Matiu 9:29 - Ka Lamana'a Monoꞌi Lu Mu Tifiꞌehina Ka Yabe

²⁹ To Yesu yatu'i etubulo meko huloto lu etimi'ehina: Letali nanitoga komopatiti nimi'aha'inago letubutiti bati hilina'mu yabe.

Matiu 9:29 ပူးပေါင်းရင်းမြစ်များ

Matiu 15:28

Ya ligo Yesu ai a'mofihi lu emi'ehina: Akae, ma a'i yale. Kaga keheli fe luse'naka sipina ni'ibe. Ana'ina lolo hu netalane luto nolatanaya huto hu kimilina'mu yabe. Ya ligo ana'asilo ana a'mofihi pa'a ka'muya hepalugu nohigo bati hu eto'ehina yabe.

Matiu 20:34

Ya la'igo Yesu keke'i sipi lu etotoloto yaha'a ana bomale'i etubulo meko nohigo ana'asilo mele'isi etubu'atiti i gili higo asaga'na bu gelete Yesuhi mege'i melete bi'aha'ina yabe.

Matiu 8:13

Yesu gimi bomofihi lu emi'ehina: Hepakaloga abubo. Keheli ule'ale huse'naka, to komopaka li nimi'ahatana ya'ma huto hilibe, Yesu luto lu'ehina. Ana kana'agu mele'isi ya'ma gimi bomofihi koko pana'a le'mo bati hu'ehina.

Matiu 9:22

Yesu i behe huto ana a'i bu goloto ma luto lu emi'ehina: Pa'ni, kipakagu fuluna kebesino. Kai nanitoga komopaka moloto minalatanauba kele'mo buto bito kebesise'naka li nohe'mibe luto Yesu lu emi'ehina yabe. Ya noligo ana'asilo ana a'mofihi nobesinana su ho etago bati hu'ehina yabe.

Matiu 9:28

Ya nela'igo Yesu ai nonuga notigo etali ana bole Yesutoga neheti'aha'ina yabe. Ya ha'igo Yesu etoloka ho'ehina: Letali le'ele'mo bati hilina'mu yabe lite nanitoga komopatiti nenimi'ifihe? Etali li'aha'ina: O'yo, Sipi Bo, le'ali keheli'ohu'ibe.

Maki 10:52

To Yesu ma lu emi'ehina: Kai nanitoga keheli ule'ale nohatalo'i kele'mo bati nohunagihe. Ya hugo hepakaga bati huto bubo. Ya ligo, ana'asi bu'a bati higo bu goto Yesuhi mege'i moloto kapo molo'ehina yabe.