Romu 11:11 - Ka Lamana'a Monoꞌi Lu Mu Tifiꞌehina Ka Yabe

¹¹ Nani mone koloka nohobe. Ya'ma Yuta bona'magi li figi gi'ahana'mu Hu'mau enali kumu he'mi su ho'ehinafihe? O'e, ya huto meni'ibe. Ai lu kehelito i behe huto fegutoga bona'magihi enubuto bilube luto, Yuta bona'magi be gelete siko hilabe lu'ehina. Enali enubuto bise'na yana'amu laga'ani epesilina'mu yabe.

Romu 11:11 ပူးပေါင်းရင်းမြစ်များ

Luku 20:16

Ai buto enali enoho su holoto'a foyamo fato bona'mo epinogo kaba hilabe. Yesu ya luto lu epi'ehina kilihe'i yabe. Ya lu epigo boana'magi kehelilete ma li'ahana: Abo, ya'ma kaba bona'magi ya hilalafi? O'e, ya mehilabe.

Aposolo 13:42

Ya lu epito Polugo Banabasiugo li gehesa hilata nonugati he'mite fegutoga limilu'ibe'mu neha'igo boana'magi mone fuli yupapogu kanagu aku kaga mone'a hiti ete lu limila'ibe lite lu etete'ahana yabe.

Aposolo 18:6

Ya luto lu epina enali ana ka'a keheli komopa'anigu memolose kiya hi etelata hago Polu ya nehagomo hulata nohina'a huto gukete'agati mumusopa i tili nohuto ma luto lu epi'ehina: Lenali lenugufatini le'mo lenubuto mebilana ya lenali hapatini'mu luto yabe. To nani yananalo kaba mehu'ohube. Yatai ya'maloti fegutoga bona'i nehanaga buloto Yesu kumu enali'i lu yege hoto minaluna'mu yabe.

Romu 10:19

To nani mone hiti koloka halube. Yuta bona'magi ka lamana'a mekeheli'ahana ni'ifihe? Ya huto meni'ibe. Keheli'ahana yabe. Hu'mau koyapa'i enali kaga'a mege'i memele'ahana kumu kohe toto Mosehi bukugu lu'ehina ka'a fayahi koyo'ehina: Nani fato melugu boana'magihi enigi'ani meni'ina enele'moto hulenogo lenali bu gelete siko hilabe. To noto noto bona'i ka keheli sibina hi'ahanamagihi nani enele'mo bati nohinogo'nimo, lenali kehelite lenipagu logo bilibe.

Romu 11:1

Ya'mu nani koloka nohobe: Hu'mau ai'a Yuta naga'i he'mi epolo'ehifiye? O'e, ya'ma mehu'ehibe. Nani Yuta bo nohunagi. Abalaha yagapana'a nohube. Nani biha'nimofihi gi'a Beyamini yabe.

Romu 11:12

Yuta bona'magi foipana li'ahanaloti'i Hu'mau noto noto bona'magihi lusa gi epolo'ehina. Ya'ma Yuta bona'magi Hu'mamofihi lusa'amu le'mo laba hite he'mi'ahago Hu'mau fegutoga bona'magihi li hetofa hu epolo'ehina yabe. Ya hu'ehina'mu alihi Yuta bona'i luga'amagi Kilisitohi kaga kehelite aitoga komopa'ani emilana kanagu ya'ma Hu'mamofihi lusa gise'nauba mone hiti hofa talina'mu yabe.

Romu 11:14

Ya'ma mono ka lili'na nolugo Yuta bona'nimagi kehelite siko hilete ana kagamu'i lagati lebesibe lite nelago Hu'mau mone'amagihi enele'menogo mino kosaba huse'i lilabe.

Romu 11:31

To ana huto Yuta bona'magi Hu'mamofitoga agoya hu meemise nehago ai lenali'i ginaga fi'ehina ana huto enali kumu alihi ginaga fi epilina'mu yabe.