Matiu 8:1 - Ka Lamana'a Monoꞌi Lu Mu Tifiꞌehina Ka Yabe

¹ Yesu kosaguti limitogo babu boana'magi mege'i bi'ahana.

Matiu 8:1 ပူးပေါင်းရင်းမြစ်များ

Matiu 12:15

Yesu ana kaga'ani akeheliloto ana hepa'i he'miloto nobigo babu bona'i mege'i lifite bi'ahana yabe. Ya nehago enebesi'ehinana'ani li he'mi su ho epolo'ehina yabe.

Matiu 15:30

Ya nohigo babu boana'i enali li nupa hite ai nohinalo e'ahana. To enigigusa sibina hina bona'i, enubu pisi lu'ehina bona'i, felisa'ani kuyugu hu'ehina bona'i, enabaga hekini lo'ehina bona'i to fato fato epesi'ehina bona'i enali babu lite Yesutoga enele'mete e'ahana yabe. Enali enele'mete ete Yesuhi gigusa'agu malago ai asaga'i enele'mo bati hu su ho'ehina yabe.

Matiu 19:2

Ya nobigo babu boana'magi mege'i melelete anaga neheti'ahana. Yesu analo'i enebesise bona'i enele'mo bati hu'ehina yabe.

Matiu 20:29

Enali Yeliko hepa'i he'mite nebago babu boana'i enemege'i lifite bi'ahana.

Matiu 4:25

Babu boana'i Galiliti Tekapoli kegi'ati to Yelusale hepatoti, Yutia kegi'ati to Yotani beletoga neminana boana'i asaga'i babu lite li nupa hite, Yesuhi mege'i molomofa'na hi'ahana yabe.

Matiu 7:29

Yesu ai bona'magi keya ka enelepilata nehana'a huto melu'ehina yabe. Ai amuyana'ani nina bomagi kaga lilata nehana suhi huto kaga'a lu epina'mu enali boana'i keheli mehe'mi'ahana yabe.

Matiu 8:18

Yesu babu boana'i li nupa hilete nehago bu goto koko pana'amagi lu epi'ehina: Muya hefutoga bilutagihe.

Matiu 8:2

To sipi hepuhi lo'ehina bo moneuba Yesutoga oto lahupa nohi fito lu'ehina: Sipi bomaka. Kai kegekesa kehelito nugufa'ni le'mo bati hilata'mu nohane.

Maki 3:7

To Yesu pana'alobomagi hiti anagati he'mite bite Galili nagami beletoga bi fa hi'ahago, yege yege boana'magi Galili kegi'ati Yutia kegi'ati Yelusale hepatogati, Itumia kapoguti, Yotani nagami muya beletogati ete to Taiya kegi'ati, Saitoni kegi'ati, babu lite yege yege bona'magi Yesu hu'ehinana kehelilete aitoga e'ahabe.

Luku 5:15

To Yesu hinanamofihi ka'a asaga hepatoga bu baga ilago babu bona'i kaga'a kehelilune'mu e'ahana. To enebesise'na'ani hiti li he'mi epalalibe lite aitoga e'ahana yabe.