Matiu 7:5 - Ka Lamana'a Monoꞌi Lu Mu Tifiꞌehina Ka Yabe

⁵ Kai faga fagalo bo. Yata'a kai kubukagu kefa fulupa fela'a koyofo hu'ehina li he'miloto yalo bu go fana to'ohuto kogonakamofihi buguti pehena li he'mi etobo.

Matiu 7:5 ပူးပေါင်းရင်းမြစ်များ

Matiu 22:18

Yesu mi'i malalune'mu nehana kaga'ani akeheliloto ma luto lu epi'ehina: Lenali fagalo bona'i. Lenali henabe lite nimi'i nemalabe?

Matiu 7:3

Kai kogonakamofihi pehena bugu nina hena hibe luto gili gili nohu etane? Kai kubukagu kefa fulupa sipi'a ana huto ko'ehina bu goto li he'miloto hubo.

Matiu 7:4

Kefa fulupa fela'a kubukagu ni'ilina li mehe'mise hena hibe luto kogonakamofihi ma luto lu emilata ni'ibe: Nogonao, pehena kubugu ni'ina li he'mi ketaluna bati huto ni'ifihe? Ya luto lilapiye?

Matiu 7:6

Lenali hetofa nasana kalamagihi meepilo. Enali i behe hite heni lepele lalabe nolube. To lenali pesesutini hetofa hatofa'a yagamagihi meepilo. Enali pesesutini libe hepulu tibe hite lapasa i lalabe nolube.

Luku 12:56

Lenali faga fagalo bona'i. Lenali me'i hiti kokuluma'i hiti bu go bati hilete hena huse'na ni'ifi lite bu galo. Ya hu'ehina lenali hena hibe lite yatai kanamofihi hapa'a ya'ma nani kumu'i bu go bati menehabe? Yesu ya luto lu'ehina.

Luku 13:15

Ya ligo Yesu ka'alo ma luto lu emi'ehina: Lenali fagalo bona'i yabe. Fuli kana'alo lenali asaga'i toki yagatini naga i'ahanati gulu fete enele'mete bite nagami'i epilata nehana yabe.

Luku 4:23

To ya nelago Yesu lu epi'ehina: Nani ma'naka luto lu nolepube. Lenali fono ka mone ma lite nanitoga lilana'mu yabe: Lusa bo kaika kugufaka le'mo bati hubo. To kai koyapa'i Kapaneami hepato hu'ahatana lali keheli'ohutana yatai ana huto hepakalo ana suhi hubo lite li netalana'mu yabe.

Luku 6:42

To kai hena huto kogonokamofihi ma luto lu emilatabe? Ke, nogona'nimakabe, kubugu pehena nina bati huto li he'mi ketalufihe? To kaika kubugu kefa fulupa ko'ehilina bu megose ya lilata'mu yabe. To kai fagalo bo yata'a kai kubukagu ni'ilina kefa fulupa li he'miloto alihi kogonakamofihi buguti pehena ni'ilina bu go fana to'ohuto li he'mi etobo, luto Yesu bame ka lu epi'ehina yabe.

Aposolo 19:15

Ya nehago foipa feleuba ma luto lu epi'ehina: Nani Yesuhi kehelito to Poluhi hapa'a hiti akeheli'ohube. To kaibe kiyi'agabe?