Matiu 9:22 - Ka Lamana'a Monoꞌi Lu Mu Tifiꞌehina Ka Yabe

²² Yesu i behe huto ana a'i bu goloto ma luto lu emi'ehina: Pa'ni, kipakagu fuluna kebesino. Kai nanitoga komopaka moloto minalatanauba kele'mo buto bito kebesise'naka li nohe'mibe luto Yesu lu emi'ehina yabe. Ya noligo ana'asilo ana a'mofihi nobesinana su ho etago bati hu'ehina yabe.

Matiu 9:22 ပူးပေါင်းရင်းမြစ်များ

Matiu 15:28

Ya ligo Yesu ai a'mofihi lu emi'ehina: Akae, ma a'i yale. Kaga keheli fe luse'naka sipina ni'ibe. Ana'ina lolo hu netalane luto nolatanaya huto hu kimilina'mu yabe. Ya ligo ana'asilo ana a'mofihi pa'a ka'muya hepalugu nohigo bati hu eto'ehina yabe.

Matiu 17:18

Yesu ana foipa felemofihi pana'i he'mi etoto bufa hubo ligo ana foipa fele nohigo ana'asilo ana pana'i bati hu'ehina yabe.

Matiu 8:13

Yesu gimi bomofihi lu emi'ehina: Hepakaloga abubo. Keheli ule'ale huse'naka, to komopaka li nimi'ahatana ya'ma huto hilibe, Yesu luto lu'ehina. Ana kana'agu mele'isi ya'ma gimi bomofihi koko pana'a le'mo bati hu'ehina.

Matiu 9:2

Luga'a bona'magi bo mone gi yahi sibina hu'ehina bo sipa'alo ko'ehigo Yesutoga le'mete e'ahana. Ya hago Yesuhi aitoga komopa'ani mele'ahana bu goloto Yesu ana gigusa'a sibina hu'ehina bo ma luto lu emi'ehina: Pana'ni, kipagu fulu hino. Nani foipanaka li nohe'mi ketobe.

Matiu 9:29

To Yesu yatu'i etubulo meko huloto lu etimi'ehina: Letali nanitoga komopatiti nimi'aha'inago letubutiti bati hilina'mu yabe.

Maki 10:52

To Yesu ma lu emi'ehina: Kai nanitoga keheli ule'ale nohatalo'i kele'mo bati nohunagihe. Ya hugo hepakaga bati huto bubo. Ya ligo, ana'asi bu'a bati higo bu goto Yesuhi mege'i moloto kapo molo'ehina yabe.

Maki 5:34

Ya ligo Yesu kehelito ma luto lu emi'ehina: Oho, pa'nimaka. Kai nanitoga keheli ule'ale hu'ahata yanauba kugufaka le'mo bati hibe. Kebesi'ehinana yatai fa hu keto'ehinagihe. Kelesaka melinogo fulu huto bubo.

Luku 17:19

Yesu ma luto ana bo lu emi'ehina: Kai kaga keheli ule'ale nohatanauba kele'mo bati nohinagi kai ho tito bubo.

Luku 18:42

Ya ligo Yesu ma luto lu emi'ehina: Kai nanitoga komopaka nimi'ahata ya'mu kubuka yatai i gili hinogo bu gobo.

Luku 7:50

To Yesu ana a'mofihi ma luto lu emi'ehina: Kai agoyanaka nanitoga malalata yauba kele'mo bati nohinagi komopaka fulu hinogo kofokehi hoto hepakaga bubo, luto Yesu lu'ehina yabe.

Luku 8:48

Yesu lu emi'ehina: Pa'nimaka kaika kaga keheli ule'ale huto minose'nakauba kele'mo ye nokabe. Kai nobitogo kipaka fulu hino.

Yoni 4:53

Panaka ye kalibe luto ya'mana kana'alo Yesu lu emi'ehina ka'auba ekesa hokolo hu'ehina. Ya'mu lite ai naga'a hiti Yesu kumu keheli ule'ale hi ete'ahana.

Aposolo 14:9

Ya'ma bouba Polu lina kaga'a kehelito mino'ehina. Ya higo Polu ana bo bu go bati hu'ehina kaga'a komopa'agu li molo'ehigo gigusa'a le'mo bati hilube luto keheli'ehina.

Aposolo 16:18

Babu yupahi ya'ma pa'uba ya lumofa'na higo Poluhi kosele'a hago i behe huto ana foipa felemofihi ma luto lu emi'ehina: Yesu Kilisitohi gi'alo kehe nounagi leke ho limito bufa hubo. Ya ligo ana foipa feleuba ana'asilo ana pa'mofihi komopa'aguti mele'isi hele ko limi'ehina.

Hibulu 4:2

To ka lamana'a enali'i lu epi'ehina'ago huto lali'i lu limi'ehibe. To enali ya'ma ka'a kehelilete komopa'anigu li memalago limito keheli ule'ale hite memino'ehina to enalitoga futu'ago mino'ehina yabe.