Romu 1:21 - Ka Lamana'a Monoꞌi Lu Mu Tifiꞌehina Ka Yabe

²¹ Enali ai kumu keheli bati hite aku gi'a liyafa menehabe. Aitoga enofokehi menelibe. Enekesa keheli sibina nehite negi nagi nete neminago komopa'anigu metepu sipi'a gi'ehibe.

Romu 1:21 ပူးပေါင်းရင်းမြစ်များ

Yoni 3:19

To ka foya lisemofihi hapa'a ma huto ni'ibe. Ma melugu fana mehena ahuto hu'ehina to bona'magi metepunamu laga epesibe. Enali metepunamu'i laga epesinaya hena'mugope enali foipa faipana lite nehana hapa'aniuba bati mehu'ehigo yabe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Romu 1:19

Bona'magi Hu'mamofihi hapa'amu enali komopa'anitu akeheli bati hi'ahana. Hu'mau ai'a hetofa hapa'a huto'i enelepi'ehibe. Ya higo enali Hu'mamofihi hetofa hapa'a akeheli'ahanamo aku'i enali foipana lilana ya'mu Hu'mau osahi epilata nohibe.

Romu 1:28

Hu'mau ana bona'i yege yege'na enalitogati he'mi'ehigo enali ya'ma Hu'mamofi kumu lusi kaga ni'ina ya'ma mekehelite pelesa ite enegekesa keheli'ahana fato fato'i ya'ma mege'i nemalabe. Bati mehina supo hite neminabe.

Romu 11:10

To enali be megalabe luto enubu'ani li fili kete mineno. To asaga yupahi enemegesalo sipi ketana meleno, luto, li figi gite bilabe, luto lu'ehina.

Romu 15:9

To fegutoga bona'magi Hu'ma ginaga fi epigo aitoga enegelo bilabe luto o'ehina yabe. Ana ginaga fise'namu mono bukugu fayahi keye'ahana: Nani fegutoga bona'i nehanalo kai kumu negelo bilunagihe. Kigika liyafa huto kanipo fise nama lilunagihe.

2 Timoti 3:2

Ana kanagu bona'i ya'ma hite minalabe. Enali lisipa bite to enali'ani'mu kehelinogo tinogo yogo fe'no kumu enibita hinogo minalana enali'ani lolo hite melete hilana nasana'mu enibita'ani hinogo enegelo bilete hipu hapu hilatana, enali'ani enugufa'ani lelite tite minalana, enemegeka lilatana, ito'anigi afo'anigihi kaga'ani pelesa ite keheli he'milata, ana'ina asaga'i libe laga hube hilana. Ya nehite ana'ina lamana'a mone neepinogo enofokehi lite nalalu'nimakabe melise komopa'ani bati mehinogo minalana'mu yabe. To enali Hu'mamofihi gi'a liyafa mehise fa'mene minalabe.

1 Pita 1:18

Lenali koyapa'i tatatinigi lu lepi'ahana ya'ma futu'a hapa'alo mege'i melete mine'ahanogo fa'menena lolo hu'ehibe. Lenali ana hapa'amofihi nagalugu neminago Kilisitou lenali kumu mina'a sipina he'mito gulu ho lepolo'ehinamo keheli'ahabe. Ana mina'a he'mi lepolo'ehinana siliba efahi hiti goli efahi hiti ni'ifi, o'e yana nasana mele'isi su hoto fenene hilinamo ni'ibe.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.

Huto Hilina Ka 14:7

Ai ya'ma sipi kaguti kehe ito lu epito lu'ehina: Lenali Hu'mamofihi lu koli fite kehelite ai'a gi'a liyafa hilo. Bona'i guna malalina kana'alo ya'ma hupamone nohibe. Kokulumagu to melugu to hege nagamilugu to ipi opoho nagami'i lolo hu'ehina bo, Hu'mau aitoga lenalapusa fi emite fokehi lite minalo.

Huto Hilina Ka 15:4

Sipi Bo, kai kumu ki'afu koli mehilina'mu yabe? Kigika sipinamo kumu ki'afu liyafa mehilina'mu yabe? Kai monekomaka pa solata nohane. Ya hu'ehina'mu noto noto bona'i kaitoga ete enalapusa fi kimilune'mu habe. Kai bati huto lelito oto moloto lito hu'ahata ya'ma yege yege bona'i asaga'magi bu galana'mu yabe.