Romu 1:25 - Ka Lamana'a Monoꞌi Lu Mu Tifiꞌehina Ka Yabe

²⁵ Enali Hu'mamofi kumu lusi kaga keheli he'mite faga luse'nalo mege'i malalana enali Hu'mamofihi agoya hu meemise ai'a lolo hu'ehinanalo lipite nunumu nehana yabe. To Hu'ma aisigo lali lipito lofoke ka lu emuba lu emuba hiluta ya ni'igi keheli'ohune. Ma'naka yabe.

Romu 1:25 ပူးပေါင်းရင်းမြစ်များ

Matiu 10:37

Bo moneuba ito'afinogo afo'afinogo etele'mo bati nohuto nani'i nele'mo bati mehilina bo ai nani'i nalalu'nifu legi huto meminalina'mu yabe. To bo moneuba liha'a yagapana'a enele'mo bati huloto nani'i nele'mo bati mehilina bo ai nani'i nalalu'nifu legi huto meminalina'mu yabe.

Matiu 6:24

Koko pana'i moneuba loe bolo moneko kumu lili'na lilata menohibe. Ya hilina ai mone bomofihi lili'na li bati nohuto mone bomofihi lili'na li bati mehilina'mu yabe. Lenali Hu'mamofihi lili'nalo bo'a neminete efapofihi lili'nalo bo'a moneko kumu meminalo.

Yoni 2:8

Ya hilago ai lu epi'ehina: Lenali nagami anaguti luga'a hekite lite bite nose'nalo kaba hu'ehina bomofihi emilo ligo enali ana hite bi'ahana.

Romu 1:18

To bona'magi enali foipa faipana'ani babu lite liba liba nehite to hetofa kaga'a fala kite to hetofa kapo hekini lalibe. Hu'mau ya'ma foipana nasanamofihi bu goto sipi enipakafa halinamofihi ya'ma kokulumaluguti limi'ehina abu go'ohune.

Romu 1:23

Enali ya'ma minoba minoba nohina bo, Hu'ma, ai'a gi'a liyafa mehite to fokehi melilata nehabe. To mone enali'ani lolo hi'ahananamofihi ya'ma liyafa hite kanipo nefibe. Ana'ina meha'a lolo hite yege nefibe. Bomofihi meha'a yagi namamofihi meha'a yagi kafa'namamofihi meha'a yagi osifa meha'a yagi efapotufi yafatufi lolo hilete lipite yege filata nehabe.

Romu 9:5

To koyapa'i enali Hu'mamofitoga komopa'ani mele'ahana tatatigihi naga'aniguti huto hi'ahabe. To Kilisito ai gufa'a hiti bo nohibe luto ana huto Yuta bona'i naga'aniguti huto hu'ehina yabe. Ya hu'ehinagi lali Hu'mau asaga kaba hu'ehina botimo liyafa huba huba nohunagihe. Ma'naka yabe.

2 Koliti 11:31

Sipi Bo Yesuhi afo'afu Hu'ma ai'a ya'ma nani kumu bati huto nokehelibe lama'naka luto'nimofihi keheli'ehibe. Ai gi'a li saga huto fokehi luba luba hulata hiluna'mu yabe.

1 Tesalonika 1:9

Ana bona'magi asaga'i lenalitoga buto nohutogo lele'mo lamana hi'ahana kaga'a lelite ete limilata nehabe. To ana hite, lenali ya'ma bona'mofihi meha'a nasana lolo hite mine'ahana lenemegesa hi neemite Hu'mamofihi amuya bo'a lamana'a lolo hite aitoga i ke'mete agoya hu emi'ahana ka lalitoga beto nehana yabe. Ai Hu'mau minoba minoba hulata bologa lenemehi emilata nehana keheli'ohune.

1 Timoti 1:11

Ana hetofa mono kaga'a Hu'mau ka lamana'a molo neto'ehina yagu nohuto Hu'ma fana meha'a hiti bo, ana bebe sose to hetofa bouba ai lu huto hulata hu'ehinagi yana'mu nani lu yege holata nohube.

1 Timoti 1:17

Yana'mu amuya gihiti Bo, mefililatanamofihi bu megolatanamofihi Hu'mamofihi moneko'i ai gi'a li saga hinogo ai fana meha'auba minoloto mino lito tito minalibe. Ma'naka.

2 Timoti 3:4

Enali enimi'mi ka lite enimi enama'i melelata, to ka mekehelise kegeiyo hite luna lana asaga'i hilata, to enali'ani'mu enigi'ani'mu hofa talune lilata, to Hu'mamofitoga agoya hu meemise hite komopa'ani ya'ma enugufa'aniuba enibita hulata nohinamofitoga malalabe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.