Matiu 7:25 - Ka Lamana'a Monoꞌi Lu Mu Tifiꞌehina Ka Yabe

²⁵ Ya hu'ehigo ko'i noito habafahi nolito huloto nagami'i bilito ya huto ana noto nohibe. To ana nohi li tele tulu menobibe. To hena'mugope efaha me'molo ana nohi gi'ehigo lapusa yafa'auba limito ema melugu sipi efato li tokolo hu'ehigo yabe.

Matiu 7:25 ပူးပေါင်းရင်းမြစ်များ

Matiu 16:18

Ya hanogo nani lu nokumube: Pita, kaiya efa tegi suhi luto nohane. Ya hu'ahatago ya'mana efato nani mono noha'ni giluna'mu yabe. Filise'namofihi amuya'auba be megilina'mu yabe.

Matiu 7:24

Ya hu'ehinagi, bo moneuba kaga'ni kehelito liyafa huloto nemege'i malalinauba ai bo moneuba hetofa ekesa keheliloto efaha me'i ninalo nohi gilata nohina suhi hilibe.

Matiu 7:26

To asaga bona'i enali ka'ni kehelilete ana ka'nimofihi liyafa hite mege'i menemalana bona'iya enali negi bomagi nagami beleto kehelugu nohi gilata nehana suhi lite nehabe.

Matiu 7:27

Ya hi'ahago ko'i noito habafahi nolito huloto nagami'i ana nohi beleha'alo bilito ana nohi li kusago hekili higo limito kolata nohibe.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Efeso 3:17

To Kilisito kumu keheli amuya melenogo ai'a komopatinigu minoto mino amuya malalibe luto loka nohobe. To Kilisitohi komopa'a lepilinanauba lufusatini limito lenele'mo amuya lolo hinogo,

Kolose 2:7

Lenali yaga legi hite minete aitoga lufusatini limite bati hite tiba tiba hite amuya yafa lolo hilo. To Hu'mamofihi kaga yata'a lu lenelepi'ohunana amuya melete keheli emiba emiba hite minalo. To Hu'mamofitoga lenegelo bite komopatinigu sabiyana bai tenogo minalo.

Yemesi 1:12

Kalana'i nemele lepelenogomo fili tegi hite meminalana'a yamagi enegelo bite minalana'mu yabe. Fi taga hi epelenogomo su nehenogo yamofihi Hu'mamofitoga komopa'ani emite minalana bona'i epilube luto lu molo'ehina nasana yamofihi babeyafa'a minoba minoba huse'na liluta'mu yabe.

1 Pita 1:5

Ya huloto Hu'mau amuya'aloti haka fi lepele'ehinogo keheli amuya melete nehinogo kana'a su halina yana yupahi lenubuto bilina'mu yabe. Yamofihi li nupa huto huto lenele'mo bati hilinamofihi geba hite minalabe.

1 Pita 1:7

To hena'mube? Fono ka lu lepilugi kehelilo. Bona'magi goli efahi meluguti yuhufasi nelina kanagu mone laga mehilina'a hiti ni'inogo enali sibi logogu melelago ana logouba ya'ma laga mehilina'a lo su halina'mu yabe. Ya hilenogo goli efahi eto huto bati huto minalina'mu yabe. Ana suhi huto lenali Kilisitohi keheli amuya molose'na tito mino'ehina ni'igo ya'ma keke'i luse'na guna molo lepolose'nauba lenele'mo bati hilube'mu nohinogo amuya melete nehinogo Yesu Kilisitou ai nehetilina kanagu lenigitini le'mo saga huto lenofokehi luto nohinogo to fana meha'auba le'mo ho tito le'mo ho tinogo lenalitoga minalina'mu yabe.

1 Yoni 2:19

Kilisitohi fatehe bona'a enali lalitogati he'mi letelete bi'ahanamagi, lali ligibo lagabo lamana'a bati huto minolata'na ya'ma lolo hite menehabe. Enali lalalutigi bati hite nehatita ya'ma mehe'mi letatita ni'ibe. To he'mi lete'ahana yamofihi hapa'a ya'ma huto huto hu'ehibe. Lali hiti nehana'a enali lalalutigi lolo hite memine'ahana, keheliya i'ohune.