Romu 12:11 - Ka Lamana'a Monoꞌi Lu Mu Tifiꞌehina Ka Yabe

¹¹ Lenali Hu'mamofihi lili'na amuya melete lilo. Fa'mene fuli meminese lenegelo bite Sipi Botimofihi lili'na'amu lite komopatinigu babahi hinogo minalo.

Romu 12:11 ပူးပေါင်းရင်းမြစ်များ

Matiu 24:12

Foipa faipa suhi sipi'a tili tele hulenogo babu bomagi enali koguna ito minose'na'ani he'mi su halana'mu yabe.

Matiu 25:26

Ya ligo sipi bo'auba ka'alo ma luto lu emi'ehina: Kai bati mehina lili'nalo bo fuligo koloto nominata bo yabe. Bo mone'mofihi foyaguti nose'na nokifito to mone melugu bo moneuba nose'na legeya'a tili hu'ehinaloti nose'na'a nani kumu noline luto noho fisa nokitaba kai keheli bati hu'ohuto nolapihe?

Aposolo 18:25

Enali ya'ma bomofihi Sipi Bomofihi Kapo'alo le'mo melete kaga lepi'ahago ana kagauba komopa'a amuya molo'ehigo nohuto Yesu li huto hu'ehinamofihi kaga'a boana'i enelepito to lu epi'ehina. Ya hu'ehina to ai Yoniu nagami'i folo epololata hu'ehinanago ai keheli'ehina yabe.

Aposolo 20:19

Nani Sipi Bomofihi agoya hu emito lili'na lito minolata napa'a ya'ma hu'ohube. To lenali kumu yibi nohuto lili'na'a lito mino'ohube. To Yuta bona'magi nanimomu'i boga liba liba hite nele'mo sibina nehago mino'ohuna yabe.

1 Koliti 7:22

Kai kele kele yagapana'i nohatogo Sipi Bouba elesa molo kimi'ehina'a kai Sipi Bouba foipanaguti pa so ketoto gulu ho keto'ehina bomo nohata kehelibo. To kai ya'ma fa'mene nohatogo Sipi Bouba elesa molo kimi'ehina'a kai Kilisitohi kele kele yagapana'a lolo huto nohata kehelibo.

Efeso 4:28

To gumina lilata hi'ahana bona'i lenali he'milete lenigigusa lenayatu amuya melete foya lite nose'natini f'enohatini li huto hite enumuhi menina bona'i enehe'mete leniginaga fi epite amuyatini hiti minalo.

Kolose 4:1

To lenali kaba bo nehanamagita kele kele panatini enele'mo hetofana hite to bebe sose hapa hite enele'mo bati hilo. Lenali Kaba Botini mone kokulumalugu nohinamofihi lenekesu meheno.

1 Timoti 5:13

Ya hilete ya'ma nonugu fato fato'na tila limila hite futu'a kaga lite minelata nehana to ya'asigo meni'ibe. Enali notu humofa'na hite fa'mene kagamo lite faga faga lite bona'magihi foyagu ukimi akimi hilata nehabe.

Hibulu 12:28

Ya hilinagi lali Hu'mamofihi kapo'a lilune'mu nohutamofi kumu mopo mopo mehilina minoba minoba nasana lalitoga minalibe. Yana'mu lali Hu'mamofihi fokehi halutagihe. Ya huloto bita nohina'alo mege'i moloto aitoga legelo lagalo bito amuya'a hiti legeso huto agoya hu emino. Ya nohinogo ai'a kehelito bu go laga hinogo bati hulenogo agoya hu emito minalune.

Yemesi 5:16

Hu'mau lele'mo ye kalibe lite nelitemo foipanatini ai he'mi etenogo ai he'mi etenogo lu hokolo hite Hu'mamofitoga lilo. Bati hite minalana bona'magi Hu'mamofitoga loka hete ya'ma ana'ina lamana'a lilana'mu yabe.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

1 Pita 4:8

Ya nehite lenemehi ai eminogo ai eminogo hite minalo. Ya'ma hilana'auba silaga'na be ligi'ehina nasana ni'ibe. Komopa'ani epilatana yanauba foipana li'ahana asaga'i enebe ligilata nohibe.

Huto Hilina Ka 2:4

Ya hu'ehinaya nani ya'ma ana'ina ya suhi huna'mu kehelugo lenali kumu bati mehulata nohibe. Lenali yata'a komopatini nimilata hi'ahanamo ana suhi huto kana ma'asi mone meni'ibe.