Romu 1:3 - Ka Lamana'a Monoꞌi Lu Mu Tifiꞌehina Ka Yabe

³ Hu'mamofihi pana'a lali Sipi Boti Yesu Kilisito yabe luto ai kumu ya'ma hetofa ka lamana'a ni'inagihe. Ai Tebitihi nagatogati o'ehina'a lusi bo nohibe.

Romu 1:3 ပူးပေါင်းရင်းမြစ်များ

Matiu 1:1

Ma fayahi Yesu Kilisitohi tata'agi enigi'ani mana ni'ibe. Yesuhi tata'afu mone Tebiti yabe. To ana bomofihi tata'afu mone koyapa bo gi'a Abalaha yabe.

Matiu 1:16

To Yakopu ai Yosefehi afo'afu yabe. To Yosefe Maliahi baha'a yabe. Ya'ma Malia ai Yesuhi ito'afu yabe. To Yesuhi gi'a mone Kilisito yabe. Ana gi'amofihi hapa'a Hu'mau le'mo ho ti'ehina bo nelanamo ni'ibe.

Matiu 1:6

To Yese ai Tebitihi afo'afu yagi ya'ma Tebiti sipi kibina bo huto hu'ehina yabe. To Tebitiu ai mone bo Yulaiya yabe ana bomofihi liha'a Tebitiu lilago pana'a keto'ehina gi'a Solomoni yabe.

Matiu 12:23

Ya higo enali le'mo bego hite babu boana'i minanamagi be gelete topa helete ma lite li'ahana: Ya'ma boba Tebitihi pana'mouba nohifi fato bobe?

Matiu 15:22

Kena a'i mone ana kegi'a nominana a'uba Yesutoga o'ehina. Tebitihi pana'abe. Ai ya luto kehe i'ehina. Kai kiginaga fi nimibo. Foipa feleuba pa'nimofihi le'mo sibina nohinagi nehe'mobo.

Matiu 26:63

Ya luto loka hago Yesu kaga meluse legeso huto mino'ehina. Ya higo ya'ma sipi mono bouba ma lu emi'ehina: Nani ma'naka luto Hu'ma mehiti bomofihi gi'alo koloka nohonagi kai lu nimibo. Kai Mesiaga Hu'mamofihi Pana'a nohapi fato'ibe?

Matiu 27:43

Ai Hu'mamofihi komopa'a emito ai pana'a nohube lulata hu'ehina ai Hu'mau yatai abuto bino.

Matiu 3:17

Ya nohigo kokulumaluguti kaga mone ma luto lu'ehina: Ya'ma nani'ni pana'ni mana'a nohibe. Laga nebesina pana'ni nohigo ai kumuko hetofa pana'ni yabe luto negelo bi emilata nohuna yabe luto kokulumaluguti lu'ehina yabe.

Matiu 9:27

Yesu ana hepa'i he'miloto kapo moloto nobigo etubu pisi lu'ehina bo loemale'i mege'i lifite nebite ma lite li'aha'ina: Tatatifu Tebitihi pana'amaka kai le'ali'i kiginaga fi le'emibo lite kehe i'aha'ina yabe.

Luku 1:35

To agelouba Maliahi kaga'alo ma luto lu'ehina: Sikalafu'uba kaitoga alina'mu yabe. To Hu'mamofihi amuya'auba kifi talina'mu yabe. To ya hinogo ya'mana pana'i alihi ketalata'mu yabe, to bona'magi Hu'mamofihi Pana'a yabe lite gi'a liyafa hilana'mu yabe.

Luku 1:69

Ai sipi amuya boti lubuto bi'ehinana mone le'mo ho ti letabe. Ai ya'mana bo koko bo Tebitihi tata'afu yabe.

Yoni 1:14

Kagauba ai bo huto huloto lali folagahatigu mino'ehina. Lali ai fana meha'a abu go'ohune. Ai ya'ma moneko pana'mofihi fana meha'a afotifu ho lifigo o'ehina aitoga fuluna'a hiti ka lamana'a hiti bai toto mino'ehibe. Ai fana meha'aya pana'a yege'a aigo afo'afitogati li'ehina.

Yoni 1:34

To nani anana abu go'ohube. Ana bo Hu'mamofihi pana'a nohibe lu nolepube, luto Yoniu lu'ehina yabe.

Yoni 1:49

Ya luto lu emigo Filipiu lu'ehina: Tisao, kai Hu'mamofihi pana'a nohane. Kai Isilaeli meto gihiti bomo nohane.

Yoni 10:30

Afo'nifu hiti nani hiti moneko babeyafalo nohu'ibe.

Yoni 10:36

To nanimoya Afo'nifu nele'mo ho tito melugu noho lifi'ehina. Nani Hu'mamofihi pana'a nohube luto'ni ya'ma lenali henabe luto lube sibina huto lu'ahatabe lite nelabe?

Yoni 20:28

Ya ligo Tomasiu lu emi'ehina: Oho, Sipi Bo'ni yale. Kai Hu'ma'niga nohane, lu'ehina.

Yoni 20:31

Yesu ya'mana sipi lili'na li'ehinamofihi kaga lu lenelepi'ehina'a fayahi koyo'ehinago kehelite Hu'mamofihi Pana'a nohinaya to le'mo ho ti'ehina bo, Mesia nohinaya lenali ya'ma keheli ule'ale hilana'mu to aitoga agoya hu emilenogo mino kosaba huse'na lepilina'mu yabe.

Yoni 5:25

Nani ma'naka lu nolepube, kana'a huto hilube'mu hu'ehina kana'a yatai ahuto hu'ehibe. To enali filise bona'magi Hu'mamofihi Pana'amofihi nogo'a kehelinogo luga bona'i kehelite li pili kalanamagi mino kosaba hilana'mu yabe.

Yoni 7:42

Mono bukugu lite ge'ahana: Tebiti mino'ehina hepalugu Betelehe yagi Tebitihi ai'a naga'aguti Mesiau huto hilibe luto ni'ina yabe.

Aposolo 2:30

Ya hu'ehina ai Tebitiu kaga lu yege hose bo nohibe, ai Hu'mau ma luto lu molo'ehina kaga akeheli yafa hu'ehina yabe. Nani panaka mone kai siakalo nona'a minalina kiminogo'ni kai hepa'i lilina'mu yabe.

Aposolo 3:13

Ai Abalaha to Isaka, to Yakopu hiti to lali tatatigi asaga'i enali Hu'ma'anifu ai Yesu koko pana'amofihi gi'a liyafa hu'ehina yabe. Ai ya'mana bo fateha'amagi enayanuga epilago Pailatiu lu kehelito le'mo buto bito he'mi etalube'mu hina lenali Pailatihi bulo lenemegesa hu emi'ahana yabe.

Aposolo 8:36

Etali kapo melete bite nagami'i mone ni'inalo heneti'aha'ina. Ya hilete ana gamani bouba Filipihi lu emi'ehina: Bu gobo, nagami'i ma ni'ibe. Nagami folose kapo'ni henanauba hekini lo neto'ehibe?

Aposolo 9:20

Soliu mono nohi ni'inaga bu bebe soloto Yesu kumu ma luto lu epi'ehina: Yesu ai Hu'mamofihi Pana'a nohibe.

Romu 1:9

Nani Hu'mamofihi pana'amu ya'ma hetofa ka lamana'a lu yege hoba hoba nohube luto'ni ya'mana lusiga noluta Hu'mau ai keheli bati hu'ehina. Ma'naka luto nani asaga yupahi ete hiti ute hiti lenali kumu Hu'mamofitoga nunumu nohugo ana huto ai keheli'ehina yabe.

Romu 4:1

To lali tatatifu Abalaha ai kumu hena ka lilune? Ai Hu'mamofitoga hena hu'ehina?

Romu 9:3

To Hu'mau enele'mo bati huloto to nani enali kumu yabe luto gumi'i nohoto Kilisitotogati nele'mo loko hulenogo, bati huto yabe nolube. Hena'mugope? Hu'mau ya hu netolenogo Yuta bona'ni enubuto bilibe luto bati huto yabe nolube.

Romu 9:5

To koyapa'i enali Hu'mamofitoga komopa'ani mele'ahana tatatigihi naga'aniguti huto hi'ahabe. To Kilisito ai gufa'a hiti bo nohibe luto ana huto Yuta bona'i naga'aniguti huto hu'ehina yabe. Ya hu'ehinagi lali Hu'mau asaga kaba hu'ehina botimo liyafa huba huba nohunagihe. Ma'naka yabe.

1 Koliti 1:9

Hu'mamofihi pana'a Yesu Kilisito lali Sipi Boti ya'ma aitoga i ke'malabe luto elesa molo lepilina yana'mu ai hetofa hu lepalalina'a akeheli'ohune.

1 Koliti 10:18

Lenali ya'ma Isilaeli bona'magi kumu kehelilo. Enali Hu'mamofitoga kuguhi keyete nose'na nelata nehana bona'magi mamufa gilata hitalo Hu'mamofitoga moneko'na hite i hepilata nehabe.

Galesia 4:4

Ya hulago aliha'a ya'ma kana'a molo'ehina ya'ma su nohago Hu'mau pana'a ho lifigo limito melugu o'ehina yabe. Ana pana'mofihi ito'afu melugu a'i yabe. To ana pana'uba huto huloto ai Mosehi keya kamofihi agoya hu etoto mino'ehina.

1 Tesalonika 1:10

Ya nehite pana'a fili'ehinaguti le'mo ho ti'ehina bo, Yesu minomo buto kokulumaguti limilina'mu geba hite nehabe. Ai Yesu, Hu'mau alihi foipana'momu'i osahi epilina'aloti lubuto bilata nohibe. Ya'ma kamofihi noto noto bona'i kehelilata nehite lu limilata nehabe.

1 Timoti 2:5

Hu'ma ai moneko'i nohibe. To Hu'mau hiti lali hiti nekisaga luga luga nohunogo bo moneko'i Yesu Kilisito folagahatigu bo lolo nohibe. Ai lele'mo moneko nohibe.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

2 Timoti 2:8

Kai Yesu Kilisito Tebitihi tata'afu yagi ai kumu kehelito beto huto minobo. Ai fili'ehinaguti aku ho ti'ehina bo yabe luto ai ka lamana'a lulatanamofihi ya'ma lu yege holata nohube.

1 Yoni 1:3

Yamofihi ya'ma bu goto lito hu'ohutamo ana huto lenalitoga lu lepilata nohutamo ya'ma lu lepilenogo ai kumu komopati monekotoga bati huto hepito minalune luto hulata nohune. To ana huto lenali hiti lali hiti komopati hepi lamana higo nominoto afotifitoga to pana'a Yesu Kilisito aitoga hepito minalune luto yabe.

1 Yoni 3:23

Ka'a lu molo'ehina ka ma luto ni'ibe. Pana'a Yesu Kilisitohi ai gi'alo kehelito mino ule'ale huloto ai lu leto'ehinamofihi suhi huto komopati ai eminogo ai eminogo huto minaluta ni'ibe.

1 Yoni 3:8

To luga'amagi foipana lilata minalana enali Sataha bona'a neminabe luto lilune. Satau ai foipa nasana koyapa emagati lelito buto mino'ehina. To liloto nohigo Hu'mamofihi pana'auba ai'a Satahi foya'a ya'ma laga huto li sibi sibi huto he'milube luto oto huto hu'ehinamo ni'ibe.

1 Yoni 4:15

To bona'magi Yesu ai lamana'a Hu'mamofihi pana'a nohibe lite lu huto hilana'a enali Hu'mamofihi komopa'agu minalune'mu nehabe, to Hu'mau ana huto komopa'anigu minoto lito hilina'mu yabe.

1 Yoni 5:1

Bona'i luga'amagi Yesu kumu Hu'mau le'mo ho ti'ehina bo yabe lite keheliya ilana enali kumu Hu'mamofihi yagapana'a nehabe luto lu epalalune. To ya huto ni'igo ya'ma afo'anifihi komopa'ani emilana enali ana hite yagapana'a hiti komopa'ani epilabe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.

1 Yoni 5:5

To me'mofihi gupisa'alo ni'ina nasana i lapasa inogo limilina bona'i kiyi'agi kiyi'agi nehabe? Enali Yesu kumu ya'ma Hu'mamofihi pana'a nohibe lite lilete keheli ule'ale hite kehelilana enalisigo yamofihi lolo hilune'mu nehabe.

2 Yoni 1:7

Ka Keheli'ahane. Fato mono ka lilabe lite lenimi'i melelata bona'i babu lite huto hilete noto noto hepatoga i tili hite bi'ahabe. Enali Yesu Kilisito kumu ya'ma melugu lusi gufa hiti lito huto hu'ehinamo ni'ibe lite ka'a ya'ma ibe fitebe hilata nehabe. Bona'i ya hana'amagi ya'ma lenimi'i melelata bona'i Kilisitohi fatehe bona'a ya'ma nehabe luto lilune.

Huto Hilina Ka 2:18

Taitaila hepatoga Hu'mamofihi bona'magihi agelo ya suhi huto kaba hu noepalana bouba kaga ma luto fayahi koyoto emilenogo lu epilibe: Hu'mamofihi pana'amofihi bu'auba logo guluya mehi ya suhi huto loto ai gigusa'a goli efahi logogu loloto lo gini gini nobina ya suhi huto ai'a lenali kumu ma luto nolibe: