Matiu 8:13 - Ka Lamana'a Monoꞌi Lu Mu Tifiꞌehina Ka Yabe

¹³ Yesu gimi bomofihi lu emi'ehina: Hepakaloga abubo. Keheli ule'ale huse'naka, to komopaka li nimi'ahatana ya'ma huto hilibe, Yesu luto lu'ehina. Ana kana'agu mele'isi ya'ma gimi bomofihi koko pana'a le'mo bati hu'ehina.

Matiu 8:13 ပူးပေါင်းရင်းမြစ်များ

Matiu 15:28

Ya ligo Yesu ai a'mofihi lu emi'ehina: Akae, ma a'i yale. Kaga keheli fe luse'naka sipina ni'ibe. Ana'ina lolo hu netalane luto nolatanaya huto hu kimilina'mu yabe. Ya ligo ana'asilo ana a'mofihi pa'a ka'muya hepalugu nohigo bati hu eto'ehina yabe.

Matiu 17:20

Ya lago Yesu ma luto lu epi'ehina: Hena'mugope lenali nanitoga komopatini nesi'asi mele'ahana'mu yabe. Lenali ma'naka lu lepilunagi kehelilo. Lenali nalepa legeya'a legi huto nanitoga komopatini nimise'natini minalina, ma kosamofihi mula kegi'a bu molobo lilana ai lenabaga liyafa huto bilina'mu yabe. To lili'na yege yege'i lenalitini lilana'mu yabe.

Matiu 8:4

Ya higo Yesu lu emi'ehina: Kehelibo. Fato fato bona'magi kaga lu meepibo. Mono bomofitoga buloto kugufaka lepibo. Ai bu go bati huto higo mone nona'a Mosehi koyapa'i kaga molo'ehinamo'mu mono bomofihi emibo. Ya huletogo asaga bona'i enubulo kugufaka gulu gulu'ehinana bu kagalabe, Yesu lu'ehina.

Matiu 9:22

Yesu i behe huto ana a'i bu goloto ma luto lu emi'ehina: Pa'ni, kipakagu fuluna kebesino. Kai nanitoga komopaka moloto minalatanauba kele'mo buto bito kebesise'naka li nohe'mibe luto Yesu lu emi'ehina yabe. Ya noligo ana'asilo ana a'mofihi nobesinana su ho etago bati hu'ehina yabe.

Maki 7:29

Ya ligo, Yesu ma lu emi'ehina: Ma a'ise, kai komopakaguti keheli bati huto ya'ma kaga lu huto hatalo pakamofihi komopa'aguti foipa fele le'mo he'mi'ohube. Kipakagu bati hinogo hepakaga bubo.

Maki 9:23

Ya ligo, Yesu ma lu emi'ehina: Kai henabe luto keheli bati nohapiye luto noloka hane? Nanitoga keheli ule'ale huto komopa'a nimilina bouba asaga'na bati huto li huto hilina'mu yabe.

Yoni 4:50

Ya noligo Yesu lu emi'ehina: Kai panaka ye kalina'mu yagi abubo. Ya luto ligo ana bouba Yesu lu emi'ehina ka'a keheli ule'ale huto bu'ehina.