Matiu 8:27 - Ka Lamana'a Monoꞌi Lu Mu Tifiꞌehina Ka Yabe

²⁷ Ya hu'ehigo asaga bona'i enelesa'ani li'ahana. Ma bose. Henana bo nohibe? Habapofihifi nagami'i bilinamofihifi kaga lu epigo enali ka'a keheli emina bo yabe, lite li'ahana yabe.

Matiu 8:27 ပူးပေါင်းရင်းမြစ်များ

Matiu 14:33

To bona'i enali botigu minanamagi Yesuhi fokehi helete ma lite li'ahana: Ma'naka luto kai Hu'mamofihi Pana'a nohane.

Matiu 15:31

Ya higo asaga boana'i enali enekesa yigi babu li'ahana yabe. Hena'mugope negi bona'i aku'i kaga lila, felisa'ani kuyugu hina bona'i bati hu epolola, enigi'ani sibina hu'ehina bona'i kapo melela, to enali enubu'ani pisi lu'ehina bona'i enubu'ani i gili hula hinana be gelete'ani yabe. Ya hilete enali Isilaeli bona'magihi Hu'ma'anifu ai kumu fokehi hete gi'a li saga hi'ahana yabe.

Matiu 8:10

Ya luto ana bouba Yesuhi lu emilago Yesu ana ka'a keheliloto ekesa yigi babu lu emi'ehina. Ya huloto boana'i mege'i lefeli'ali hana kaga ma luto lu epi'ehina: Kehelilo. Nani lu nolepube. Isilaeli bo moneuba ya'ma bouba hina'a huto komopa'a li nimi'ehina bu megolata nohube.

Matiu 8:26

Yesu lu epi'ehina: Koli gofana nehana henabe lutobe? Nani kumu kehelise'natini nesi'asi ni'igo ule'ale hitemo memine'ahabe. Ko'ehinati ho tiloto ana sipi amuya habapofihi hiti to nagami'i bilina hiti kaga lu etimigo analo mele'isi felele huto bu'ehina.

Matiu 8:28

Yesu kapo moloto'a hefupo muya beletoga heleko moloto Gatala bona'magihi kapo'anigu nehetigo bo loemale'i aitoga kene mala mala muliluguti e'aha'ibe. Ana bomale'i komopa'atitigu foipa felemagi ti'ahanagi luba hise nehite hagulu neta'ina bomale'i yabe. Yana hepa'mo mine'aha'igo fato bona'i koli nehite tilina mehi'ahana yabe.

Maki 1:27

Ya'ma yuhufa mono'i ahuto hu'ehina ni'ifihe? Ai foipa felemagi kumu ka epekinogo ka'a keheli emilata nehabe.

Maki 6:51

To ya luloto enalitoga botigu tito nohigo, ana'asi abafahi li lege no'ehibe. To pana'alobo'amagi enegekesa keheli keheli hite otopa he'ahabe.

Maki 7:37

To asaga bona'magi lusi topa nehete enegelo bite ma li'ahabe: Bogiyo. Ya'ma Yesu ai asaga'na keheli bati nohina yabe. Ai ekesa hekini lo'ehina bomofihi le'mo bati higo, kaga nokehelibe. To kaga meluse mino'ehina bomofihi le'mo bati higo, kaga lu bati huto nolibe. Enali ya lite yege fi'ahana yabe.