Matiu 9:13 - Ka Lamana'a Monoꞌi Lu Mu Tifiꞌehina Ka Yabe

¹³ Lenali bite ya'ma mono kamofihi hapa keheli bebe sete li buto hilo. Nani yagakafa enehe'ahanamagi nimite nehago menebesibe. To nani fulu huse'na'muko nebesibe Hu'mau lu'ehina ni'ibe, luto Yesu lu epi'ehina yabe. To nani komopa'ani bebe sana bona'i kehe ilube luto meo'ohube. Nani foipa bona'i kehe ilube luto o'ohuna yabe, luto Yesu lu epi'ehina yabe.

Matiu 9:13 ပူးပေါင်းရင်းမြစ်များ

Matiu 12:3

Ya lago Yesu lu epi'ehina: To lenali Tebitiu hu'ehinamofihi fayaha'a leka sete mekeheli'ahafihe? Tebitiu lalu'agi hiti sipi kau'na enoho'ehinamo'mu nolube.

Matiu 12:5

To lenali Mosehi ka foya buku'agu nina mono kamoba leka sete mekeheli'ahafihe? Asaga fuli kana'agu mono noto kaba hi'ahana bomagi fuli kana'alo ya'ma keya ka li gofa helata hi'ahana to enali bati mehina suhi mehi'ahana yabe.

Matiu 12:7

Ya hu'ehina lenali ma mono kaga keheli bati hite keheli fe lilana: Nani yagakafa he'ahananamagi nimitogo menebesibe. Nani fulu huto minose'namu'i nebesibe. Yalo lenali ketana lite bati mehina suhi mehilata nehana bona'i enalitoga ligo mefi epalalana'mu yabe.

Matiu 19:4

Yesu lu epi'ehina: Lenali mono bukugu bu gelete ana ka mekeheli'ahanafiye? Ya'ma kagaguti go'ehina: Yata'a kanagu Hu'mau bomo hiti a'mo hiti lolo hu molo'ehina yabe.

Matiu 21:42

Ya lite lago Yesu ma luto lu epi'ehina: Mono bukugu kaga mone ma luto nina lenali mekeheli'ahafihe? Lili'nalo bomagi ya'ma efahi bati mehina efahi yabe lite li he'mi'ahana. Yatai ya'mana efahuba nohi nekisa'a li tokolo hu'ehibe. Sipi Bouba ai ya'mana suhi li huto higo lali bu gota laga gofa hibe.

Matiu 3:2

Komopatini i gelehe hite foipanatini he'mi su halo lu'ehina. Hu'mamofihi kokulumalugu kapo'a hokolo hilina kana'a epi'ehina.

Matiu 3:8

Lenali komopatini i gelehe hilete yalo etonaguti mineme binogo buto komopatini i gelehe i baga ilibe.

Matiu 4:17

Ya'mana kanaloti hapi fito Yesu mono ka ma luto lu epi'ehina: Foipanatiniguti komopatini i gelehe hilo. Kokulumamofihi kapo'a anasi a'o leba to'ehibe.

Maki 12:26

To fili'ahanaguti ho tilana kaga'mu Moseu koyo'ehina ka mone bu mege'ahafiye? Moseu ya'ma i kulu tito lo'ehina yafa bu go'ehina yupahi, Hu'mau hena ka lu emi'ehina ni'ibe? Ai ma luto lu emi'ehibe: Nani Abalahahi kibina bo'a Isakahi kibina bo'a Yakopuhi kibina bo'a nohube, luto lu emi'ehina yabe.

Maki 12:33

To lali bona'mofita ai kumu lipatitu lemehatitu komopatitu lugufatitu amuya moloto lebesito keheli emiluta bati ka nolane. To bonati'mu liginaga fito lugufati kaba nohuto suhi huto kaba hu epalaluta bati ka nolane. To bona moneuba ya'ma keya ka loemofitoga keheli emilata yauba silaga'namofihi Hu'mamofitoga noemutana to salamana go emutana silaga'i be ligi'ehina yabe. Kai ma'naka nolane.

Maki 2:17

To Yesu, ya'ma nelana ka kehelito ma luto lu epi'ehina: Bati hite neminana bona'magi lusa bo kehe neifiye? O'e. Epesi'ehina bona'magi kehe neibe. To nani ana huto bati hite neminana bona'magi kumu menoobe. Nani foipa bona'magihi kehe ito enele'mo bati hilube luto ao'ohuna yabe.

Luku 10:26

Ya ligo Yesu ma luto ana bo loka ho'ehina: Mono ka fayahi ge'ahanagu henabe luto ni'ibe? To hena huto lu gelehe huto leka solata nohane?

Luku 19:10

Hena'mugope Kokulumaguti limi'ehina Bouba ai bona'i fenene hi'ahana sa sa huto enele'mo huto hilube luto o'ehina yabe, luto Yesu lu epi'ehina.

Luku 24:47

To ai gi'alo Yelusale hepatoti hapi filete kaga'a lite noto noto bona'i asaga kapoga lu yege henogo ai gi'alo komopa'ani i gelehe hilete foipana'ani'guti mino bati hinogo Hu'mau foipana'ani li he'mi epalalibe.

Luku 5:31

To Yesu ka'ani akeheliloto lu epi'ehina: To bona'i meepesina bona'i tota bologa menebabe. To enebesina bonalogo tota bologa bulata nehabe.

Luku 5:32

Nani bona'i foipana'ani menelina bona'i enele'mo bati hilube'mu meo'ohuna yabe. O'e. Nani foipa bona'i kehe inogo'ni komopa'ani i gelehe hise nehanamagi enali kumu oto enubuto biluna'mu yabe, Yesu ya luto lu'ehina.

Yoni 10:34

Ya lago Yesu lu epi'ehina: Lenali keya katinigu Hu'mau lu'ehinamo keye'ahana: Lenali hu'ma suhi hite nehabe.

Aposolo 11:18

Ya ligo enali Pitahi bu fi kutu nehanana he'milete Hu'mamofitoga fokehi hete gelo bite ma lite li'ahana: Hu'mau fegutoga bona'magi komopa'ani i gelehe hulenogo enali hiti ana hite minoba minoba hilabe lite enegelo bi'ahana.

Aposolo 2:38

Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.

Aposolo 20:21

Nani Yuta bona'i hiti fegutoga bona'i hiti lu epito lipoti epi'ohuna: Lenali foipanatini he'mite komopa'ani i gelehe hiti Hu'mamofitoga minete Yesu Kilisito Sipi Boti aitoga agoya hu emilo luto lu epi'ohube.

Aposolo 3:19

Ya hu'ehinagi lenali komopatini i gelehe hinogo ai Hu'mau foipanatini kele li he'mi lepalalibe.

Aposolo 5:31

Hu'mau le'moto tito yahi lamaga'aga molo'ehigo nohibe. Lali Isilaeli bona'magita kaba boti lehe'malube luto nohinago lali aitogago komopati emito aitoga binogo foipanati li he'mi letalina'mu yabe.

2 Pita 3:9

Sipi Bo ai kaga lu molo leto'ehina yamofihi legeya'a huto hilibe luto ligitagahi huto kana'a yatama mehu'ehinamo ni'ibe. Bona'i luga'amagi keheligo ya'ma suhi lolo hulata nohina ya huto meni'ibe. Ai bona'i luga'a haya kelete fenene hi lalabe luto enegeba huto minolata nohibe. Ai bona'i silaga'magi komopa'ani i gelehe hite foipana hapa'ani he'milabe luto kehelito enali kumu yabe luto fulu huto enegeba huloto minolata nohibe.