Romu 1:7 - Ka Lamana'a Monoꞌi Lu Mu Tifiꞌehina Ka Yabe

⁷ Ya'mu luto nani fayahi lenalitoga asaga Lomu bona'i Hu'mau komopa'a lepito to nani yagapana'i nehabe lu'ehinalo nogobe. Ai Hu'mau afotifu to Sipi Boti Yesu Kilisitohi fuluna'a hiti lenehe'mose'na'a hiti lenalitoga mineno.

Romu 1:7 ပူးပေါင်းရင်းမြစ်များ

Matiu 5:16

Ya huto ninagi lenali libitini ligite boana'i enali enubulo binogo lenali hetofa hapatini bu gelete to enali ana hite Sipi Bo Hu'matinifu kokuluma hepatoga nohinamofihi enegelo bite gi'a liyafa hilabe.

Yoni 20:17

Ya ligo Yesu lu emi'ehina: Kai nunu mekibo. Nani yata'a aku afo'nifitoga metise nohugo nogona'ni nehanalo buto ka lu epi netobo: Nani kokulumalugu Hu'mamofitoga tito afo'nifu afotinifu aitoga tilube'mu nohube.

Aposolo 15:23

Enali fayahi mone ma lite gete etali etayanugu mele'ahana: Lali aposolo bona'i hiti to olopa bona'i hiti lenalalutinigita fegutoga bona'i Atioki hepato hiti Silia hepato hiti to Silisia hepato hiti neminanamagita lenalitoga bati hite nehafihe luto fayahi nogo lepolone.

Aposolo 9:13

Ya ligo Ananiasiu ka'alo nona'a lu emi'ehina: Sipi Bo, babu bona'magi ya'ma bomofihi kaga'a nelago nokeheluna bo nohibe. Kai boanaka Yelusale'i enegene mane ise bati mehina suhi babu luto ya'mana bouba li huto nohibe lago nokeheluna yabe.

Romu 1:6

Ya'ma lenali Lomu hepato bona'i hiti ka lamana'a lu lepise nehanana ya'ma Hu'mau lenalimo kehe igo Yesu Kilisitohi mege'i mele'ahanaya.

Romu 5:1

Lali Hu'mamofihi keheli ule'ale hutogo ai lele'mo bebe so'ehibe. Yana'mu Sipi Boti Yesu Kilisitou lalitoga hu'ehinanamu'i Hu'mau yatai lele'mo fulu nohibe.

Romu 5:5

Ya'ma geba huto minaluta yanauba kehelise'nati le'mo laba mehilina'mu yabe. Hena'mugope? Hu'mamofihi Sikalafu'i limito lali komopatigu ho lifigo keke'i lu leto'ehinana huto hu baga i'ehina.

Romu 8:28

To lali mana akeheli'ohune, Hu'mau lu kehelise'namofihi bona'a enali kumu kehe igo bite aitoga komopa'ani emi'ahanamagihi ai asaga huto hilina kanagu hetofana hu epololata nohinagihe.

Romu 8:39

To mone ifo muyalo ni'ina me'i afenuga ni'inafi moneuba Yesutogati lele'mo loko mehilina'mu yabe. Hu'mau lali kumu sipi ginaga fise'na'amofihi Sipi Boti Yesu Kilisito limi'ehinamofihi ya'ma melugu lolo huto minolatana asaga'namagi lele'mo loko mehilana'mu yabe.

Romu 9:25

Koyapa'i kaga lu yege hose bo, Hosea ai mono bukugu anamu'i ma koyo'ehina: Bona'i fato'na nani'ni menehana'a nani'ni bona'ni yabe luto ya lilube. To fato metoga bona'i mone'a menebesi'ehina'a aku niginaga fi epilube luto ya lilube.

1 Koliti 1:24

Ya nehanaya lali Hu'mau lele'mo'ehina bona'magita Yuta bona'i nohuta Giliki bona'i hiti nohuta laliya Kilisito kumu nokeheluta ya'ma Hu'mamofihi felisa to kehelise'na'a ni'ibe luto nokehelune.

1 Koliti 16:23

Sipi Boti Yesu lehe'mose'na lenalitoga mino moloto mineno.

Galesia 6:18

Nalalu'nigita, Sipi Boti Yesu Kilisitohi lenehe'mose'nauba komopatinigu mino lito buto mineno. Lama'naka.

Efeso 1:2

Afotifu Hu'ma to Sipi Boti Yesu Kilisitohi aitogati lenehe'mose'na to fuluna'a lenalitoga minomo tito minalibe.

Efeso 6:23

Afotifu Hu'mau to Sipi Bo Yesu Kilisito ai nigibo nalalu'nigita lenali fuluna li huto huto molo lepoloto keheli amuya melelatanatini li futili hu lepelenogo komopatini ai eminogo ai eminogo hite minalabe.

Filipai 1:2

Afotifu, Hu'ma to Sipi Boti Yesu Kilisito aitogati lenehe'mose'na'a to fuluna'a lenalitoga minomo tito minalibe.

Filipai 4:13

Kilisitou nele'mo amuya malago fato fato'na laga mehinanamofihi nanitoga huto hulenogo komopa'nigu keta mehuse bati huto nominobe.

Filipai 4:20

Hu'ma afotifihi aitoga ya'ma fokehi noluto yanauba mino lito tito fi besana lolo huto minalibe. Ma'naka.

Filipai 4:23

Sipi Bo Yesu Kilisito lenehe'mose'nauba lenalitoga asaga'i bu foloto minalibe.

Kolose 3:12

Lenali Hu'mamofihi bona'a nehabe. Ai keke'i nolu lepoloto lenele'mo'ehibe. Ya hu'ehinagi lenali fato bona kumu leniginaga fi epelete fulu hite enehe'mete agoya hite minalo.

Kolose 3:15

Hu'mau folagahatinigu Kilisitohi fuluna'a minalibe luto lenele'mo moneko'na hu'ehinagi fuluna'auba lenipagu kaba hinogo fulu hite minalo. To Hu'mamofihi fokehi lilo.

1 Tesalonika 1:1

Lenali Tesalonika metoga bona'ise. Lenali afotifu Hu'ma to Sipi Boti Yesu Kilisitohi bona'ise. Nani Poluita to Silasiugo, Timotiugo lali nohuto lenali ya'ma fayapo koyo nolepune. Hu'mamofihi lenehe'mose'na'a to fuluna'a lenalitoga minomo tito mineno.

1 Tesalonika 1:3

Lenali Hu'mamofitoga keheli amuya melete minelata nehana yamofihi lamana'a ya'ma li huto nehabe. To komopatini emilata nehite foya'a amuya melete minelata nehabe. To Sipi Bo Yesu Kilisito alina kumu yabe luto keheli ule'ale hite geba hite minelata nehabe. Ya'ma afotifu Hu'mamofihi ai gobisalo kehelito fokehi holata nohune.

1 Tesalonika 1:4

Lalalutigita, Hu'mau komopa'a lepito ai bona'a lenele'mo lolo hu'ehinamo ya'ma keheli'ohune.

1 Tesalonika 4:7

Ya foipanaloti komopatini kolo tenogo minalabe luto meni'ibe. Komopatinigu babahi minalabe luto Hu'mau elesa molo epi'ehina.

1 Tesalonika 5:28

Sipi Boti Yesu Kilisitohi lenehe'mose'na'a lenalitoga minomo buto mineno.

2 Tesalonika 1:2

Afotifu Hu'mamofihi to Sipi Boti Yesu Kilisitohi ai fuluna'a to lenehe'mose'na'a lenalitoga buto liloto mineno.

2 Tesalonika 3:16

Sipi Boti ai'a fuluna afo'afu ya'ma asaga yupahi fato fato suhi luto fuluna'a li huto hu lepeleno. Sipi Bouba lenali asagatoga minomo buto mineno.

2 Tesalonika 3:18

Sipi Boti Yesu Kilisitohi ai lenehe'mose'na'a lenali asagatoga mino moloto mineno.

1 Timoti 1:2

Timotio mono kapogu kele'mo'ohuna pana'ni nohane luto nolube. Kai fayahi ya'ma koyoto nokumube, Hu'ma afotifu to Sipi Boti Yesu Kilisito lehe'mose'na hiti ginaga fi limise'na hiti to fuluna'a lele'mo huse'na yamofihi huto hu keteno.

1 Timoti 6:2

Ya hite, kele kele pana'magi kaba bo'animofihi ka'a kehelite enali hiti lali hiti moneko mono'i keheli amuya mololoto mino bati huto gonamu tamu'a minalune lite kehelite enali kumu kehelinogo melimino. Enali kele kele pana'magi Hu'mamofi kumu yabe lite enemehi epilete lili'na amuya melete minalabe. To hena'mube? Enali kaba bo'animagi lili'na'aniloti nose'na mana'a lilata nehanamagi Hu'mamofihi naga'i nehana bona'i yabe. To enemehi epilata bona'i nehana yabe. Ya'mu lama'naka lite bati hite agoya hi epalalana yamofihi mone sipi foya lite minalana'mu yabe. Kaiya ya'ma kaga lu enelepi enelepi huto lu epito minalane.

2 Timoti 1:2

Timotio, nemehi nokumuna pana'nimaka, nani ma fayahi koyoto nokumube. Afotifu Hu'mau to Sipi Boti Yesu Kilisito ai lehe'mose'na to ginaga fi limise'na to fuluna'a hiti li huto hu keteno.

2 Timoti 4:22

Sipi Bouba kaitoga meha'a hiti minalibe. To Hu'mamofitogati lehe'mose'na lenalitoga mino moloto mineno.

Taitasi 1:4

Taitasio, lusi pana'ni kai hiti nani hiti moneko mono'i keheli emito mino'ohu'inamo ni'ibe. Kai ya'ma fayahiya koyoto nokumuna kehelibo. Afotifu, Hu'mau to Yesu Kilisitou lubuto bilata bomofitogati lehe'mose'na fuluna'a hiti kaitoga mineno.

Filemoni 1:25

Sipi Bo Yesu Kilisitohi lehe'mose'na'a lenalitoga mino moloto mineno.

Filemoni 1:3

Afotifu Hu'ma to Sipi Boti Yesu Kilisito aitogati lehe'mose'na'a to fuluna'a lenalitoga mineno.

Yemesi 1:1

Nani Yemesita Hu'mamofihi koko pana'a to Sipi Bo Yesu Kilisitohi pana'amofita nani'ni fayahi nokoyobe. Lenali Isilaeli bona'magihi naga'i nayahi luga luga su hoto nigigusaga loemo leke ho malago tili tele hite bi'ahana bonatogati Yesuhi naga'a lolo hi'ahanamagihi keke'i lu epoloto ya'ma fayahi nokoyobe.

1 Pita 1:15

Hu'mau elesa molo lepi'ehina bo komopa'agu lamana nohinagi lenali ana suhi hite komopatinigu asaga'i lamana hite mine lite bite minalo.

1 Yoni 3:1

Bu galo. Afotifu ya'ma komopa'a sipi huto limiloto pa'nibe, pana'nibe luto lu leto'ehina. Komopa'a limilata'na hofa toto minago lali ai yagapana'a bati huto nominone. Yana'mu melugu bona'magi Hu'mamofitoga meneminana enali laliti hapati menekehelibe. Hena'mube? Hu'mamofihi hapa'a mekeheli'ahanamo ni'ibe.

2 Yoni 1:3

Afotifu, Hu'mau to ai pana'a Yesu Kilisitou ai lehe'moto ginaga fi letoto to fuluna'a li huto hu letoto nohinogo ka'a lamana'amofihi to komopati emilutamofihi ya'ma komopa'agu mino lito buto minalune.

Huto Hilina Ka 2:1

Molo emito ya'ma luto lu nimi'ehina: Efeso hepato Hu'mamofihi bona'amagihi agelo ya suhi huto kaba hu noepalana bouba ma luto fayahi koyo emilenogo lu epilibe: Sonofi'i yahi lamaga'aga li'ehina to libi'i 7 golitu lolo hi'ahanamofihi komopa'agu bula ola bulata nohina bo ai'a lenali kumu ma luto nolibe:

Huto Hilina Ka 2:12

To Pegamuma hepatoga Hu'mamofihi yagapana'amagihi agelo ya suhi huto kaba hu noepalana bouba kaga ma luto fayahi koyoto emilenogo lu epilibe: Emita'i yatamalo mone megesaga to mone bulaga ni'igo li'ehina yauba lenali kumu ma luto nolibe:

Huto Hilina Ka 2:18

Taitaila hepatoga Hu'mamofihi bona'magihi agelo ya suhi huto kaba hu noepalana bouba kaga ma luto fayahi koyoto emilenogo lu epilibe: Hu'mamofihi pana'amofihi bu'auba logo guluya mehi ya suhi huto loto ai gigusa'a goli efahi logogu loloto lo gini gini nobina ya suhi huto ai'a lenali kumu ma luto nolibe:

Huto Hilina Ka 2:29

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 2:8

To Semena hepatoga Hu'mamofihi yagapana'amagihi agelo ya suhi huto kaba hu epolo'ehina bouba kaga'a ma luto fayahi koyo eminogo lu epilibe: Kohe toto to alihi moloto ai filito aku'i ho tito minoba minoba hilata bo lenali kumu ma luto nohibe:

Huto Hilina Ka 22:21

Sipi Boti Yesuhi lehe'mose'na'a lenalitoga mino moloto mineno.

Huto Hilina Ka 3:14

To Leotisia hepatoga Hu'mamofihi yagapana'amagihi agelo ya suhi huto kaba hu noepalana bouba ka'a ma luto fayahi koyoto emilenogo lu epilibe: Ka lamana'a lu latanamofihi hapa'a nohina bouba ka'a ligo ule'ale hulata nohina bouba lusi lu yete hose bouba Hu'mamofitogati ana'ina huto hu'ehina yanamofihi hapa'a nohilina lenali kumu ma luto nolibe:

Huto Hilina Ka 3:22

Sikalafu'i yauba Hu'mamofihi yagapana'a li gehesa hi'ahanamagihi ka'a ya'ma luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 3:7

To Filatelefia hepatoga Hu'mamofihi yagapana'amagihi agelo ya suhi huto kaba hu noepalana bouba ka'a ma luto fayahi koyo emilenogo lu epilibe: Bati nominana to fotogo nohina bouba mone gihiti bo, Tebitihi, kafemofihi foloke'a li'ohuto kafe sigi hokolo hu'ehinogo moneuba buto li hekini melalube'mu hibe. To li hekini lo'ehinogo moneuba kafe mesigilube'mu hibe.