Romu 11:17 - Ka Lamana'a Monoꞌi Lu Mu Tifiꞌehina Ka Yabe

¹⁷ To Yuta bona'magi foyagu kofo'ehina oliba yafa supo hite neminabe. To fegutoga bona'magi lopi oliba yafa supo hite nehabe. To Hu'mau hetofa yafamofihi yaha'a mone'a laga hu he'miloto to lopi yafaloti yaha'a mone lito oto hetofa yafa laga hu'ehinalo li molo hepito nagatu sa gilago nogoya'a logoto ana lopi yafamofihi yaha'a le'mo bati nohilibe. Lenali fegutoga bona'magita ya'ma lopi yafamofihi yaha'a molo hepi'ehinana legi hite neminabe. Yana'mu Hu'mau yata'a Yuta bona'magihi mino hetofa huse'na epi'ehina yamofihi lenali fegutoga bona'magita yatai lite bati hite neminabe.

Romu 11:17 ပူးပေါင်းရင်းမြစ်များ

Matiu 21:43

Ya'mu luto nani lu nolepube. Hu'mau ai kapo'a lenalitogati lenebe silito fato boana'magi enali bati lili'na ma melugu lite nehilanamagihi epilina'mu yabe.

Yoni 15:1

Yesu molo emito ma luto lu epi'ehina: Nani ya'ma bai naga'i hapa'a lamana'a nohube. To Afo'nifu bai naga'i foya afo'afu nohibe.

Yoni 15:2

Nanitogati yafa moneuba ya'ma legeya'a mehalina'a yamofihi laga hu he'milina'mu yabe. To yafa mone'mofihi legeya'a helenogo legeya'a silaga'i halibe luto noluto sibina hina'a laga hu he'mi he'mi nohibe.

Yoni 15:6

Luga'amagi enali nanitoga ete i mehepilana ya'ma i pigilata nohina ya suhi hite gulu gulu bilenogo laga hu he'milube'mu hibe. Haya'a ya'ma i pigilago logogu laga hite keyelata nehabe. Nanitoga ete i mehepina bona'i enalitoga ana suhi huto hilinamo ni'ibe.

Aposolo 2:39

Koyapa'i Hu'mau ka molo'ehinaya lenalitoga hiti to yagapanatiniloga hiti to asaga'i me'i foto nehana hiti, asaga'i enali Sipi Boti Hu'matifu kehe ilina bona'i ya'manana epilina'mu yabe.

Romu 11:24

Lenali fegutoga bona'magi lopi oliba yafamofihi yaha'a suhi lite nehabe. Hu'mau lenali ana yafaloti laga huto ai'a yafalo li hepi lepolo'ehinamo keta huse lili'na li'ehina yabe. To Yuta bona'magi hetofa oliba yafamofihi yaha'a legi hite nehana'mu Hu'mau mone yupahi enali aku'i yafa'alo enele'mo hepilina'a nohinogomo ya'ma sipi lili'na'a meni'ibe.

Galesia 2:15

Lali ya'ma fegutoga bona'i sibigopa minelata nehana bona'i huto mehune. Yuta bona'i huto hu'ohutaya,

Efeso 3:6

Suguna kamofihi hapa'a ma luto ni'ibe. Ka lamana'a molo'ehinamofihi legeya'a ya'ma fegutoga bona'i lenalitoga to Yuta bona'i enalitoga moneko babeyafalo koguna moneko'i lolo huto nehinogo Yesu Kilisito kumu yabe luto Hu'mau Yuta bonatoga lu molo epolo'ehina lenali li hetofa hite lilabe luto lu'ehinamo ni'ibe.

Kolose 2:13

Lenali koyapa Moseu keya ka lu'ehina kamofihi mekehelise fegutoga bona'i minete foipa faipa hapatini hilata hi'ahanaya Hu'mamofitoga filise'nalo mine'ahana yabe. Yalo Hu'mau Kilisitohi le'mo ho ti'ehina suhi huto lenele'mo ye ko'ehina. Hu'mau foipanati asaga'i li he'mi leto'ehinagihe.

Huto Hilina Ka 11:4

Etali oliba yafa loemo to libi'i loemo ya'ma me'mofihi Sipi Bo'a ai bulo ho tilete minete ya suhi hite neha'ibe.