Matiu 8:3 - Ka Lamana'a Monoꞌi Lu Mu Tifiꞌehina Ka Yabe

³ Ya ligo Yesu yatu su toto gufa'alo bako huto ma lu emi'ehina: Nani ya hilube'mu nohuto kugufaka gulu gulu hilinagi kehepuhaka asu ho'ehina, Yesu ya luto ligo ana'asilo hepuha'a asaga'na asu hoto fenene hu'ehina.

Matiu 8:3 ပူးပေါင်းရင်းမြစ်များ

Matiu 12:13

Ya luloto yaha'a sibina hu'ehina bo ma luto lu emi'ehina: Kayaha li su tobo. Ya ligo ana bouba yaha'a li su tago mone kegi'a yaha'auba hu'ehina'a huto bati hu'ehina yabe.

Maki 1:41

Ya ligo Yesu sipi keke'i nolu etoto yahi li su toto bako huto ma lu emi'ehina: Ana hu ketalube. Gufa hu bati hino.

Maki 4:39

Ya lago Yesu ho tito'a abafahi ka emekito'a to nagami'mofihi: Lege nobo. Legeso hubo, luto lu emigo abafahuba lege noto to nagami'uba legeso huto fulu hu'ehina yabe.

Maki 5:41

To ana pa'mofihi yaha'a lito ka'aguti Taliya kumi luto, lali kaguti ma lu'ehibe: Pa'nise, ho tibo luto'ni lu nokumube.

Maki 7:34

yalo kokulumagu bu go saga huto'a: Ke, luloto to ai'a ka'aguti Efata luto, lali kaguti: Hokolo hubo, luto lu'ehina.

Maki 9:25

Ya ligo asaga bona'magi hololu lite hetegete neago, Yesu bu enogoto foipa felemofihi ma luto ka emeki'ehina: Kai foipa fele yale. Ekesa'a baga'a i hekini lo'ahata fele yale. Ma pana'mofihi komopa'aguti he'mi etoto bufa hulotoka aku'i aitoga meobo. He'mi etoto bubo'ma.

Luku 4:27

To ana huto mono bo Elaisaha kana'alo enehepuhi nolana bona'i babu lite Isilaeli kapogu mine'ahana yabe. To ya hite mine'ahanaya mone folagaha'aniguti bo mone le'mo bati mehu'ehina. To Neamani ai Silia melugu bo yagi aigo le'mo bati hu'ehina yabe luto Yesu lu epi'ehina.

Luku 5:13

Yesu gufa'alo yahi mololoto lu'ehina: Nani ya'ma bati huto gololo tilane'mu nokehelube. Ya noligo analo'i mele'isi ana sipi lepolosi hepuha'a i gololo tu eto'ehina.

Luku 7:14

Ya luloto Yesu i mobuto ana fili'ehina pana'i ko'ehina sipa'alo bu leba toto yahi li'ehina. Ya nohigo enali filise bo ko'ehina sipa li'ahana bona'i analo ho tite lilete nehago Yesu lu'ehina: Pana'ise, nani lu nokumube, kai ho tibo.

Yoni 11:43

Ya luto luloto ai ka mone sipi kehe ito: Lasalasio, leke ho limibo, lu'ehina.

Yoni 15:24

Nani folagaha'anigu fato suhi amuya'a hiti ya'ma koyapa'i bona'magi li huto mehi'ahanamofihi li huto hutita enalitoga foipana meminatine. To ya'ma be gologo bi he'mi'ehite nani'i luba ka li nimiba li nimiba nehite Afo'nifihi ananago hite luba ka neli etabe.

Yoni 5:21

Afo'afu fili'ahana bona'i aku'i enele'mo ho ti kosaba hulata nohina'a ya'ma ana huto Pana'auba laga'a besilina bona'i fili'ahanaguti enele'mo ho tilina'mu yabe.