehelilo:

Romu 14:16

Ana huto lenali mone nasana'mu bati huto ni'ibe lite keheli'ahanamoya aku bona'i moneuba ekesa kehelito bati mehina nasana yabe luto kehelinogo lenali anana lolo hise'namu li he'milo. Ana bouba lolo hise'na komopa'auba sibina hinogomo ya'ma bati mehilina'mu yabe. Li he'milo.

Kolose 4:5

Enali Kilisitohi naga'i menehana bona'magihi fulu hite kehelilete bebe sana hapa'a hi epalalo. Ya hite, asaga yupahi ka lamana'a lu epise'namofihi kapo'a sa sa hite mone fa'mene meminese enehe'mete Yesuhi hapa'a enelepilo.

1 Tesalonika 4:12

Ya hite minete, ya'ma fato bona'i enali nehanalo bo mone'mofihi nose'na'a kele kele'i mehise legeso hite minalabe. Lenali ya hite minenogo mono ka mekeheli'ahanamagi hapatini bu gelete lenofokehi lilete lenigi liyafa hilabe. To kagatini kehelilabe.

1 Tesalonika 5:15

To foipanamofihi nona'amu yabe lite ai henogo ai henogo li muyalo li malo mehilo. Ya hu lalune lite lenalitogati to bona'i asagatoga ana'ina li lamana hu epalalune lite amuya melete minalo.

1 Tesalonika 5:22

Ana'ina foipana fato fato'mofihi ni'ina yamofihi he'milo.

1 Timoti 5:14

Ya nehana'mu nani ma luto nolube. Keto ana'i kosaba'i enali baha'anilo bite minete yagapana'ani eneketete enali'ani noha'ani foya'ani bati hite kaba hite le'mo bati hite minalabe. Ya hite nehinogo lali fatehatimagi enabagalo ilenogo lali kumu ka sibina'a mone melilabe.

1 Pita 2:12

Ya nehite Hu'mamofihi mekeheli'ahana bona'magihi komopa'ani legi mehinogo mino eto hite minalo. Ya hite nehinogo Hu'mamofihi mekeheli'ahana bona'magi kohe tete lenali kumu foipana lilata nehana bona'i nehabe lite lenifisa ite aku alihi to lenali bite folagaha'anigu minenogo to hapatini bati hinogo enali bu negenogo yata'a kehelise'na'ani he'mite lenali kumu Hu'mamofihi fokeha'a lilabe. Yesu Kilisitou nehetilina kanagu ya hilana'mu yabe.

1 Pita 3:16

Ya nehite kele'na ka lu meepise agoya hite lu enelepilabe. To enali kumu keheli sibina mehise, keheli bati hite lu enelepilabe. Ya nehinogo lenali kumu lu sibina sabana nehinogo Kilisito hiti mine melete hilana bati huto yauba bo ya'amagi enali faga fagalo bona'i enali hapa'ani huto hulenogo enubuya'ani'mu fililabe.

1 Pita 3:9

Ana'ina foipana lelite tinogomo lenalitinigo fililata nasana foipana lelite metilo. Lenali lube laga hibe nehinogo lenaliya nona'a meepise bebe sose ka lu epilo. To lenali ana hite lusa gise ka lilabe luto Hu'mamofihi elesa molo'ehinamo ni'ibe.