Romu 11:20 - Ka Lamana'a Monoꞌi Lu Mu Tifiꞌehina Ka Yabe

²⁰ O, lusiga nelabe. Ya'ma Yuta bona'i enali Hu'mamofitoga keheli ule'ale mehi'ahago Hu'mau laga hu he'mi'ehigo lenali aitoga komopatini emite keheli amuya malago ai li hepito molo lepolo'ehina. Ya hu lepolo'ehigo lenali yanana'mu lenugufa limo titi hu lalibe luto legeso hite lenelesatini nolinogo minalo.

Romu 11:20 ပူးပေါင်းရင်းမြစ်များ

Luku 18:14

Yesu lu'ehina: Nani lu nolepube, takisi lilata bo ai Hu'mamofihi ipa'a emi'ehinamofihi ai ya'ma lamana bo yabe luto ligo noha'aga nobibe. Ya hu'ehina to ya'ma fato bo ai bati mehu'ehibe. To bo moneuba gi'a li saga hilube'mu lilina Hu'mau le'mo melugu nomoloto ni'ibe. To bo moneuba agoya huse to gi'a laba hilina Hu'mau fokehi hoto gi'a li saga hilina'mu yabe, luto Yesu lu'ehina yabe.

Aposolo 18:6

Ya luto lu epina enali ana ka'a keheli komopa'anigu memolose kiya hi etelata hago Polu ya nehagomo hulata nohina'a huto gukete'agati mumusopa i tili nohuto ma luto lu epi'ehina: Lenali lenugufatini le'mo lenubuto mebilana ya lenali hapatini'mu luto yabe. To nani yananalo kaba mehu'ohube. Yatai ya'maloti fegutoga bona'i nehanaga buloto Yesu kumu enali'i lu yege hoto minaluna'mu yabe.

Romu 11:18

Ya huto ni'igo to lenali ya hite neminago enali Yuta bona'i laga hu he'mi'ehina yaha'amo legita nehana'amagi kumu lenali sibi lenegekesa meyigilo. Henabe luto lenali lenugufa limo titi nehabe? Lenali fa'mene yafa yaha'a yana suhi nehabe. Yafa lufusa'auba lenali'i kaba huto amuya molo lepalalina'mu lenali ai'a kaba menehabe.

Romu 11:21

Hu'mau enali ya'ma Yuta bona'i lusi yafa yaha'a suhi hite nehanamagihi ginaga mefise he'mi'ehinagi yamu'i lenali kumu ginaga fito henabe luto laga mehu lepalalibe?

Romu 12:16

To lenali moneko hepatoga neminana bona'magihi fulu hite minete komopatini moneko babeyafa hite minalo. Lenali bona'i enubulo hutu hata hilata to sipi bonako yaga foya bonako enele'mo fulu hilata mehilo. Lenali laba hite bona'magihi suhi hite neminanamofihi ya hite minalo. To lenali asaga'na keheli baga i'ohuta bona'i nohune lite ya lenekesa mekehelilo.

Romu 12:3

To Hu'mau nele'mo hetofa hu'ehina bo noho lifi'ehigo nani ma kaga mone lu nolepube. Hu'mau keheli ule'ale huse'i fato fato'i guna ito lepi'ehina. Ya'mu lenali lenugufatini limo titi mehilo. Lenalitini be ligite kehelinogo mone'a hiti metilo. Hu'mau mono ka limi'ehinamofihi keheliya ite minete hapatini le'mo eto eto hite minalabe.

Romu 3:3

To ana Yuta bona'i mone'amagi mono kaga mege'i memele'ahago Hu'mau kaga lu molo'ehinana asaga'i huto mehilifihe?

1 Koliti 10:12

Ya hu'ehina'mu ya'ma moneuba ai'amu kehelito Hu'mamofihi kagu amuya moloto nohilina bouba buto sibina hu laligi, yamofihi legeso huto kaba huto minalibe.

1 Koliti 15:1

Nalalu'nigita ka lamana'a alu lepugo keheli'ahabe. Ana kagamo aku'i lu lepilube. Giyaka giyaka fito lu lepugo lite lufusatini alolo hu'ehinamo ni'ibe.

1 Koliti 16:13

Lenali kaba hite minelete Hu'mamofihi ka kehelilatanamofi kumu ule'ale hite minalo. Ya nehite koli mehise gimi bomofihi hapa'a lite amuya melete minalo.

2 Koliti 1:24

To lenali keheliya ise'natinimofihi amuya melete nehabe, ya'ma keheli'ohutamo ni'inaya lenalitoga buto nani kibina bo lolo hilube luto mone melu'ohube. Fa'mene lenalitoga komopatinigu enegelo bilibe luto lenele'mo bati huto foya'a lilata nohube.

2 Koliti 10:5

Hu'mamofihi hapa'a keheliya ise'namofihi kapo'a hekini lalune'mu ana'ina lite enita bise kaga'ani li nohe'mune. To Kilisitohi agoya hu emiluta'asigo huto hilibe luto kehelito fato fato'mofihi naga'i emito nohune.

Filipai 2:12

Ya'mu komopa'ni lepi'ohuna yagapana'ni lenali kumu kana'amu kana'amu ka'ni kehelite lite mine'ahana ya suhi hite molo emite minalabe. Lenali hiti mino hepito nohuna ni'igopa foto'i nohuto lenubuto nobunamofihi lamana'a li huto nehinogo haya kolo lalune lite topa topa hite amuya malalo.

Kolose 2:7

Lenali yaga legi hite minete aitoga lufusatini limite bati hite tiba tiba hite amuya yafa lolo hilo. To Hu'mamofihi kaga yata'a lu lenelepi'ohunana amuya melete keheli emiba emiba hite minalo. To Hu'mamofitoga lenegelo bite komopatinigu sabiyana bai tenogo minalo.

2 Tesalonika 2:4

Ana foipa bouba ai bona'magihi keheligo bati'na lolo hulata nohina nasana to bona'magi liyafa nehana nasana silaga'i yamofihi le'mo laba huloto'a to enali folagaha'aniguti yamofihi ai'a gufa'a lelito ai'a tilube'mu hibe. Ya huloto Hu'mamofihi sipi mono nonugu tito minoloto ai kumu ma luto kehelilibe. Nani'ni Hu'mamofita nohube lilibe. Ya luto kehelilibe.

1 Timoti 6:17

Kai bona'i mone'amagi ma metoga nasana yogo fe'nohi babu luto silaga'i li nupa nupa nehana ya luto lu moloto lu epibo. Enugufa'ani lelite tite enemeha'ani sipalo memalalabe. Guna melelata nasana'mu kehelinogo lamana'a lolo mehino. Ya nasanaga bite i mekeleno. Hu'mau ai'a ya'ma lenumu hinogo nete melete laga'amu kehelilabe luto fitu fo limilata nohina bo aitoga ya'ma buto i ke'malune, luto lu epibo.

Hibulu 3:12

Nalalu'nimagita, lenalitogati mono komopatini go'nupa ginogo minete mono ka keheli he'mite minoba minoba huse bo, Hu'mamofihi lenemegesa hi emi lalagi kaba hite minalo.

Hibulu 3:19

Ya luto lu'ehina'mu ma luto keheli'ohune. Enali Hu'mamofihi ka'alo keheli he'mite aitoga agoya hu meemi'ahana enali kumu yabe luto minoba minoba huse hepatoga bu meneheti'ahanamo ni'ibe.

Hibulu 4:11

To lalitogati moneuba amuya memolose foipana nasanamofi kumu luto bona'i koyapa'i ka'a pelesa ite Hu'mamofihi minoba minobanamofihi hepatoga mebilune'mu enipakafa enehese kapolo bi'ahanamo analo'i bu lalunigi minoba minoba hepatoga bilune luto amuya malalune.

Hibulu 4:6

Bona'i mone'amagi kohe tete ka lamana'a kehelite Hu'mamofihi minoba minoba hepatoga mebi'ahana. Henabe lutobe? Enali ana ka'amofihi keheli amuya memele'ahana. Ya hite, Hu'ma hiti analo fuli memine'ahana. To mone'amagi kehelite aitoga agoya hu emite nohinalo bite ai hiti fuli mine'ahana yabe.

Yemesi 2:19

Lenali ya'ma afotifu, Hu'ma moneko'isi nohibe lite lilata nehanafiye? Bati huto ya'ma ka legeya'a nelanaya foipa felemagi ana hite kehelilete sipi enelesa ligo topa hete nehabe.

Yemesi 4:6

Ya hu'ehinaya libita hulata nohinana laga mehinana'mu keheli meemilabe luto lele'mo hetofa hulata nohibe. Mono bukugu kaga ma luto lu'ehinamo ni'ibe: Hu'mau ai'a enugufa limo titi bona'magihi enele'mo fitu fo he'milata nohinagi agoya hu neemina'amagihi enele'mo hetofa huto enehe'molata nohibe, luto lu'ehina.

1 Pita 1:17

Lenali Hu'mamofi kumu afotifu yabe lite lu emite, nunumu hite lilata nehabe. Ai loe bomale'ititihi bu goloto moneko babeyafa ni'inogo mone bo le'malina to mone bo he'mi etalina meni'ibe. Hapa'a ya huto meni'ibe. Ai asaga bona'magihi komopa'ani bu goto hapa'ani lamana huto eto huto loko hulata nohina bo nohibe. To ya nohigo lenali panana'amagita ma metoga nehana kanagu ai kumu koli hite minete keheli emite mine lite bilo.

1 Pita 5:12

Nani kaga ya'ma Silibanuhi'ya ka lu emi emi nohugo fayahi ya'ma koyoto nolepibe. Nani ai kumu ya'ma nokehelugo nalalu'nifu lamana'a lolo nohibe. Naniya Hu'mamofihi lehe'mose'na'a kehelugo legeya'a lolo nohina ya'mu lusi kaga amuya'a hiti lu huto huto lu nolepuna'mu luto lenogo'na bito lu nolepube. Ana lehe'mose'namofihi komopa'agu ule'ale hite minalo.

1 Pita 5:9

Satau le'mo sibina hilina'mu ya huto nohinagihe. Lenali ya'ma keheli ule'ale hiletetini amuya melete minete ai'i le'mo fitu fo he'milo. Ya nehite ya'ma lite kehelilo. Lenigibo lenagabo Hu'mamofihi kagu nehana noto noto nehanamagi enali eniginaga nofigo ana hite kehelite minelata nehabe.

Huto Hilina Ka 18:7

Enugufamofihi le'mo lite tite minete laga'amofihi gupisalo mineme bite meleke takehi hite minelata hi'ahanamo ni'ibe. Yamofihi mone kegi'a eniginaga fise'na to enuluhaya enagabu gilatana ya'ma li huto hite epilo. Ana hepa'uba ya'ma a'mofihi sipi a'i legi huto minoto komopa'agu ekesa kehelito ma luto nolina: Nani nominoto'ni sipi a'i gihiti bo'ani legi huto nohube. Nani keto a'i menohube. Eniginaga fise'na mekehelise laga'namofihi gupisalo mino lito buto minalube'mu hube.

Huto Hilina Ka 3:17

Lenali lenalitini'mu ma lite kehelilata nehabe: Lali babu yogo fe'nohi ni'ibe lite bati huto minalune'mu hune nelabe. Lali hena nasana'mu mone sa sa hulata nohune? Ana'ina lilata nohuta yanamofihi nasana'mu mone sa sa mehune lite lilata nehanaya, lenali amuya memele'ahana hapatini mekehelise bona'i mone muhi meni'ina bona'i ate ate li'ahana'a enugufa yapako nehite bu pisi lina bona'i suhi hite nehabe. Ya'amagi ya'ma enali keheli fe lite kehelilana'a mehabe.