Romu 1:13 - Ka Lamana'a Monoꞌi Lu Mu Tifiꞌehina Ka Yabe

¹³ Nalalu'nigitabe, keheli fe lilo. Babu yupahi lenalitoga buto lenebe ligilube'mu nohugomo fato lili'nauba nele'mo mololata nohibe. Nani nekesa kehelito fegutoga bona'i Hu'mamofihi kaga'alo mege'i mele'ahana suhi luto lenali ana hite mege'i malalabe luto ya'ma nebesi'ehina.

Romu 1:13 ပူးပေါင်းရင်းမြစ်များ

Yoni 12:24

Lusiga lu nolepube. Mone nose'na biha'a melugu melimilina, fa'mene minoto pata sito boloto metilina'mu. To nose'na biha'a mone tili hu mo ito bololoto tito legeya'a babu luto halina'mu yabe.

Yoni 15:16

Lenali nani'i ya'ma nele'mo eto menehabe. Nani ya'ma lenele'mo eto hugo lenali bite legeya'i li huto hilenogo amuya moloto minoba minoba huto minalibe luto lu lepolo'ohuna. Ya hilete nani nigi'ni kehelite ana'ina henana'mufi Afo'nifitoga buka tilana'alo lepilube'mu hibe.

Yoni 4:36

Bo mone ai nose'na legeya'a ligi nupa nohinalo mina'a lito minoba minoba husemofihi nose'na'a li nupa nohibe. Nose'na he kololata nohina bo hiti ligi nupa hulata nohina bo hiti etali moneko suhi lite etegelo bila'ibe.

Aposolo 1:15

Nunumu hite minana kana'a nesi'a babu luto enebe ligilago mone yupahi 120 bona'i li nupa hite minago Pitau ho tiloto ma luto lu epi'ehina:

Aposolo 14:27

Etali Atioki hepalugu nehetilete Yesutoga komopa'ani melete neminana bona'i kehe i nupa hilete Hu'mau etali'i kaba hu etoto'ehina hiti to fegutoga bona'magi kapo'ani li hokolo higo enali hiti ana hite aitoga komopa'ani mele'ahanamofihi kaga'a lu epi'aha'ina yabe.

Aposolo 15:12

Pitau ya luto kaga lulago asaga bona'i li gehesa hite nehanamagi kaga'ani lege'nete legeso hi'ahana. Ya hilete Polugo Banabasiugo la'ina kagalo enekesa mele'ahana. To ya hago etali etayato Hu'mau babeyafana fato fato'i ya'ma topa hose nasanamofihi fegutoga bona'magi folagaha'anigu li huto hu'ehina kaga lu epi'aha'ina yabe.

Aposolo 19:21

Alihi anana huto hu su holago Polu kapo moloto Masetonia kegi'a buto Gilisi melugu nehetiloto yagati he'mito Yelusale bilube luto ekesa keheli'ehina. Ya'ma melugu bu baga iloto'ni ana huto alihi Lomu kegi'a bilube luto lu'ehina.

Aposolo 21:19

Polu enebe tigito'a kaga'a asaga'i lu epito ya'ma Hu'mau fegutoga bona'i hetofa hu epolo'ehina'a ya'ma Poluhi foya'a li'ehina'mu asaga'na yamofihi kaga lu epi'ehina yabe.

Aposolo 28:14

Ya'mana hepato Hu'mamofitoga komopa'ani emite neminana bona'i bu enogonogo ana bona'magi lali hiti salele mone minete bilabe lite lele'mo mele'ahana. To ya huloto Lomu hepato o'ohuta yabe.

Romu 1:12

To ya'ma huto hapa'a ma ni'ibe. Buloto'ni lenehe'menogo lenali ana hite nehe'malabe. Nani'ni Yesu kumu keheli ule'ale nohunauba lenehe'malibe. To lenali keheli ule'ale nehanauba nehe'menogo huto minalune.

Romu 11:25

Nalalu'nigitabe. Mone suguna ka lu lenelepilugi kehelilo. Lenali kehelite lali kehelise'nati sipi bati nohune lite lenugufa limo titi hu laligi ma kaga lu nolepube. Yuta bona'magi Hu'mamofihi enemegesa hi emiba emiba hite komopa'anigu ule'ale hise'namofihi kana'a mone su halina'mu yabe. Fegutoga bona'magi Hu'mamofitoga komopa'ani emilana bai tenogomo Hu'mau Yuta bona'magihi aku'i enele'malina'mu yabe.

Romu 7:1

Nalalu'nigitabe, lenali Yuta bona'magi asaga keya kamu'i keheli keheli bati hi'ahana. Bona'i mone mefilise nomina kanagu keya kauba hu eto'ehina keheli'ahabe.

1 Koliti 1:10

Nalalu'nigitabe. Nani Sipi Boti Yesu Kilisitohi gi'alo yabe luto lu hokolo hu lepito ya'ma lilugi, kehelilo. Lenali kaga fato fato'i nelite loko mehilo mono ka'mu nekehelite lenegekesa hiti komopatini le'mo moneko hite minalo.

1 Koliti 10:1

Nalalu'nigita lali tatatigi lolo hite melete hi'ahana yana'mu kehelilabe luto lenelepilugi kehelilo. Moseu Iyipi metogati enele'moto nobigo enali yege yege bona'i sopohuba ifi to epalago bi'ahana enali asaga'i hege nagami'i lite bi'ahana. Ana nagami'mofihi gi'a Safa Nagami'i yabe.

1 Koliti 12:1

Nalalu'nigita, Sikalafu'uba amuya fato fato'mofihi limilata nohina hapa'a keheli sibi hise kumu lu lepilugi kehelilo.

1 Koliti 14:20

Nalalu'nigita, fato enonogoguti kaga lulatana'mu yagapana inapupagi suhi hite minete foipa hapa'a mekehelilo. Ya hite, minalanaya yagapana inapupagihi kehelise'na hiti meminalo. Enali kaga keheli fe menelibe. To lenali kaga kehelite le'mo fe lilune lite ya'ma olopa bona'magihi kehelise suhi lilo.

1 Koliti 14:26

Nalalu'nigita, ya hu'ehina'mu hena hilune? Lenali mono kamu'i li gehesa hilune lite nehitemo ya'ma Hu'mamofihi kagagu lenele'mo moneko moneko'i hite hofa talanamofihi hapa'a ya'ma hilata nehabe. Moneuba mono nama lelito olata nohibe. To moneuba kaga giyaka lito lu epise kaga lelito olata nohibe. Moneuba Hu'mamofihi bagaguti kaga'a fato fato'mofihi lelito olata nohibe. Moneuba fato enonogoguti lulatamofihi lelito olata nohibe. Moneuba fato enonogoguti lu'ehina kagamofihi hapa'a lu hokolo hilinamofihi lelito olata nohibe. Ana suhi asaga lilana Yesuhi naga'a enehe'moto amuya molo epalalibe lite ya suhi hilo.

1 Koliti 9:2

To bona'i luga'amagi kumu aposolo lolo mehibe linogo lenali nani kumu aposolo bo nohibe lite nekehelibe. Aposolo foya'nimofihi legeya'a Sipi Bomofihi lusalo huto hu'ehina'amofihi lenali ya'ma nehabe.

2 Koliti 1:8

Lalalutigitabe, Esia metoga nohuto keke'i luse'namofihi lu gupisalo minomo ti'ehinamo ni'ibe. Ya'mu lenegekesu ho lalibe luto lilube kehelilo. Mone kegi'a ya'ma keta'a hiti nasana goli'a hiti nasanauba lugupisalo tiloto lele'mo ho kalina'a nohigo molo emito minalupi fililupi luto mone mekeheli'ohutamo ni'ibe.

2 Koliti 2:14

Akae. Hu'mamofihi legelo bi emilune. Hu'mau ai'a Kilisitotoga lele'mo hepilago ai foipana he'mi leto'ehina'mu fokehi hoto kanipo filata nohuto'a megesa'alo lele'mo leli'ali nohina yabe. Ya higo lali noto notoga buto ka'a lu noepinogo ana kagauba hetofa tu'a tili tele huto nobina suhi huto noto noto i futili huto nobibe. Ya'mu lali Hu'mamofihi keke'i lu etoto legelo bi emilune.

Galesia 3:15

Nalalu'nigita, nani babeyafa'a moneto lu moloto lilugi kehelilo. Bona'i loemale'i etali ana'ina mone kumu lite lu mu tifite fayahi kayala'ina etali moneuba lito ligofa hoto gupisalo ka mone molo emito loka hoto fayahi kayalina'a meni'ibe.

Galesia 6:18

Nalalu'nigita, Sipi Boti Yesu Kilisitohi lenehe'mose'nauba komopatinigu mino lito buto mineno. Lama'naka.

Filipai 1:22

To metoga molo emito minaluna yanauba foyamofihi lamana'a aku li huto hilibe. Yamofihi henana'mu keta mehuse hilube luto negekesagu loe lae hu'ehibe.

Filipai 4:17

Nani ya'ma fe'nohi nimilabe luto noluna ka meni'ibe. O'e, nimi'ahanamofihi legeya'a lenalitoga huto huloto mino lito buto tilibe luto nolube.

Kolose 1:10

To yalo lenali asaga yupahi aitoga minete hetofana hite neminenogomo Sipi Boti ai lenofokehi lilina'mu yabe. Ya'ma le'ali loka noho'ibe. To lenali asaga yupahi Hu'mamofihi lagamo keheliba keheliba hite minete, to bona'i enehe'malata ya'ma hetofa lili'natini fato fato'i yamofihi legeya'a babu luto hilina ya hinogomo Hu'mamofihi hapa'a keheli bati hilete hetofana suhi hite minete ya hilabe luto loka noho'ibe.

Kolose 1:6

Ana ka lamana'auba lenali keheli'ahana kagauba buto asaga melugu bonatoga nehetito i futili huto enele'mo bati nohina yabe. Ana kaga hapa'a ma ni'ina. Hu'mau foipa bona'magihi enele'mo bati hulata bo nohibe. Lenali yata'a kehelite komopatini i gelehe hi'ahana supo hite fato fato bona'magi yatai ana hite hetofa kaga'a kehelite neminago Hu'mau lusa gi epololata nohibe.

1 Tesalonika 2:18

Ya huto buto bu lenagalune luto lu'ohutaya to Poluita nani'ni babu yupahi buto bu lenagalube luto lu'ohunaya ni'igo aku Satau ya'ma kapo fi hekini lo neto'ehibe.

1 Tesalonika 4:13

Lalalutigita, lenali ya'ma fili'ahana bona'i enali kumu keheli ligitagahi hite Yesuhi mekeheli'ahana'amagi sibi hite minete yibi nama hite nemina suhi hi lalabe luto lu lepilugi kehelilo.

2 Tesalonika 2:7

Yatai kanagu foipana lilata nehanamofipo suguna foya lilata nohinamo ni'igi Hu'mamofihi Sikalafu'uba kapo'a fi hekini lolata nohinamofihi kana su holenogo ai le'mo gulu hago ya'ma sipi foipa bo huto hilibe. To ya'ma kanagu foipana gofana huto hilina'mu yabe.

2 Timoti 4:17

Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.