Romu 12:14 - Ka Lamana'a Monoꞌi Lu Mu Tifiꞌehina Ka Yabe

¹⁴ To bona'i mone'amagi lenegene mane neinogo Hu'mamofihi loka hete ana bona kumu gumi'i enohobo melise li hetofa hu epolobo lite ya'ma loka halo.

Romu 12:14 ပူးပေါင်းရင်းမြစ်များ

Matiu 5:44

Ya hu'ehina nani yatai aku'i lu nolepube. Fatehatini enele'mo bati nehite to lenali'i lenele'mo bati mehilana bonatoga nunumu Hu'mamofitoga hu epelenogo ai enehe'malibe.

Luku 23:34

Ya hite neenahago Yesu ma luto lu'ehina: Foipana'ani li he'mi epolobo, Afo'niga. Enali ya'mana li huto nehananamofihi hapa'a ya suhi nohutagihe lite keheli bati mehi'ehite nehabe. Ya noligo enali gukete'alo enali'ani kati yokolo'na hilete li futili katili hi'ahana yabe.

Luku 6:28

To lenele'mo sibina hilune'mu huli ka lu lepilana bona'i bebe sana ka lu neepite ana hite ka lu sibina hi ketalana bona'i enehe'moto numuna hu epolobo.

Aposolo 7:60

Ya noluto ai lapusa noto minoloto mone'a hiti kehe sipi iloto ma luto lu'ehina: Sipi Bo, enali ya'ma li huto nehana foipana'ani'mu luto kekesa mekehelibe. Sitifeniu ya luto luloto ana'asilo fili'ehina yabe. Ya hite, Sitifenihi hanana'mu Soliu keheligo gufaluga bati hu'ehina yabe.

Romu 12:21

Lenali ya hite hetofa suhi hite hilenogomo foipa hapa'auba lenele'mo laba mehilina'mu yabe. Lenali hetofa hapatiniuba foipana bege ligilina'mu yabe.

1 Tesalonika 5:15

To foipanamofihi nona'amu yabe lite ai henogo ai henogo li muyalo li malo mehilo. Ya hu lalune lite lenalitogati to bona'i asagatoga ana'ina li lamana hu epalalune lite amuya melete minalo.

Yemesi 3:10

Ana kenetufati monekotu enofokehi lilata nohune. To li gelehe huto huli ka lu epololata nohune. Nalalu'nigita, ya'ma laga mehina suhi ni'ibe.

1 Pita 3:9

Ana'ina foipana lelite tinogomo lenalitinigo fililata nasana foipana lelite metilo. Lenali lube laga hibe nehinogo lenaliya nona'a meepise bebe sose ka lu epilo. To lenali ana hite lusa gise ka lilabe luto Hu'mamofihi elesa molo'ehinamo ni'ibe.