Romu 1:1 - Ka Lamana'a Monoꞌi Lu Mu Tifiꞌehina Ka Yabe

¹ Nani Poluita, Yesu Kilisitohi koko pana'a nohuto ma fayahi nogobe. Koyapa'i Hu'mau nani kumu kehe ito nele'mo ho tito ka lamana'a lu yege hobo luto lu nimi'ehina yabe.

Romu 1:1 ပူးပေါင်းရင်းမြစ်များ

Maki 1:14

To alihi Yonihi naga nonugu le'me mele'ahago, Yesu Galili kapogu nehetito Hu'mamofihi kapo'mu ka lamana'a lu yege nohoto ma luto lu'ehibe:

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

Yoni 15:15

Kele kele pana'i moneuba kaba bo'amofihi lolo hu etoto moloto hu'ehina komopa'agu kaga ni'ina mekehelinago nani ya'ma kanalo lenali kumu kele kele pana'ni yabe luto melilube. Nani ya'ma Afo'nifitogati kaga keheli'ohuna lu huto huto alu lepi su ho'ohunamo ninaya yatai lenali kumu nalalu'nigita nehabe luto nolube.

Yoni 15:20

Nani kaga mone ma luto lu lepi'ohunamo yamofihi lenegekesu mehese kehelilo. Kele kele pana'uba kaba bo'auba lolo huto moloto nohina nasana be meligilina'mu yabe. Enali nani'i kalana'i mele netelata nehanaya lenali hiti ana hite kalana'i mele lepalalune'mu habe. Nani kaga'ni kehelite li gu mei'ahanamo ni'inagi lenali kagatini ana suhi hite kehelite li gu meilune'mu habe.

Aposolo 13:9

Ya nohigo Soliu mone gi'a Polu aitoga Sikalafu'uba bai tolago ai ana bomofihi bulu'i holoto lu emi'ehina:

Aposolo 20:24

Ya luto nolimigo to nani minalufi fililufi luto ya'ma negekesa kehelito nemeha'ni su holenogo bati huto ni'inagi ya'ma Sipi Bo Yesuhi foya'a nimi'ehina Hu'ma lehe'mose'namofihi ka'a hiti ka lamana'a hiti lu yege hoto ya'ma lili'na'nimofihi su holenogo bati hilunagihe.

Aposolo 21:40

Gimi bomagihi kaba bo: Alubo luto, ligo Polu hakalo minoto yaha'a li saga higo to enali kaga lege'nago ai Hibulu nogoguti ma luloto lu epi'ehina:

Aposolo 22:21

To ya lu emugo ai: Mana hepatogati he'mito bufa hubo. Nani fegutoga bona'iloga fato'i koho lifilube'mu nohube, luto Sipi Bo ya lu nimi'ehina yabe.

Aposolo 22:7

Ya nolago nani melugu limito nokago nogo'a moneuba lu nimi'ehina: Solio, Solio. Kai henabe luto nohoba nohoba nohane? luto ligo kehelito'ni: Kibina bo'nimaka kiyi'agabe? loka hago: Nani Nasalete bo, Yesu nohube. Noholatanamoya nohube, luto lu'ehina.

Aposolo 26:1

Ya luto ligo Agilipau Poluhi ma luto lu emi'ehina: Kai nani nubulo kagaka alubo. Ya ligo Polu yaha'a li saga huloto ma luto lu epi'ehina:

Aposolo 26:14

Ya higo lali asaga'i melugu limito ko gehesa hulototi nani nogo mone ma luto Hibulu nogoguti ligo keheli'ohube: Solio, Solio. Kai hena hibe luto nani'i negene mane ito nonahane? Kosa kosa'namofihi kigigusatu'i noita kaika kugufakagu limo fito kugufamofihi gabu foya noemine.

Aposolo 27:23

Nani Hu'mamofihi lalu'afita nohuto'ni asaga yupahi komopa'ni aitogago emito minolata nohuna bo nohube. Ya'mu luto yatai folugu'i Hu'mamofihi agelo'auba nani nemetoga ho ti'ohuto ma luto lu nimi'ehina:

Aposolo 9:15

Ya ligo Sipi Bouba lu emi'ehina: Kai bubo. Ai nanitoga komopa'a nimilina bo le'mo ho ti'ohuna ai nani nigi'ni liloto fegutoga bona'i to enikibina bona'i hiti to Isilaeli bona'i asaga'i enalitoga lu yege homofa'na hilina'mu yabe.

Romu 1:16

Hetofa ka lamana'a keheli fe lu'ohunogo nelesa'ni melu'ehibe. Hu'mamofihi kaga'a amuya ka hiti ninauba bona'magi Yesutoga komopa'ani nemalanamagihi asaga'i ya'ma enubuto bilina'mu yabe. Ana kagauba Yuta bonatoga kohe toto buloto yalo fegutoga bonatoga buto enele'mo bati hilina'mu yabe.

Romu 1:5

To Hu'mau Yesu kumu ai koko pana'ni nohane luto lu nimito nele'mo ho ti'ehina. Hena'mube? Nani asaga melugu bona'i kaga'a lu epinogomo ka kehelite komopa'ani Hu'mamofitoga mele emite minalabe luto ya'ma noho lifito ana lili'na sipi'a nimi'ehina.

Romu 1:9

Nani Hu'mamofihi pana'amu ya'ma hetofa ka lamana'a lu yege hoba hoba nohube luto'ni ya'mana lusiga noluta Hu'mau ai keheli bati hu'ehina. Ma'naka luto nani asaga yupahi ete hiti ute hiti lenali kumu Hu'mamofitoga nunumu nohugo ana huto ai keheli'ehina yabe.

Romu 11:13

Yatai nani Hu'mamofihi kaga'a lito bulata bo nohuto'ni lenali fegutoga bona'i ka lu nolepube. Nani Hu'mau lili'na nimi'ehina'mu nofokehi nolube.

Romu 15:16

Nani Yesu Kilisitohi lili'nalo bo nohunagi nani fegutoga bona'i Hu'mamofihi baga'aguti lamana ka lito lu yege ho epologo keheli'ahanaya, enali mamufa molo emi'ehina suhi hite nehabe. To nani lusa gilata bo suhi huto nohube. To Sikalafu'uba enele'mo bati hinogo Hu'mau fokehi luto, enele'malube ligo ya'ma mono bona'i lolo huto lili'na nolube.

Romu 15:29

To lenalitoga buto lenofotula hoto Kilisitou lusa gi lepalalina babu luto lenalitoga huto hilibe luto'ni ya'ma akeheli'ohuna yabe.

Romu 16:18

Enali ya hise bona'magi Sipi Boti Kilisitohi lili'na menelibe. Enali enugufa'ani laga enebesise'namofihi mege'i nemalabe. To enali legeso hite laga hina ka mi'mi hi'ahana ka lilenogo lenalitoga mone keheli bati mehilana bona'magi laga hina ka nelabe lite mege'i melelata nehabe. Lenali kaba hu bati hilo.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

1 Koliti 1:1

Hu'mamofihi ai ka'alo Yesu Kilisitohi aposolo lolo hilane luto nele'mo eto hu'ehina bo Poluita nani'ni ya'ma lalalutifu Soseteni hiti moneka nohutoti'a Koliti hepatoga Hu'mamofihi naga'i lenalitoga fayaha nasana ya'ma koyoto nolepu'ibe. Lenali Yesu Kilisito lenele'mo bati higo Hu'mau bona'i minalabe luto elesa molo lepi'ehina. Lenali hiti to noto notomagi hiti Sipi Bo Yesu Kilisitohi gi'a kumu keheli li pili ke'ahana bona'i enali hiti moneko elesa molo lepi'ehina. Yesu ai enali sipi bo'ani hiti lali sipi boti hiti nohinagihe.

1 Koliti 9:1

Nani kumu henabe lite nekehelibe? Mone lulata bomofihi koko pana'a nohibe lite nelafihe? Ya menohube. Nani Hu'mamofihi koko pana'a nohube. Nani kumu ya'ma aposolo bo menohibe lite nelafihe? Nani lusi aposolo bo nohube. Nani ya'ma Sipi Bo Yesu bu mego'ohufihe? Bu go'ohube. Foya'nimofihi legeya'a Sipi Bomofihi nehe'mose'nagu huto hulata nohina yamofihi lenali ya'ma ya suhi menehafihe? Nehabe.

2 Koliti 1:1

Poluita nani Yesu Kilisitohi aposolo nele'mo ho ti'ehinamofita to bo mone lalalutifu hiti moneka nohutoti'a Koliti hepatoga Hu'mamofihi bona'a to Giliki melugu mine'ahana'a hiti asaga'i mineme bite ete hi'ahana lenali fayahi ya'ma koyo nolepito ma luto nolube.

2 Koliti 11:5

Nani'nimu kehelugo nanitoga ana'ina ya suhi ma suhi sa sa huloto aposolomagihi bo sipi enonogo melete enigigusa'aluga nominona legita lolo mehibe.

2 Koliti 11:7

To lenali lenele'mo hofa talube luto nani'ni imo limito minoto Hu'mamofihi ka lamana'a lu lepi'ohunalo mina'a mone liluna'a mehu'ohuna yamofihi sibina hu'ehifi bati hu'ehibe?

2 Koliti 12:11

Ya'ma nani kumu lulata nohuna ka negi nagi ka lu'ohunamofihi lenali kehelite melete hi'ahana yanauba nele'mo topa nohago nolube. Lenalitini nele'mo hofa tenogo bati hilinagi. Nani fayahi afo'afita fa'mene bo nohunaya enali enegekesa sipi bo nohune lite keheli'ahana lenalitoga bite nehana'amagi nebe meligi'ahana yabe.

2 Koliti 2:12

Nani Kilisitohi ka lamana'a lu yege halube luto Toloasi hepatoga nonehetugo Hu'mau ai'a kapo li hokolo hu netago keheliloto'ni bo mone nalalu'nifu Taitasiu ai meago yabe luto sa sa huloto'ni negekesa loe lae higo ana hepato bona'magi nayahi epito he'mi epoloto Masetonia kapoga buto sa hilube luto bu'ohuna yabe.

2 Koliti 4:5

Lali mono ka nokehelito laliti'mu lu lepiluta'a mehune. Yesu Kilisito ai lali'i Sipi Boti to lali Yesu kumu yabe luto lenali koko panatini lolo huto minoto minalune luto lu lepilata nohune.

Galesia 1:1

Poluita nani aposolo bo nohugo ya'ma bo moneuba noho melifi'ehina yabe. To bona'magi lili'naga meli nete'ahana yabe. Yesu Kilisito to aimo fili'ehinaguti le'mo ho ti'ehina bouba, afotifu Hu'ma ya'ma ai'a kaga'alo aposolo lolo hu'ohuna yabe.

Efeso 1:1

Oho, Efeso bona'ise. Lenali Hu'mamofihi naga'ise. Lenali Sipi Boti Yesu Kilisitotoga ule'ale hite neminana bona'ise. Nehafihe? Nani Poluita Hu'mamofihi kaga'a lu molo'ehina'mu ya'ma Yesu Kilisitohi aposolo bo lolo hu'ohunamofita fayahi ya'ma koyoto nolepube.

Efeso 1:13

To lenali ana suhi hite ka lamana'a Kilisitou lenubuto bilata bo nohina ka kehelite Kilisitohi keheli ule'ale hite agoya eminogo Hu'mau nani bona'ni minalabe luto ai'a Hetofa Sikalafu'amo lepi'ehina yabe. Koyapa'i lu molo'ehina suhi huto lepi'ehina ni'inagihe.

Efeso 4:11

To hetofana limi'ehinamofihi hapa'a ma ni'ibe. Kilisitou lehe'mose'na'a fato fato'na limi'ehina ni'ibe. Lali luga'a aposolo lele'mo molo'ehinamo ni'ibe. To luga'a ai ka'a lu yege holata bo, to luga'a ya'ma ai'a ka leli'ali bo, to luga'a babafi minete ya'ma ka lamana'a lu ha'i fise bo, to luga'a mono kaba bo, lele'mo molo'ehinamo ni'ibe. Ana fato fato lili'nalo lehe'mose'na'a limi'ehina ni'ibe. To hena'mube? Lali Hu'mamofihi bona'a nohutamagita lili'natilo lele'mo amuya nohutamagita lele'mo hofa to su halibe luto yabe.

Filipai 1:1

Nani Poluita to Timoti hiti moneka nohutoti'a Yesu Kilisitohi lili'na bona'a nohu'ibe. Lenali hepatoga bona'i Yesu Kilisitohi keheli emite mine'ahana bona'ise. Nehafihe? To Hu'mamofihi yagapana'i lolo hi'ahana bona'i to mono kaba bona'i to babafi bona'i lenalise. Nani fayahi ya'ma koyo nolepube.

Filipai 2:11

To enabagaguti enabagaguti ya'ma Yesu Kilisitohi ai Sipi Boti nohibe lite nelite kululu kululu tite halana yanauba tito minoto afo'afu Hu'mamofihi gelo bise'na lolo huto minalibe.

Kolose 1:1

Oho, Kolose hepato boana'ise. Nehafihe? Lenali Hu'mamofihi naga'i nehana bona'ise. Lenali lali hiti Yesu Kilisitohi naga'i moneko babeyafa huto koguna noito nominota bona'ise. Hu'ma afotifihi fuluna'a hiti hetofana hu lepalalina'a lenalitoga mineno. Nani Hu'mau nele'mo ho ti'ehina bo Yesu Kilisitohi aposolo bo Poluita ma fayahi nokoyobe. To logonati Timoti hiti fayahi nokoyo'ibe.

Kolose 1:25

Hu'mau nani Kilisitohi naga'i nehana bona'magihi koko pana'ani nele'mo'ohuto'a noho lifigo buto lenali Yuta gegisaguti fegutoga nehana bonatoga buto Hu'mamofihi suguna ka lu lepilube'mu hunogo keheli bai talana'mu yabe.

1 Tesalonika 2:2

To Filipai hepatoga lele'mo sibina to huli ka lu limite hilata hi'ahago yalo lenali Tesalonika bona'magita bu'ohuta akeheli'ahabe. Ya hi'ahanaya to bona'i luga'amagihi luba limilune'mu nehago Hu'mau lukesa fi hetofa hu leto'ehigo babahi huto nohuto lenalitoga Hu'mamofihi ka lamana'a lu huto huto lu lepi'ohuta.

1 Tesalonika 2:8

Ya huto laga hinana'auba komopatini lenalitoga minolago Hu'mamofihi ka lamana'a lu lepilune luto mino'ohune. To ya'masigoko meni'ibe. Lali lenalitoga komopati ni'igo lenali kumu bati huto filitita'mu yabe.

1 Tesalonika 2:9

Lalalutigita, naga ito li hetofa huto nohutogo lenali kosele'i lenoho laligi luto utehi foya'a amuya moloto to babu luto lito nohuto Hu'mamofihi ka lamana'a lu lepi'ohuta'a akeheli'ahabe.

1 Timoti 1:1

Nani Poluita Hu'mau lubuto bilata bo, ai kaga'alo to Yesu Kilisitohi fifa ilata nohuta bomofihi kaga'alo nani Yesu Kilisitohi aposolo bo'a nohunamofita,

1 Timoti 2:7

Ya'ma kaga lu hokolo hilane luto Hu'mau aposolo bo nele'mo malago nohube. Fegutoga bona'i enalitoga buto ka lamana lu epilago enali keheli ule'ale huse ka'amofihi hapa'a giyaka lite minalabe luto ana foya'mu nele'mo eto hu'ehina. Ya'ma ka faga hiti menolube. Lama'naka luto nolube.

2 Timoti 1:11

Nani yanamofi kumu ya'ma ka lamana'a lu huto huto bo lolo hilane luto, Hu'mau ana foya'mu aposolo bo to ka lu enelepise bo nele'mo ho ti'ehinamo ni'ibe.

Taitasi 1:1

Poluita nani Hu'mamofihi koko pana'a Yesu Kilisitohi aposolo bo nele'mo ho ti'ehina. Ya hu'ehina Hu'mau enele'mo eto hu'ehina bona'i enali aimo agoya hu emilabe luto enehe'mobo luto to lali mono'mofihi ka lamana'a kapogu enele'mo keheli bati hino luto ya'ma foya'mu nele'mo ho tito noho lifi'ehina yabe.

Hibulu 5:4

Foya tito mino'ehinamofihi bo mone'i ai komopa'aguti kagalo ana foya lilube lutomo meni'ibe. Mamufa gilata bo mone'mofihi Hu'mau kehe ito le'mo eto higo foya'a ya'ma lu emilenogo bati huto lilina'mu yabe. Alonihi ya'ma koyapa'i Hu'mau kehe ito ema'alo anamofihi lolo hu eto'ehinamo ni'ibe.

Hibulu 7:26

Yesu ya'ma lali'i mamufa gi leto'ehina bo sipi'a nohinagi lele'mo bati hulata nohina bo nokehelune. Ai pa sose foipana meni'ina komopa'a fi fana tago lamana bo ai foipana nasana lilata bo enali tegi huto menohibe. Laga huto pa solata nohina bo Hu'mau le'mo saga hu'ehigo kokuluma ifo'alo be ligi su hoto nominana bo minalina'a huto minolago bati huto ni'ibe.

Yemesi 1:1

Nani Yemesita Hu'mamofihi koko pana'a to Sipi Bo Yesu Kilisitohi pana'amofita nani'ni fayahi nokoyobe. Lenali Isilaeli bona'magihi naga'i nayahi luga luga su hoto nigigusaga loemo leke ho malago tili tele hite bi'ahana bonatogati Yesuhi naga'a lolo hi'ahanamagihi keke'i lu epoloto ya'ma fayahi nokoyobe.

1 Pita 4:17

Nekehelifiye? Hu'mau ai'a bona'magihi hapa hapa'animu loko huto guna molo epalalina kana'a tupa nohibe. To bona'a lalitoga hapi fito lilube'mu hibe. Ya hu'ehina lalitoga kohe toto napa huto lilina hena hilibe? Hena huto oto ka lamana'a keheli he'mi'ahanamagihi hena hena hu epalalina ni'ibe?

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

Yute 1:1

Yuteita nani Yesu Kilisitohi kele kele'a to Yemesihi gona'amofita, afotifu Hu'mau elesa molo lepito komopa'a lepilata nohina'mu lenele'mo moloto Yesu Kilisitohi kabalo lenele'mo molo'ehinamo lenali fayahi ya'ma koyoto nolepube.

Huto Hilina Ka 1:1

Yesu Kilisito le'mo belegepa ito lu'ehina kaga kana'a yatama mehu'ehigo ana'ina huto hilibe luto Hu'ma lu'ehina ya'ma Hu'mamofihi agoya bona'a lu epilibe luto Yesuhi lu emilago ai agelo'amofihi lifilago agoya bo'a Yonita lu nimito nelepi'ehina.

Huto Hilina Ka 22:6

To agelouba ma luto lu nimi'ehina: Kaga ya'ma lamana'a nolugo ule'ale nohinamofihi ni'ibe. Sipi Bo, Hu'ma ai Sikalafu'a ya'ma lu enabagalo enabagalo nohina bona'i noepilata bo ai'a ya'ma agelo'a ho lifigo kele kele bona'a lenali'i kana'a yatama mehu'ehinogo huto hilibe luto lu'ehina nasana lamana'a yabe luto lu epito kelepugo bu nogane.

Huto Hilina Ka 22:9

ai'a: O'e, luto ya mehubo luto lu nimi'ehina. Nani kalalukafita nohube. To kalukagihi ka leli'ali nehana bomagihi enalalu'anifita nohuto to foya'ani ana huto noluna bo nohube. To ya'ma bukugu kaga keheliba keheliba hite neminana'a enali enalalu'nifita nohube. Kai Hu'mamofihi ai'ago ya'ma lipito kalapusa fi emibo.