Romu 1:4 - Ka Lamana'a Monoꞌi Lu Mu Tifiꞌehina Ka Yabe

⁴ Ai fili'ehinogo aku Hu'mau fili'ehinaguti le'mo ho ti'ehina to sipi amuya'a hiti mino'ehina. Yana'mu ai Hu'mamofihi lusi pana'a nohibe luto hapa'a hetofana ni'igo lali bu goloto keheli'ohuta yabe.

Romu 1:4 ပူးပေါင်းရင်းမြစ်များ

Matiu 4:3

Ya higo Satau aitoga henetiloto ma luto lu emi'ehina: Kai Hu'mamofihi pana'mo nohutomo ka'ma ni'ina efahi lu epitogo nose'na lolo hino.

Aposolo 17:31

To ai asaga melugu bona'i ka foya liloto guna ilube luto limilina kana'a molo eto hu'ehibe. To ai ya'mana lili'na lilibe luto bo mone le'mo ho ti'ehinauba guna i epalalibe. Ai ana bo fili'ehinagati le'mo ho tilotomo ya'mana asaga bona'i enelepigo be gete keheli'ahabe.

Aposolo 2:24

Ya hi'ahana Hu'mau ya'mana bo aku'i le'mo ho ti'ehibe. Ai gabu gigo fili'ehinana asaga'i li he'mi su ho'ehibe. Hena'mugope kene mala malauba ya'mana bomofihi gufa'alo meligo yabe.

Aposolo 2:32

Ya'mana Yesuhi Hu'mau ale'mo ho ti'ehigo lali bu golototi ai kaga'a lu yege nohone.

Aposolo 3:15

Ai hetofa bo kapo bati'a lelepito mino kosaba huse hepato lele'moto bilube'mu nohina bo lenali ho fili'ahabe. Ya hilago Hu'mau aku'i kene keliguti le'mo ho ti'ehina, le'ali ya'mananamofihi kaga'a lu yege hose bole nohu'ibe.

Romu 1:3

Hu'mamofihi pana'a lali Sipi Boti Yesu Kilisito yabe luto ai kumu ya'ma hetofa ka lamana'a ni'inagihe. Ai Tebitihi nagatogati o'ehina'a lusi bo nohibe.

2 Koliti 13:4

Koyapa'i lama'naka luto ai legeso huto nohigo malipu yafalo he'ahanamo ni'ibe. Yatai ya'ma afo'afihi Hu'mamofihi amuya'a lito ho tito minomo buto nohibe. Lali ana huto ai hu'ehina suhi huto legeso huto nohutaya aitoga i hepiloto Hu'mamofihi amuyalo buto lifita ito minolata nohuta yamofihi hapa'a lenalitoga li huto hu lepiluna'mu yabe.

Hibulu 9:14

Ya hu'ehinaya Kilisitou ai ya'ma minoba minoba Meha'auba fi hele hu etago ai komopa'a hiti gufa'a hiti bati huto mino'ehina yamofihi Hu'mamofitoga hetofa mamufa gi emi'ehina. Ya hu'ehina'mu Kilisitohi golaha'auba komopatilo i kolo'ehinamofihi okala huto foipa foya he'mi letoto lele'mo bebe solenogo mino kosaba huse bo, Hu'ma aitoga agoya hu emito foya'a lilata nohune.

1 Pita 1:11

Enali ya'ma huto hilina kana'a sa sa hi'ahana, Hu'mau ya'ma Kilisitohi ho lifilina kana henaki yupahi huto huse kanagu huto hilibe lite sa sa hi'ahana. To Kilisitohi meha'a yauba komopa'anigu molo epalago enali ya'ma lenali kanagu yabe lite keheli'ahabe. Lenali kanagu Kilisitou huto huloto yalo keke'i luse'namofihi gupisalo tito fililina yalo ho tito sekele mamu'a lilina'mu yabe lite keheli'ahabe.

2 Pita 1:21

Ya'ma lu huto hu'ehina ka mone'ya bona'magita kehelite komopa'anitu li bati hilete mone meli'ahabe. Bona'magi enali Hu'mamofihi hetofa Sikalafu'uba enele'mo babahi higo Hu'mamofitogati kaga'a kehelite minete lu yege he'ahanamo ni'ibe.

Huto Hilina Ka 1:18

To amuya bo afo'afita minomo buto minaluna'mu yabe. Nani fili'ohunagi aku'i ho tito to filise'na to yabalugu kafemofihi foloke'a nanigo li'ohube.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.