Romu 12:13 - Ka Lamana'a Monoꞌi Lu Mu Tifiꞌehina Ka Yabe

¹³ Lenali Hu'mamofihi bona'a enumuhi meni'ina'amagihi fe'nohatini fuku lite li epilo. To bonoho bona'i elenogomo nohatinigu enele'mo melenogo tilenogo nose'na epite malo kalo lite, ya lu epilo.

Romu 12:13 ပူးပေါင်းရင်းမြစ်များ

Matiu 25:35

Hena'mugope? Koyapa'i nani kau'na nonalago lenali nose'na nimi'ahana yabe. To nagami kumu lubaha'ni hosopa noigo lenali nagami'i nimigo no'ohuna yabe. To nani hepa'ni he'miloto ka bo oto nohugo lenali nohatinigu nele'mo mele'ahana yabe.

Aposolo 10:4

Ya ligo Koniliasiu bu goloto koli huto loka ho'ehina: Sipi Bo, hena hibe? Ya ligo agelouba Koniliasihi lu emi'ehina: Asaga hetofa foya suhi nohatana'mu luto Hu'ma ekesu mehago nunumuka keheligo bati hu'ehibe.

Aposolo 4:35

aposolo naga'magihi epigo enali guna ite enemeto enemeto hite epilata hi'ahana yabe.

Romu 12:8

To bo moneuba boana'i komopa'anigu keta hi'ahanamagihi enele'mo amuya malalina yamofihi lili'na lilibe. To bo moneuba ana'ina'a babu luto ni'igo guna ito epilube luto ligo, ana bo komopa'agu beyaga neinogo fato bona'i fa'mene epilata huto minalibe. To moneuba Hu'mamofihi bona'a kaba hulata nohina ai ana lili'nalo amuya moloto kosele'i mehenogo lili'na lilibe. To mone bouba bona'magihi ginaga fito enehe'malube luto ai ana lili'nalo bati huto liloto fokehi lito minalibe.

1 Koliti 16:15

To nalalu'nigitabe, mone lu lepilugi kehelilo. Lenali Setefanasi to lalameha'a enali kumu ya'ma lite keheli'ahabe: Enali Akaiya hepatogati kohe tete Hu'mamofihi ka kehelilete komopa'ani li gelehe hite Kilisitotoga keheli emi'ahana. To Hu'mamofihi bona'a enalitoga kele kele foya minalune lite lilete lilata nehabe.

2 Koliti 9:1

Yutia kapogu Hu'mamofihi bona'a enehe'mete efahi epilanamofihi ka'a akeheli'ahabe. Yamofihi henabe luto aku'i koyo lepilube?

2 Koliti 9:12

Lenali ya hite, Hu'mamofihi naga'a enehe'me'ahanauba legeya'a huto hu'ehina mone ana muhi menina bona'i enele'mo bati hu'ehina to mone hiti Hu'mamofihi enegelo bite babu lite neminana ni'ibe.

Galesia 6:10

Ya nohuto kana'ati ni'igo bona'i asaga'magihi lemehi epito hetofa hu epalalune. Ya nehinogoti mono kagu ligibo enali'ani lalalutigihi nasana ya'ma lelito tito enele'mo bati hilune.

1 Timoti 3:2

To babafi lolo hilina foipa meminenogo minoto a'i moneko'i li'ehilina bouba minalina'mu yabe. Ya suhi ma suhi hilutaya sibina hu lalube luto gufa'a kaba huto minalibe. Legeso huto besana kapogu minalina'mu yabe. Ana bouba bonoho bona'i elenogomo mehi epito enebe tigito enele'mo malalibe. Mono bukugu kaga lilata foya yamofihi fato bona'i lu enelepilina keheli bebe soto le'mo fotogo huto lilibe.

1 Timoti 5:10

Ai ya suhi huto lito moloto hu'ehina nasana bona'magi enali keheli'ahanamo ni'ifihe? Yagapana'a ketoto bati huto kaba hu epoloto komopa'a epi'ehinamo ni'ifihe? To aitoga bonoho bona'i e'ahago kaba hu bati hu epolo'ehinafihe? To ai'a limito minoto Hu'mamofihi yagapana'a luga'a enele'mo bati hu'ehinamo ni'ifihe? Ai bona'i ketanauba sibina hu epolo'ehina'amagihi enele'mo bati hu'ehinamo ni'ifihe? To bona'i mehi epito ya suhi ma suhi hu epolo'ehinamo hapa'a loka mika hu etetogo ana suko huto ni'inogomo gi'a fayahi pepagu kayalane.

Taitasi 1:8

Ya huloto bonoho bona'i e'ehinogo mehi epito enele'mo malalina, to asaga hetofana'mufi lamana'amufi laga besilina to komopa'a gulu gulu linogo minalina, to hapa'amu'i fu lina bo nohina to komopa'a hiti gufa'a li bati huto kaba hilina'mu yabe.

Taitasi 3:14

To bonatimagi enali hetofa foya suhi hite lelite nebinogo komopa'ani lolo hilibe. Enali'ani yana foya'mu enogo'na bibo. To enugufamofihi ana'ina li emilata nehana yamofihi hi emite nebinogo mono kumu lolo hite melete nasanauba legeya'a li huto hilube'mu hibe. Enali fa'mene fuli minelata mehilo luto lu epibo.

Filemoni 1:7

Nalalu'niga, kai Hu'mamofihi bona'a asaga'i enele'mo bati hulata nohatamo ya'mu komopaka epi'ahatanamofihi komopa'nigu bati huto keheliloto negelo gofa bilata nohube.

Hibulu 13:16

Hetofa foya lilatana agoyana hiti to fe'nohi guna ite epilune lite lenegekesa kehelite minalo. Hu'mau ai'a yanamofihi kehelito bu go laga nohigo mamufa gi emilata nasana suhi huto legeya'a lolo hulata nohibe.

Hibulu 13:2

To ka'i logo lili bona'i enebe tigite nohatiniluga enele'mo malalune lite kosele'i meleneheno. Luga'amagi enali bonoho bona'i atilo lite enele'me mele'ehite agelo nehana'muya enali mekeheli'ahana.

Hibulu 6:10

Hu'mau ai'a mone li sibina huto ya huto menohibe. Lenali ai kumu yabe lite foya'a lite komopatini minalanamofihi lamana'a yamofihi Kilisitohi yagapana'a enele'mo bati hite lenemehi emite enehe'malata nehanamo yamofihi ai'a yana'mu ekesu mehalina'mu yabe.

1 Pita 4:9

Lenali kosele'i melepehenogo bonoho bona'i ya suhi hite kehelite enebe tigite nohatinigu enele'mo melenogo tite minalabe.

1 Yoni 3:17

Bona'i luga'a enali yaga nose'na to fe'noho nasanauba babu luto ni'igo to enalalu'anigihi enumuhi meni'igo nehinogo bu gelete to komopa'ani hekini lete meenehe'malata nehanaya enali kumu ma luto kehelilune. Komopa'ani Hu'mamofitoga mone memalalata nehabe luto keheliloto ya lilune.

3 Yoni 1:5

Nalalu'niga, nemehi nokumuna bose, kai lalalutigihi enele'mo bati hulata nohata ya'ma lemegesagati ni'igopa fotogati nasana hiti enele'mo bati hulata nohata ya'ma bati huto lolo nohane.