Romu 1:30 - Ka Lamana'a Monoꞌi Lu Mu Tifiꞌehina Ka Yabe

³⁰ Enali folagaha'anigu foipa ka ai lu emigo ai lu emigo minose'na to Hu'mamofitoga ipakafa hise'na to huli ka lise'na to enugufa limo titi hise'na hiti to kugumalugu hutu hata hise'na to enali foipa enekesa yigise'na to ito'anigihi afo'anigihi kaga keheli he'mise'na babu lito enalitoga mino'ehina yabe.

Romu 1:30 ပူးပေါင်းရင်းမြစ်များ

Matiu 15:4

Mono ka bukugu Hu'mau ma luto lu'ehina yabe: Itokafinogo afokafinogo enele'mo bati huto etemege'i molobo. To mone kene'uba ito'afinogo afo'afinogo kaga foipa'a lu etatalina ho fililina'mu yabe.

Matiu 16:21

Yana kana'alo Yesu koko pana'a kaga hapi fito lu hokolo huto lu epi'ehina: Nani Yelusale hepatoga buloto'ni enikibina bo, sipi mono bo to keya ka tisa bo enalitogati nagabu foya li kofilube. Enali noho fililenogo yege loebe monebe minoloto'ni aku'i ho tiluna'mu yabe.

Luku 21:16

Itokafugo afokafugo to kogonamu tamuka to kalalukagi hiti enali asaga'i fatehaka lolo hilana'mu yabe. Ya hilete monepi monepi lenoho fililana'mu yabe.

Yoni 7:7

To ma melugu boana'magi lenali'i fatehi mehilana nani'i nipakafa hete fatehi hi netalana'mu yabe. Hena'mugope enali foipa suhi nehanamofihi hapa'ani lu huto nohu epolona'mu lite yabe.

Aposolo 5:36

Lenali akeheli'ahabe. Kohe kanagu Teutasiu ho tiloto ma lu'ehina yabe: Nani amuya'ni hiti bo nohube. Ya luto ligo 400 bona'magi mege'i mele'ahana yabe. Ya higo gamani bouba ho fililago asaga bona'i mege'i mele'ahanamagi tili tele hite bula ola nehago ai'a lili'na'a li huto hu'ehina fenene hale hu'ehina.

Romu 2:17

To kaibe? Kai Yuta bo nohube nolapihe? Lali Yuta bona'i ya'ma keya ka keheli fe noluto ya'mu lali lamana bona'i nohune lula Hu'mamofihi hapa'a keheli bati nohune luto ya nolapihe?

Romu 2:23

Kai Hu'mamofihi keya ka keheli bati hu'ohune luto yalo ana kaga'a mege'i memalalatamo ni'inaya to Hu'mamofihi gi'a le'mo melugu nomalane, ya huto ni'ifihe?

Romu 3:27

Lali ya'ma keheli'ohuto lugufa limo titi hilupi? O'e, ya huto meni'ibe. Mone bouba keya kagalo mege'i mololenogo le'mo bati hilifi? O'e, Ai Yesuhi keheli ule'ale higo yananasiuba le'mo bati nohibe.

2 Koliti 10:15

Lali bona'i luga'amagihi enali foyagu laga'a keheli'ahana suhi huto moloto lali li'ohutamo ni'ibe luto lugufa lelito tise kaga lulata mone mehune. Keheli ule'ale huse'natini yamofito yahi lilenogo lali lenalitoga buto foyamofihi kupa'a Hu'mau molo leto'ehina'a ya'ma le'mo hofa talune luto ya'mu komopatigu lebesi'ehinamo ni'igo kehelito nominone.

2 Koliti 12:20

Nani lenalitoga buto bu lenagaluna lenali kumu kehelinogo bati mehilifihe luto, to lenali nani kumu ana hite kehelinogo bati mehilifihe luto nokehelugo keta nonebesibe. To lenalitoga kenasabo bise'na to siko huse'na, to ibe fitobe nasana, to molomo titi hilata'na, to libe pigi bibe nasana, huli tali ka mege ka lulata, bona'i enugufa lelite tite, li sibi sibi hilata nasana yamofihi ni'inogo buto nehetito bu go lalube luto nokehelugo keta nonebesibe.

2 Tesalonika 2:4

Ana foipa bouba ai bona'magihi keheligo bati'na lolo hulata nohina nasana to bona'magi liyafa nehana nasana silaga'i yamofihi le'mo laba huloto'a to enali folagaha'aniguti yamofihi ai'a gufa'a lelito ai'a tilube'mu hibe. Ya huloto Hu'mamofihi sipi mono nonugu tito minoloto ai kumu ma luto kehelilibe. Nani'ni Hu'mamofita nohube lilibe. Ya luto kehelilibe.

2 Timoti 3:2

Ana kanagu bona'i ya'ma hite minalabe. Enali lisipa bite to enali'ani'mu kehelinogo tinogo yogo fe'no kumu enibita hinogo minalana enali'ani lolo hite melete hilana nasana'mu enibita'ani hinogo enegelo bilete hipu hapu hilatana, enali'ani enugufa'ani lelite tite minalana, enemegeka lilatana, ito'anigi afo'anigihi kaga'ani pelesa ite keheli he'milata, ana'ina asaga'i libe laga hube hilana. Ya nehite ana'ina lamana'a mone neepinogo enofokehi lite nalalu'nimakabe melise komopa'ani bati mehinogo minalana'mu yabe. To enali Hu'mamofihi gi'a liyafa mehise fa'mene minalabe.

Taitasi 3:3

To laliti koyapa'i ana suhi huto mino'ohuta lali negi nagi noto minolata, ka keheli he'milata to keheli sibina hulata huto mino'ohuta yabe. To ya nohutogo lele'mo hapotili hilata hi'ahanamo ya hulototi libita hulata nohina nasanamofihi laga'a kehelilata foipa nasanamofihi agoya hu emito minoto bona'i enele'mo sibina hu epoloto bona'magi lolo hite melete hanana'mu ya suhi huto minose ni'inaya ya luto lulototi siko hulata hu'ohutamo ni'ibe. Ya nohutogo lali kumu keheli sibina nehago enali lipakafa lahago lali enipakafa enohonogo hulata hu'ohutamo ni'ibe.

Yemesi 3:5

Ana suhi huto kenetufati ya'ma ana'ina nesi'asi ni'inaya ana'ina nesi nesi huto liluta'a mehune luto le'mo napa napa hulata nohibe. Logo lo tunufa'a lagaso'a yauba i kulu tiloto fi'i loto kifi legeya'a asaga'i lo su holata nohibe.

Yemesi 4:16

Yatai ya'ma lolo hite melete nehana nasana'mu lenugufa limo titi hilata nehana yamofihi bati mehibe.

2 Pita 2:18

Enali'ani keheligo ho tilata nehabe. Enali fa'mene kaga gusunupa'a meni'ina kaga lilete ya hite, bona'i yuhufasi foipa bona hapa'ani he'mi'ahana bona'magihi mi'mi hite aku'i foipa kapolo enele'mo malalune'mu nehabe. Ya nehite, foipa foya nelinanauba enogolagalo li malago nehetilago tafa komopa'aniuba enumu fililata nohibe. Ana'ina lilete'ani bona'i luga'a ya enali kelefugu halabe, lite lilete enali ya hilata hi'ahanamo ni'ibe.

Yute 1:16

Bona'i ya hana'a enali megeka lilata to fato bona'i enifisa ilata nehana to moko tako fato fato'mofihi lolo hite minete, enali'anigo li nupa napa hite neminana bona'i enali luga'a hiti ana kapolo enemege'i melete bilabe lite enofokehi lite fi taga hi epelete lite hilata nehabe.