Matiu 7:28 - Ka Lamana'a Monoꞌi Lu Mu Tifiꞌehina Ka Yabe

²⁸ Yesu ya'mana kaga alu su holago asaga li nupa hite minana boana'i Yesuhi kaga'a kehelilete keheli fato fato hite sipi enelesa'ani lu'ehina yabe.

Matiu 7:28 ပူးပေါင်းရင်းမြစ်များ

Matiu 11:1

Yesu nayaha'ni su hago nigigusaga loemo leheko malago koko pana'amagi lili'na lilana kaga alu epi su holoto ana hepa'i he'mito ana kegi'a hepa'i nila nila hu'ehinalo bula ola huto boana'i kaga lu enelepito to hetofa kaga lu yege homofa'na hu'ehina yabe.

Matiu 19:1

Yesu ya'ma kaga lu epi su holoto Galili hepatogati he'mito Yutia kapogu, Yotani nagami'i muya beletoga bu'ehina.

Matiu 22:33

To asaga boana'magi Yesu enelepi'ehinana'mu lite enegelo bi'ahana yabe.

Matiu 26:1

Yesu kaga alu epi su holoto alihi koko panana'amagihi ma ka lu epi'ehina:

Matiu 7:27

Ya hi'ahago ko'i noito habafahi nolito huloto nagami'i ana nohi beleha'alo bilito ana nohi li kusago hekili higo limito kolata nohibe.

Matiu 7:29

Yesu ai bona'magi keya ka enelepilata nehana'a huto melu'ehina yabe. Ai amuyana'ani nina bomagi kaga lilata nehana suhi huto kaga'a lu epina'mu enali boana'i keheli mehe'mi'ahana yabe.

Maki 1:22

To ka lu noepigo enali yege fite minete ma lite li'ahana: Ai keheli bati hu'ehina bomofihi supo huto ka lu nolimibe. Mono ka negana bona'magihi supo huto lu menolimibe. Ai'a amuya hiti kagamofihi hapa'a lu lelepise nohibe.

Maki 11:18

To ya higo, olopa mono bomagi to mono ka negana enali ya hu'ehina'mu'i kehelite yalo Yesuhi he fililana kapo'a sa sa hi'ahabe. To silaga bona'magi Yesuhi kaga'amu fokehi lite nehago yamofihi enali ai kumu koli hite ho mefilise fa'mene mine'ahana.

Maki 6:2

To fuli yupapogu Yesu mono nonugu tito nominoto kaga hapi fito lu epito nohigo, enali kehelite otopa hete ma li'ahana: Akae. Ya'ma ka kiyi'afu lu emigo nolibe? To keheli fe luse'namo hiyagati kehelito nohibe? To ai mana hepato bo nohinaya ya'ma topa hose foya lise'namofihi amuya'a hiya'agati li'ehibe?

Luku 19:48

Ya hana asaga boana'i Yesuhi kaga'a amuya melete keheli bati hilune'mu hago yana'mu enali ana bomagi Yesuhi halana kapo'a li hokolo mehi'ahana yabe.

Luku 2:47

Asaga kaga kehelina bona'magi Yesu kehelise'na'amu to enali loka hana kaga lu epina'amu topa hete enekesa yigi babu lite mine'ahana.

Luku 4:22

To enali gi'a liyafa hilete kaga hetofana baga'aguti lina'mu enekesa yigi babu li'ahana. Ya hilete'ani enali li'ahana: Ma bose, ya'mana pana'iba Yosefehe pana'mo nohifi fato pana'i nohibe?

Luku 4:32

To enali kaga enelepise'na'amu kehelilete topa hete ho ti'ahana. Hena'mube? To Yesuhi ka'a amuya'a hiti ni'igo yabe.

Luku 7:1

Yesu asaga kaga boana'magihi lu epi su holoto Kapaneami hepaluga bu'ehina yabe.

Yoni 7:15

Ya nohigo enali Yuta bomagi enekesa yigi babu lilete ma lite li'ahana: Ma bomofihi mone bouba melepi'ehinamo ninaya hena suhi luto buku leka nosabe?

Yoni 7:46

Ya lite enoloka hago gimi bomagi lu epi'ahana: Ya'mana bouba kaga lu'ehina'a huto koyapa'i mone bouba kaga melu'ehibe.