Romu 11:25 - Ka Lamana'a Monoꞌi Lu Mu Tifiꞌehina Ka Yabe

²⁵ Nalalu'nigitabe. Mone suguna ka lu lenelepilugi kehelilo. Lenali kehelite lali kehelise'nati sipi bati nohune lite lenugufa limo titi hu laligi ma kaga lu nolepube. Yuta bona'magi Hu'mamofihi enemegesa hi emiba emiba hite komopa'anigu ule'ale hise'namofihi kana'a mone su halina'mu yabe. Fegutoga bona'magi Hu'mamofitoga komopa'ani emilana bai tenogomo Hu'mau Yuta bona'magihi aku'i enele'malina'mu yabe.

Romu 11:25 ပူးပေါင်းရင်းမြစ်များ

Matiu 13:11

Ya nelago Yesu lu epi'ehina: Nani Hu'mamofihi Kapo'amofihi suguna ka yamofihi hapa'a lu hokolo hu lepolo'ohuna to lenali ya'ma kagaya keheli'ahabe. Aku'i enali'i ya'ma kamofihi meenelepise nohugo mekeheli'ahana.

Luku 21:24

Sipi emitauba enohoto nalina'mu yabe. Fateha'animagi naga'i epite enele'mete bite fato bona folagaha'anigu he'mi epalalana'mu. To fatoga bona'magi enigi'aniuba Yelusale hepa'i ilenogo aku'i fato bona'magi enehete enele'mo nehe'mite enali'ani minalana'mu yabe. Enali Hu'mau molo'ehina kanagu minete to kana su holenogo he'milabe.

Yoni 10:16

To fato fato sipisipi yaga'ni mana bihugu menehana'a enali'i sa sa huloto enele'moto oto li nupa hu epalalube. Enali nogo'ni kehelite ete li nupa hite to kaba bo'ani moneko'isi nohigo moneko'na hite minalune'mu habe.

Romu 1:13

Nalalu'nigitabe, keheli fe lilo. Babu yupahi lenalitoga buto lenebe ligilube'mu nohugomo fato lili'nauba nele'mo mololata nohibe. Nani nekesa kehelito fegutoga bona'i Hu'mamofihi kaga'alo mege'i mele'ahana suhi luto lenali ana hite mege'i malalabe luto ya'ma nebesi'ehina.

Romu 11:12

Yuta bona'magi foipana li'ahanaloti'i Hu'mau noto noto bona'magihi lusa gi epolo'ehina. Ya'ma Yuta bona'magi Hu'mamofihi lusa'amu le'mo laba hite he'mi'ahago Hu'mau fegutoga bona'magihi li hetofa hu epolo'ehina yabe. Ya hu'ehina'mu alihi Yuta bona'i luga'amagi Kilisitohi kaga kehelite aitoga komopa'ani emilana kanagu ya'ma Hu'mamofihi lusa gise'nauba mone hiti hofa talina'mu yabe.

Romu 11:24

Lenali fegutoga bona'magi lopi oliba yafamofihi yaha'a suhi lite nehabe. Hu'mau lenali ana yafaloti laga huto ai'a yafalo li hepi lepolo'ehinamo keta huse lili'na li'ehina yabe. To Yuta bona'magi hetofa oliba yafamofihi yaha'a legi hite nehana'mu Hu'mau mone yupahi enali aku'i yafa'alo enele'mo hepilina'a nohinogomo ya'ma sipi lili'na'a meni'ibe.

Romu 12:16

To lenali moneko hepatoga neminana bona'magihi fulu hite minete komopatini moneko babeyafa hite minalo. Lenali bona'i enubulo hutu hata hilata to sipi bonako yaga foya bonako enele'mo fulu hilata mehilo. Lenali laba hite bona'magihi suhi hite neminanamofihi ya hite minalo. To lenali asaga'na keheli baga i'ohuta bona'i nohune lite ya lenekesa mekehelilo.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

Romu 9:18

Yamu'i lali Hu'mamofihi hapa'amu ma keheli'ohuna, ai bona'i mone'a kumu niginaga filube luto to fato bona'i mone'mofihi komopa'a fi hekini lo etalube luto lu'ehina. Ya'ma ai foya'a ni'ibe.

1 Koliti 10:1

Nalalu'nigita lali tatatigi lolo hite melete hi'ahana yana'mu kehelilabe luto lenelepilugi kehelilo. Moseu Iyipi metogati enele'moto nobigo enali yege yege bona'i sopohuba ifi to epalago bi'ahana enali asaga'i hege nagami'i lite bi'ahana. Ana nagami'mofihi gi'a Safa Nagami'i yabe.

1 Koliti 12:1

Nalalu'nigita, Sikalafu'uba amuya fato fato'mofihi limilata nohina hapa'a keheli sibi hise kumu lu lepilugi kehelilo.

1 Koliti 2:7

O'e, nani keheli bati huto lulata nohuna'a Hu'mau koyapa'i komopa'agu suguna huto keheli molo'ehina yamofihi lu huto hulata nohube. Keheli molo'ehina ka'a ya'ma bona'magita lali Hu'mamofihi fana meha'agu minalune luto koyapa'i ana'ina li huto mehina yupahi Hu'mau le'mo keta mehuse huto molo leto'ehina.

1 Koliti 4:1

Lenali lali kumu kehelinogo Kilisitohi lili'nalo bo'a to Hu'mamofihi suguna ka'a kaba huto leli'ali bo lolo nohuta kehelilo.

Efeso 1:9

To ai'a keheliya ito ya'mamofihi legekesa lu hokolo hu leto'ehina to ya huto ai'a suguna huto molo'ehina ka alihi Kilisitou le'mo huto hilina'a komopa'aguti ma luto lu hokolo hu leto'ehina.

Efeso 3:9

To Hu'mau suguna kamofihi hapa'a ai foya'a lito li su halinamofihi hapa'a ya'ma nani'ni lu huto huto nohugo bona'i kehelilabe luto nele'mo'ehinamo ni'ibe. Ya'ma Hu'mau ana'ina silaga'i li huto hulata nohina bouba koyapa koyapa'i ana suguna ka hapa'a ai'a komopa'agu fala kito minomo buto mino'ehibe.

Efeso 4:18

Enali ya'ma komopa'ani enegekesa hokolo mehigo negi nagi nete komopa'ani hekini lolago fa'mene mine'ahana. Enali Hu'mau lele'mo bati huse'na'amofihi melise nehite enegekesa sibina higo mine'ahabe.

2 Pita 3:8

Komopa'ani lepi'ohuna bona'ise. Ana'ina mone ma'asi keheligopa napa mehilo. Sipi Bouba ai kana moneko'i keheligo kufu babu luto mone tauseni ya legi lolo higo lolo hulata nohibe. To kufu mone tauseni yamofi kumu keheligo kana'a moneko'i lolo hulata nohibe.

Huto Hilina Ka 1:20

To nayahi lamaga'aga sonofi'i 7 ya'a hiti to libi'i 7 golitu lolo hi'ahana ya'ma bu go'ahata yamofihi suguna nasanamofihi hapa'a lu kimilugi kehelibo. Sonofi'i 7 ya'ma Hu'mamofihi yagapana'amagi li gehesa 7 enali'i kaba hi epalalana bona'i agelo bona'i ya suhi hite nehabe. To libi'i 7 ya'ma Hu'mamofihi ka keheli'ahana bona'magi li gehesa 7 nehana yabe.

Huto Hilina Ka 10:7

Agelo napa 7 ai pikuli fu linogo nogo'a sipi malalube'mu hibe. Ya'ma suguna ka koyapa'i Hu'mau kele kele'amagihi lu huto huto bona'amagihi lu epi'ehinauba ma'asi huto hu su hoto huto hilube'mu hibe luto lu'ehina.

Huto Hilina Ka 11:15

Ya hulago agelo napa 7 ai pikuli fu noligo kokulumagu ya'ma enonogo sipi melete ma lite li'ahana: Yatai ya'ma noto noto bona'magihi kaba hulatanamofihi amuya'amoya Sipi Botimofihi to le'mo ho ti'ehina'amofihi ai yanagu nohigo kaba hu epoloto mino'ehina. Yatai enigihiti bo lolo hilibe luto linogo mino lito buto minalube'mu hibe.

Huto Hilina Ka 7:9

Ya hulago nubu egolago buto mana bu go'ohuna: Noto noto bona'i luga'amagihi babeyafa'a fato fato enugufa hiti to fato fato naga'i hiti to kaga'ani fato fato'i to naga'i babu lite ya'ma bo moneuba leka so su mehose suhi enali sekele mamu'a hiti kefa hisamofihi gobisalo to sipisipi nala'a ai maha'aga ho tite nehago bu enogo'ohuna. Enali ya'ma koholi kata li hekelete lose lose'na fekilite enayanugu ya'ma lose lose'na hekele ite lila lila hite mine'ahana.