Matiu 9:36 - Ka Lamana'a Monoꞌi Lu Mu Tifiꞌehina Ka Yabe

³⁶ Babu boana'i Yesuhi le'mo bego hite minago bu enogoloto Yesu eniginaga fi epi'ehina yabe. Hena'mugope enali enekesa yigi babu lilete bo moneuba meenehe'mago sipisipi yaga kaba bo'ani meminago tili tele hite minelata nehana suhi lite minana'mu luto yabe.

Matiu 9:36 ပူးပေါင်းရင်းမြစ်များ

Matiu 10:6

Lenali Isilaeli nagalugu sipisipi yaga fenene hite nehanalo bilo.

Matiu 14:14

Alihi Yesu nagami beletoga keheto buloto babu boana'i nehago bu enogo'ehina yabe. Ya hago ai ginaga fi epiloto enebesi'ehina bona'ani enele'mo bati hu'ehina yabe.

Matiu 15:24

Ya lago Yesu lu emi'ehina: Isilaeli sipisipi yaga fenene hi'ahanalo'mu luto Hu'mau noho lifigo maga limi'ohuna yabe.

Matiu 15:32

Yesu koko panana'a kehe i nupa huloto ma luto lu epi'ehina: Ma bona kumu'i nani niginaga nofibe. Hena'mugope enali loegi monegi yupahi nani hiti mine'ahana yatai nose'na nalana'a meni'ibe. Nani nose'na meepise enoho lifinogo'ni bilana enali kapoga nebinogo enubu neta neta bilenogo ho kete kela ya hila hilabe'mu nolube.

Maki 6:34

To Yesu alihi anaga nehetito enali li gehesa nehanamo bu enogoto keke'i lu epolo'ehina yabe. Enali sipisipi yagamagi, kaba bo'ani meminana suhi lite nehago bu goto keke'i lu epolo'ehina yabe. Ya huto'a kaga lu enelepiba enelepiba huto mino'ehibe.

Maki 8:2

Ke. Nani ya'ma boana'magihi keke'i nolu epolobe. Enali nanitoga loe yagi mone yagi yegegu mine'ahana to nose'na'ani meni'ibe.

Hibulu 4:15

To mamufa gilata bo sipi boti ai kumu keta lebesigo ya nohutogo komopati lapa bise'namofihi kehelito lali'i bu logoto menohe'mi letabe. Lalitoga limi'i lama'i moloto lito nohinamofihi huto hulata nohina ana suhi huto aitoga mi'i ma'i moloto lito fato fato'mofihi huto hu'ehinamo ni'inaya aitoga foipana mone'a meni'inamo ni'ibe. Yana'mu ai lali kumu ginaga filata nohibe.

Hibulu 5:2

Ana mamufa gilata bo ai'a hapa'a mone amuya memolose nohigo fato bona'magi kaga mekehelilata to foipana lilata nehanamagihi fulu huto ginaga fi epite agoya hu epilata nohibe.