Romu 1:11 - Ka Lamana'a Monoꞌi Lu Mu Tifiꞌehina Ka Yabe

¹¹ Nani ya'ma huto bu lenagaluna sipi laga'ni nonebesibe. Nani mono ka mone'a hiti lepilenogo amuya melete minalabe luto bilube'mu nokehelube.

Romu 1:11 ပူးပေါင်းရင်းမြစ်များ

Aposolo 16:5

Ya hilago Hu'mamofihi boana'magi aitoga amuya melete ule'ale hite komopa'ani emite neminago luga'a bona'i ete enalitoga ikele ikele hago asaga yupahi babu bona'i huto hi'ahana yabe.

Aposolo 19:21

Alihi anana huto hu su holago Polu kapo moloto Masetonia kegi'a buto Gilisi melugu nehetiloto yagati he'mito Yelusale bilube luto ekesa keheli'ehina. Ya'ma melugu bu baga iloto'ni ana huto alihi Lomu kegi'a bilube luto lu'ehina.

Aposolo 19:6

Ya nehago Polu lataha'anilo yahi noligo enalitoga Sikalafu'i limigo fato fato nogo hite Hu'mamofihi ka'a ana nogoguti li'ahana.

Romu 1:12

To ya'ma huto hapa'a ma ni'ibe. Buloto'ni lenehe'menogo lenali ana hite nehe'malabe. Nani'ni Yesu kumu keheli ule'ale nohunauba lenehe'malibe. To lenali keheli ule'ale nehanauba nehe'menogo huto minalune.

Romu 15:23

Ya nohugo mana hepatoga ka lamana'amofihi lili'na asu hago, nani babu foya kanagu lenalitoga bilube'mu nohunagi yatai ya biluna yupahi geba huto nekesa nokehelube. Nani Sepeni melugu bilube'mu nohuto kohe toto lenali yata'a nehetito lenali hiti nesi'a kanagu bati huto minolenogo laga'ni nebesilibe. Yalo lenali nehe'mete noho lifinogo aku'i kapo moloto Sepenigu bilube.

Romu 15:29

To lenalitoga buto lenofotula hoto Kilisitou lusa gi lepalalina babu luto lenalitoga huto hilibe luto'ni ya'ma akeheli'ohuna yabe.

Romu 15:32

Ya hinogo lenalitoga bilube'mu Hu'mau lu laga mehilenogo bilunagi nipa'nigu sipi negelo biloto lenali hiti nani hiti hepito bati huto minalune.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

2 Koliti 1:15

Kaga ya luto noluna ya'ma keheliya i'ohuto lili'na kana loe yupahi lenalitoga biluna nasanauba komopatinigu bati hilibe luto le'mo babahi hu'ohuna.

2 Koliti 1:21

Hu'mamofitinifu lenali hiti Kilisitotoga lele'mo malago minoba minoba hilutamo ni'ibe. To Hu'mamofitinifu ya'ma ai'a lili'nalo lele'mo eto hu'ehinamo ni'ibe.

2 Koliti 11:4

Lenalitoga bona'i moneuba henetito Yesuhi hapa'a lali lu lepilata nohutamo ya suhi huto ni'igopa meha'a fato fato'mofihi mone lu lepi'ehinamofihi to koyapa'i lalitogati li'ehinamo ni'igopa fato fato'mofihi kosaba kaga lu lepi'ehinamo ya'ma to ka lamana'a lalitogati keheli'ahanamo ni'igopa mono ka fato fato'mofihi lu nolepigo o'e lite melise fa'mene keheli emilata nehanamofihi bati huto ni'ifihe? O'e, yana'mu komopa'nigu keta nohigo nolube.

2 Koliti 9:14

Ya hilenogo Hu'mamofihi lehe'mose'na'a fato suhi huto lenalitoga li huto nohina'mu yabe lite komopa'ani lenalitoga melete lenali kumu yabe lite Hu'mamofitoga buka tilune'mu habe.

Filipai 1:8

Yesu Kilisito nani komopa'a limilata nohina yamofihi kehelito nani lenali kumu yabe luto keke'i lu lepoloto kehelilata nohube. Hu'mau keheli'ehigo lama'naka nolube.

Filipai 2:26

Ai besi'ehina yamofihi kaga'a akeheli'ahanamo ni'ibe. Ai lenali kumu keke'i lu lepoloto ai kumu kehelinogo lenuluhaya ti laligihe luto lenali kumu keheligo keta nohigo nolube.

Filipai 4:1

Ya'mu komopa'ni lepi'ohuna nalalu'nigita komopa'niuba ya'ma lenali kumu mone'a hiti nonebesibe. Lenali foya'nimofihi legeya'a lolo hi'ahago lenali kumu negelo bilata nohube. Lenali amuya melete Sipi Bomofitoga hepite mino hetofa hite ai naga'i lolo hite minalo.

1 Tesalonika 3:13

To Sipi Botiuba komopatini le'mo hetofa hulenogo Sipi Boti Yesu hiti to ai le'mo'ehina bona'a asaga'i hiti nehetilina yupahi lenali ya'ma Hu'ma afotifihi gobisalo minete komopatini bati hinogo hetofa lenemehi hiti minalabe.

1 Tesalonika 3:2

To Hu'mamofihi koko pana'a lalalutifu, Timotihi ho lufugo he'mi netoto lenalitoga bilibe luto lu'ohuna. Kilisitohi ka lamana'a lulata nohina bouba monolugu lenele'mo babahi hilibe luto to lenele'mo amuya hilibe luto,

2 Tesalonika 3:3

Sipi Bouba ekesa loe lae menohinaya ai mino kaba huse nohinagi lenele'mo amuya hu'ehinogo ya'ma foipa bouba lenele'mo sibina hu lalibe luto lenali'i kaba huto haka molo lepalalibe.

Hibulu 13:9

To fato fato'namofihi kosaba kaga nelite li lenelepinogomo kehelite kaba hu bati hilo. Ana kagauba lamana kapo i pebisa hete nebinogomo enemege'i memalalo. Hu'mau lenehe'mose'nauba komopatini le'mo hetofa hu lepelenogo ya'ma bebe salube'mu nohibe. Nose'na nolatanamofihi mo silatanamofihi lu laga hi'ahana ka yanauba mone lele'mo bati mehilina'mu yabe. Yamofihi kapo'alo bi'ahanamagihi legeya'a mone li huto mehi'ahanamo ni'ibe.

1 Pita 5:10

To asaga lehe'malina afo'afihi, Hu'ma ai'i sekele mamu'a hiti Sikalafu'uba amuya moloto minolata nohinamofihi aitoga Kilisito kumu yabe luto aitoga bu henetilabe luto elesa molo lepi'ehina bo ai leniginaga fise kana'a hupamone'isi nokehelito lenele'mo bebe soto tito amuya'auba limito lenele'mo hetofa huto amuya lapusa fi lepalalina'mu yabe.

1 Pita 5:12

Nani kaga ya'ma Silibanuhi'ya ka lu emi emi nohugo fayahi ya'ma koyoto nolepibe. Nani ai kumu ya'ma nokehelugo nalalu'nifu lamana'a lolo nohibe. Naniya Hu'mamofihi lehe'mose'na'a kehelugo legeya'a lolo nohina ya'mu lusi kaga amuya'a hiti lu huto huto lu nolepuna'mu luto lenogo'na bito lu nolepube. Ana lehe'mose'namofihi komopa'agu ule'ale hite minalo.

2 Pita 1:12

Ananamofi kumu lenali ana'ina silaga'i alu lepi su ho'ehinamo ni'inagi lenegekesu mehenogo beto hilo. To ka lamana'a yamofihi komopa'agu amuya melete mine'ahana ya'ma kehelite mine'ahanalo bo lenali ana kagagu mino bati hite minete kosaba'i minoto ana ka'ya lu lepiba lu lepiba huto minalube'mu nohube.