Romu 10:9 - Ka Lamana'a Monoꞌi Lu Mu Tifiꞌehina Ka Yabe

⁹ To lali mana lu yege nohone. Kai kabagakaguti Yesu nani kibina bo'ni nohibe luto lilata to Hu'mau fili'ehinagati le'mo ho ti'ehibe luto komopakagu ma'naka luto kehelilata nohatogo ai kele'mo bati hinogo minoba minoba hilane.

Romu 10:9 ပူးပေါင်းရင်းမြစ်များ

Luku 12:8

To nani lu nolepube. Bo moneuba nani nigi'ni boana enubulo lu yege homofa'na hilina ana huto Kokulumaguti limi'ehina Bouba ai ana bomofihi gi'a lu yege homofa'na Hu'mamofihi agelo'amagihi enubulo hilina'mu yabe.

Yoni 9:22

Ito'afugo afo'afugo Yuta bona'i kumu koli nehite ya'ma kaga lu epi'aha'igo hena'mube? Koyapa'i Yuta bona'magi kaga lu laga hi'ahana: Bona'i moneuba Yesu kumu Hu'mamofihi le'mo ho ti'ehina pana'a nohibe luto linogomo yana'mu enali sipi mono nonuguti he'mi etete aku metilibe lite lu laga hi'ahana yabe.

Aposolo 16:31

Ya ligo etali lu emi'aha'ina: Kai Yesutoga komopaka emiletogo Hu'mau kele'mo kubuto binogo ai pana'a lolo hilane. To kai lalamehaka hiti ana hilabe.

Aposolo 2:24

Ya hi'ahana Hu'mau ya'mana bo aku'i le'mo ho ti'ehibe. Ai gabu gigo fili'ehinana asaga'i li he'mi su ho'ehibe. Hena'mugope kene mala malauba ya'mana bomofihi gufa'alo meligo yabe.

Aposolo 2:32

Ya'mana Yesuhi Hu'mau ale'mo ho ti'ehigo lali bu golototi ai kaga'a lu yege nohone.

Aposolo 8:36

Etali kapo melete bite nagami'i mone ni'inalo heneti'aha'ina. Ya hilete ana gamani bouba Filipihi lu emi'ehina: Bu gobo, nagami'i ma ni'ibe. Nagami folose kapo'ni henanauba hekini lo neto'ehibe?

Romu 10:10

Lali Hu'mamofitoga keheli ule'ale hunogo komopatigu lele'mo bati hilibe. To lali labagatiguti Yesu kibina boti nohibe luto nolunogomo ai lele'menogo minoba minoba hilune.

Romu 14:11

Ya hilina'mu mono bukugu ma lite fayahi ge'ahana: Nani nubu hiti minoba minoba nohuna bo nohube. Silaga boana'magi yege yege'na nogobisalo enalahupa nohi fite minelete to enabagaguti ma lilabe: Hu'mao, kibina boti nohane, lilabe, Sipi Bouba ya luto nolina yabe.

Romu 14:9

Ya nohina'mu Kilisitou filito aku fili'ehinagati ho ti'ehinagi yatai fili'ahanamagihi lubu hiti mino lito nohutamofihi ai kaba bo nohinagihe.

Romu 4:24

Lali kumu hiti ana fayahi keye'ahana yabe. Sipi Boti Yesu fili'ehinaguti Hu'mau le'mo ho ti'ehinalo komopati emito keheli ule'ale huto minalutamofihi Hu'mau lamana bona'i nehabe luto lulata nohibe.

Romu 8:34

Kiyi kiyi'afu lifisa iloto ka foya lilube'mu nohibe? Yesu ai'asigo lali kumu fililoto ho tito aku Hu'mau lamaga'aga le'mo'ehigo nominabe. Analo nominoto lali kumu Hu'mamofihi amuya loka holata nohibe.

1 Koliti 12:3

Yanamofihi megesa'aga linogo'ni kehelilagi keheli'ehilo. Bo mone'mofihi Hu'mamofihi Sikalafu'uba le'mo babahi higo Yesuhi le'mo gumi'i molo emito melilube'mu hibe. To Sikalafu'uba babahi mehinogo Yesu ya'ma Sipi Bo'ni nohibe luto melilina'mu yabe.

Filipai 2:11

To enabagaguti enabagaguti ya'ma Yesu Kilisitohi ai Sipi Boti nohibe lite nelite kululu kululu tite halana yanauba tito minoto afo'afu Hu'mamofihi gelo bise'na lolo huto minalibe.

1 Pita 1:21

Ya huto higo lenali ai kumu kehelite Hu'mamofitoga agoya hu emite neminabe. Hu'mau Kilisitohi fili'ehinaguti le'mo ho tito sekele mamu'a emito molo eto'ehina yabe. To ya higo lenali ananamomu'i kehelite amuya melete aitoga agoya hu emilata to fifa ilata nehana ni'ibe.

1 Yoni 4:15

To bona'magi Yesu ai lamana'a Hu'mamofihi pana'a nohibe lite lu huto hilana'a enali Hu'mamofihi komopa'agu minalune'mu nehabe, to Hu'mau ana huto komopa'anigu minoto lito hilina'mu yabe.

2 Yoni 1:7

Ka Keheli'ahane. Fato mono ka lilabe lite lenimi'i melelata bona'i babu lite huto hilete noto noto hepatoga i tili hite bi'ahabe. Enali Yesu Kilisito kumu ya'ma melugu lusi gufa hiti lito huto hu'ehinamo ni'ibe lite ka'a ya'ma ibe fitebe hilata nehabe. Bona'i ya hana'amagi ya'ma lenimi'i melelata bona'i Kilisitohi fatehe bona'a ya'ma nehabe luto lilune.