Matiu 9:8 - Ka Lamana'a Monoꞌi Lu Mu Tifiꞌehina Ka Yabe

⁸ To boana'i enali anana huto hina be gelete koli hi'ahana. Hu'ma ya'ma huse amuyana bologa molo'ehibe lite enali akeheli'ahana yabe, ya hilete enali Hu'mamofihi gi'a liyafa hi'ahana yabe.

Matiu 9:8 ပူးပေါင်းရင်းမြစ်များ

Matiu 12:23

Ya higo enali le'mo bego hite babu boana'i minanamagi be gelete topa helete ma lite li'ahana: Ya'ma boba Tebitihi pana'mouba nohifi fato bobe?

Matiu 15:31

Ya higo asaga boana'i enali enekesa yigi babu li'ahana yabe. Hena'mugope negi bona'i aku'i kaga lila, felisa'ani kuyugu hina bona'i bati hu epolola, enigi'ani sibina hu'ehina bona'i kapo melela, to enali enubu'ani pisi lu'ehina bona'i enubu'ani i gili hula hinana be gelete'ani yabe. Ya hilete enali Isilaeli bona'magihi Hu'ma'anifu ai kumu fokehi hete gi'a li saga hi'ahana yabe.

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Matiu 5:16

Ya huto ninagi lenali libitini ligite boana'i enali enubulo binogo lenali hetofa hapatini bu gelete to enali ana hite Sipi Bo Hu'matinifu kokuluma hepatoga nohinamofihi enegelo bite gi'a liyafa hilabe.

Matiu 9:7

Ya ligo ana bo ana'asi ho tiloto hepa'aga bufa hu'ehina yabe.

Maki 2:12

To ya ligo ana bouba ana'asi ho tito nebelusa'a kofito bufa hu'ehigo, enali asaga'i yege fite topa hete Hu'mamofi kumu fokehi lite ma li'ahana: Akae. Lali koyapa bu mego'ohuta suhi yatai li huto hibe.

Maki 7:37

To asaga bona'magi lusi topa nehete enegelo bite ma li'ahabe: Bogiyo. Ya'ma Yesu ai asaga'na keheli bati nohina yabe. Ai ekesa hekini lo'ehina bomofihi le'mo bati higo, kaga nokehelibe. To kaga meluse mino'ehina bomofihi le'mo bati higo, kaga lu bati huto nolibe. Enali ya lite yege fi'ahana yabe.

Luku 13:13

Ya luloto Yesu ana a'mofihi gufalo yahi ligo analo mele'isi besise'na he'mi etago ana a'i ho ti fefe luloto Hu'mamofihi gi'a li saga huto fokehi ho'ehina yabe.

Luku 17:15

Ya higo moneko bouba falame'a bu gana gololo ti su nohago bu goloto ai i behe huto nooto sipi kehe ito Hu'mamofihi fokehi ho emito o'ehina yabe.

Luku 17:18

Hena hibe luto fatoga bouba aisigo oto Hu'mamofihi gi'a li saga huto fokehi nohabe?

Luku 18:43

Yesu ya luto noligo ana'asi ka'a mege'i moloto ana bomofihi bu'a i gili mele'isi hu'ehina yabe. Ya hulago ana bouba Yesuhi mege'i moloto nobuto Hu'mamofihi gelo bi emi'ehina yabe. To babu bona'magi anana huto hina bu gelete Hu'mamofihi ana hite fokehi hete gi'a li saga hi'ahana yabe.

Luku 2:20

To sipisipi yaga kabalo bomagi i gelehe hite he'mite bite Hu'mamofihi gi'a liyafa hite fokehi he'ahana. Enali asaga'na agelouba lu epinana huto su hana bu gete'ani sipi enofokehi he'ahana yabe.

Luku 23:47

Gimi bomagihi kaba bo'aniuba ya'manana huto hinamofihi hapa'a bu go su holoto Hu'mamofihi gelo bi emito ma luto lu'ehina: Ma'naka luto ya'ma boya bebe sana bo yabe.

Luku 7:16

Ya higo asaga boana'i anana bu gelete enelesa'ani gofa ligo Hu'mamofihi gi'a li saga hite fokehi hete ma lite li'ahana: Mono ka lu yege hose bo sipi mone folagahatigu huto nohibe. To Hu'mau boana'a enehe'moto enubuto bilibe luto a'noabe.

Yoni 15:8

Lenalitoga legeya'a babu luto helenogo lenali lama'naka nani bona'ni lolo hite minelenogo Afo'nifihi fana meha'a ya'ma sekele mamu'a hiti huto hilina'mu yege yege bona'magi be gelete kehelilabe.

Aposolo 11:18

Ya ligo enali Pitahi bu fi kutu nehanana he'milete Hu'mamofitoga fokehi hete gelo bite ma lite li'ahana: Hu'mau fegutoga bona'magi komopa'ani i gelehe hulenogo enali hiti ana hite minoba minoba hilabe lite enegelo bi'ahana.

Aposolo 21:20

Enali asaga'i ya'ma kehelilete Hu'mamofihi fokehi li'ahabe. To Poluhi kaga ma lu emi'ahabe: Lalalutiga, kehelibo. Ya'ma Yuta bona'magi samahi tite Yesuhi naga'i lolo hi'ahabe. To enali koyapa keya kamu'i amuya melete ule'ale hite mege'i melelata nehabe.

Aposolo 4:21

Ya lite la'igo enali kanisole bona'magi amuya melete kaga lu etetelete etele'mo he'mi'ahana. Enali naga'i etimilana kaga li huto mehi'ahana yabe. Hena'mugope asaga boana'magi huto hu enubulo molo'ehinamofi kumu lite Hu'mamofitogago enegelo bi emite gi'a liyafa hana'mu yabe.

2 Koliti 9:13

Lenali Kilisitohi ka lamana'a kehelilete li pili kete lite neminana yamofihi hapa'a to lenali Yelusale hepatoga mono ka keheli'ahana bona'i to lenalalutigihi luga'a asaga'i enali hiti lenipagu bati hinogo kehelite babu lite enehe'melata nehanamofihi hapa'a huto hilenogo Hu'mamofihi fayahi mino baga ito minalibe lite le'mo ho tilune'mu habe.

Galesia 1:24

Ya lite lilete ya'ma hapa'a kehelite nani kumu yabe lite Hu'mamofitoga fokehi hete enegelo hi'ahanamo ni'ibe.

1 Pita 2:12

Ya nehite Hu'mamofihi mekeheli'ahana bona'magihi komopa'ani legi mehinogo mino eto hite minalo. Ya hite nehinogo Hu'mamofihi mekeheli'ahana bona'magi kohe tete lenali kumu foipana lilata nehana bona'i nehabe lite lenifisa ite aku alihi to lenali bite folagaha'anigu minenogo to hapatini bati hinogo enali bu negenogo yata'a kehelise'na'ani he'mite lenali kumu Hu'mamofihi fokeha'a lilabe. Yesu Kilisitou nehetilina kanagu ya hilana'mu yabe.