Matiu 8:20 - Ka Lamana'a Monoꞌi Lu Mu Tifiꞌehina Ka Yabe

²⁰ To Yesu lu emi'ehina: Lopi kalamo kalina muli'i ni'ibe to namamo kalina nohi ni'inaya to Kokulumaguti limi'ehina Bouba koto basu bilina hepa'i meni'ibe luto lu emi'ehina.

Matiu 8:20 ပူးပေါင်းရင်းမြစ်များ

Matiu 12:32

To mone bouba Hu'mamofihi pana'amofihi kaga foipa lu etalinaya Hu'mau ana foipana'a li he'mi etalina'mu yabe. Ya hilinaya bo moneuba Sikalafu'mofihi kaga foipa'a lu etalinaya ana foipana'a Hu'mau li mehe'mi etalina'mu yabe. Yatai hiti aliha'a yupa hiti ana sunogo hilina'mu yabe, luto Yesu lu epi'ehina yabe.

Matiu 12:40

Yonau loegi monegi yege hiti sinihi hiti faya'mofihi komopa'agu ko'ehina'a huto Kokulumaguti limi'ehina Bouba yege loegi monegi hiti sinihi loegi monegi ana suhi huto ma me'i komopa'agu kalina'mu yabe.

Matiu 12:8

Kokulumaguti limi'ehina Bouba ai fuli kanamofihi sipi kaba bo'a nohibe.

Matiu 13:37

To Yesu ka'anilo lu'ehina: Bo ai hetofa nose'na legeya'a foyagu tili hulata nohinaya Kokulumaguti limi'ehina Bo nohibe.

Matiu 16:13

Yesu Sisalia Filipai kegi'a buloto ya'mana kanalo koko pana'a ma luto enoloka ho'ehina: Asaga boana'magi Kokulumaguti limi'ehina Bo kumu'i hena hibe lite lilata nehabe?

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Matiu 17:9

Enali ana kosa he'milete kapo melete nelimite amuya kaga luto enekesa biloto Yesu ma luto lu epi'ehina: Ya'manana huto higo lenali bu ge'ahana lenali bona'i luga'a meepilo. Lenali komopatinigu melelete nehinogo Kokulumaguti limi'ehina Bouba keli he'miloto ho tilenogo ana kaga lu huto hilo.

Matiu 19:28

To Yesu ma luto lu epi'ehina: Nani ma'naka luto lu nolepube. Alihi asaga'namagi yuhufanago lolo hilina yupahi Kokulumaguti limi'ehina Bo ai fana mehenagu minoto kibina bomofihi kefa hisalo minalina'mu yabe. To nani'i nemege'i melete mine'ahana bomagita ya'mana yupahi 12 kefa hisalo minalana'mu yabe. To lenali ya hilete Isilaeli naga'i 12 magihi kaba hi epalalabe.

Maki 8:38

To bo moneubafi ya'ma ka mekehelise foipa nehana kanagu nani kumu to ka'nimu megesa hu nimilenogo, nani Kokulumaguti limi'ohuna Bomofita, alihi ana huto nemegesa hu emito minalube. Nani alihi afo'nifu nele'mo bati hulenogo to fana meha'ni besa lago nohuto'ni to hetofa agelomagi hiti aluna kanagu nani ana bo'mu nemegesa hu emito minalube. Yesu ya luto lu epi'ehina yabe.

Luku 12:8

To nani lu nolepube. Bo moneuba nani nigi'ni boana enubulo lu yege homofa'na hilina ana huto Kokulumaguti limi'ehina Bouba ai ana bomofihi gi'a lu yege homofa'na Hu'mamofihi agelo'amagihi enubulo hilina'mu yabe.

Luku 18:8

Nani lu nolepube, Hu'mau hololu luto enehe'malina'mu yabe. Ya hu'ehina Kokulumaguti limi'ehina Bouba aku'i alina yupahi ma melugu bona'i aitoga enipa molo emite keheli ule'ale hite nehinogo alina ni'ifi, ya mehilanabe?

Luku 2:12

To bu galana'aya ma huto hilinamo ni'ibe. Lenali pana'i mone katatu sa gite bulumakamagi nose'na nenana sepeke'nagu ko etago nohinogo bu galana'mu yabe.

Luku 2:16

To enali ho tite hololu lite bite Malianogo Yosefenogo neha'inalo henetite bu gelete to pana'i bulumaka nose'na sepeke'nagu ko'ehigo bu ge'ahana.

Luku 2:7

To ai yagapana'i yege'a pana'i ketoto'a katatu sa gi etoloto bulumaka yagamagi nose'na nenana sepeke'nagu ko eto'ehina. To etali ya'ma yagamagihi noha'anigu mine'aha'ina. To hena'mugope, bona'i kose nohi bai to su ho'ehinagi anagu meti'aha'ina yabe.

Luku 21:36

Lenali kana'amu kana'amu ute etehi asaga yupahi kaba hu bati hite minalo. Lenali asaga yupahi Hu'mamofitoga nunumu foya liba liba hinogo ai amuya lepilibe. Ya hinogo asaga'na huto hilinamofihi lenali li lenemegesaga nemelete Kokulumaguti limi'ehina Bo ai okabalo ho tilana'mu yabe luto lu'ehina.

Luku 8:3

To Yoana, Susahi liha'a ai Helotihi noha'alo kaba bomofihi liha'a yagi to Susana to babu ana'i luga'a hiti enali Yesu hiti to koko panana'amagihi fe'noha'anilo enehe'ma enehe'ma hite bi'ahana yabe.

Luku 9:58

Yesu ma luto lu'ehina: Ya hilapi? Nani lipoti nokumube. Lopi kalamagi mehi kapolugu minago namamagi yafagu noha'ani minago hu'ehinaya Kokulumaguti limi'ehina Bouba basu bito ko fulu hilina hepa'a meni'ibe.

Yoni 1:51

To Yesu ma luto lu epi'ehina: Nani ma'naka luto lu nolepube, kokuluma'i hokolo nohinogo Hu'mamofihi agelo'amagi Kokulumaguti limi'ehina Bomofilo tila limila nehinogo lenali bu galana'mu yabe.

Yoni 12:34

To ya luto ligo bona'magi kagalo nona'a lu emi'ahana: Lali keya ka bukugu fayahi ge'ahana: Mesia ai minoba minobo hilina'mu, henabe luto enali Kokulumaguti limi'ehina Bomofihi meluguti le'mo saga hite ho fililabe, luto lu'ahata? Kokulumaguti limi'ehina Bo kiyi'afu nohibe?

Yoni 13:31

Yutasiu enalitogati leke ho limito nobigo Yesu lu epi'ehina: Yatai kana'ni huto nohigo nani Kokulumaguti limi'ehina Bomofita nani fana meha'ni ahuto hibe bu galabe. Yatai Hu'mamofihi fana meha'a nanitoga huto hulenogo bu galabe.

Yoni 3:13

Bo moneuba kokulumalugu meti'ehibe. Hu'mau le'mo ho ti'ehina bo, ya'ma Kokulumaguti limi'ehina Bouba moneko aisigo kokuluma hepa'i he'mito limi'ehibe.

Yoni 3:14

Koyapa'i Moseu ka melugu osifa'i yafalo'i li saga hu'ehina, ana supo lite Kokulumaguti limi'ehina Bouba yafalo li saga hilana'mu yabe.

Yoni 6:27

Minoba minoba mehilina nose'nalo lenali foya melite minomo tito minoba minoba hilina nose'naloko foya lilo. Ai ya'ma nose'na mino bati minoba minoba huse'namo yabe. Hu'mau Pana'amofihi ya'mana nose'na mino kosaba husemofihi lepilibe luto gi'a a'emi'ehibe.

Yoni 6:53

Ya lite lago Yesu lu epi'ehina: Nani ma'naka luto lu nolepube. Kokulumaguti limi'ehina Bomofihi gufa'a hiti golaha'a hiti menalana mino kosaba huse'i lenalilugu meminalina'mu yabe.

Yoni 6:62

Kokulumaguti limi'ehina Bouba koyapa'i mino'ehina hepatoga aku'i tilina ya hena huto ni'ibe?

Aposolo 7:56

Ya huloto Sitifeniu lu epi'ehina: Bu galo. Kokuluma'i i hokolo nohigo Hu'mamofihi yahi lamaga'aga koyapa'i Kokulumaguti limi'ehina Bo nohigo bu nogobe.

2 Koliti 8:9

Lenali Sipi Boti Yesu Kilisitohi lehe'mose'namofihi akehelilata nehanamo ni'ibe. Ai sekele mamu'amofihi afo'afu lenali kumu yabe luto muhi meni'ina bo lolo hu'ehina yamofihi lenali anatu mono'mofihi yogo fe'noho suhi hilabe luto ya suhi hu'ehinagi nani ya'ma lu nolepugo lenali giyaka lite ana hite bilabe.