Matiu 7:24 - Ka Lamana'a Monoꞌi Lu Mu Tifiꞌehina Ka Yabe

²⁴ Ya hu'ehinagi, bo moneuba kaga'ni kehelito liyafa huloto nemege'i malalinauba ai bo moneuba hetofa ekesa keheliloto efaha me'i ninalo nohi gilata nohina suhi hilibe.

Matiu 7:24 ပူးပေါင်းရင်းမြစ်များ

Matiu 12:50

Kokulumalugu Afo'nifu nohinamofihi agoya hu emise bona'iya nani nogona'ni netali'nigi to nani ito'nigi nehabe. Ya luto Yesu lu epi'ehina yabe.

Matiu 16:18

Ya hanogo nani lu nokumube: Pita, kaiya efa tegi suhi luto nohane. Ya hu'ahatago ya'mana efato nani mono noha'ni giluna'mu yabe. Filise'namofihi amuya'auba be megilina'mu yabe.

Matiu 24:45

Lili'nalo pana'i mone hiya'a bati'a nohuto ai ekesa yigi bati huto lili'na'alo kaba hu bati nohibe? Kaba bo'auba luga'a lili'nalo pana'magi kaba bo'ani le'mo nomoloto kana'a nohinogo nose'na epilata pana'i yabe.

Matiu 25:2

To nayahi mone kegi'a su hana yafana'i enali enekesagu fe melina yafana'i yabe. To nayahi luga kegi'a su hana yafana'i enali enekesagu fe lu'ehina yafana'i yabe.

Matiu 25:4

To enali enekesa hiti yafana'i enali lamu libi'ani nelite to kilulu koha'anigu kalasini heki bai tete su nohenogo heki bilana kaba'a lite bi'ahana.

Matiu 25:9

Ya lago enali enekesagati kalasini'ani hiti lite ana yafana'magi li'ahana: O'e, ma li'ohuta kalasiniuba lali hiti lenali hiti bati mehilina'mu yabe. Lenali situaluguti bite fato'i mina filo.

Matiu 7:25

Ya hu'ehigo ko'i noito habafahi nolito huloto nagami'i bilito ya huto ana noto nohibe. To ana nohi li tele tulu menobibe. To hena'mugope efaha me'molo ana nohi gi'ehigo lapusa yafa'auba limito ema melugu sipi efato li tokolo hu'ehigo yabe.

Matiu 7:26

To asaga bona'i enali ka'ni kehelilete ana ka'nimofihi liyafa hite mege'i menemalana bona'iya enali negi bomagi nagami beleto kehelugu nohi gilata nehana suhi lite nehabe.

Luku 11:28

Ya noligo Yesu ma luto lu emi'ehina: O'yo. To enali bona'i Hu'mamofihi ka'a keheli emite mege'i melete minelata nehana bona'i enali fokehenaguti enegelo bite minalabe luto Yesu ana a'i lu emi'ehina yabe.

Yoni 13:17

Ya'mu lusiga lu lepi'ohuna, yatai lenali keheli'ahana. Kehelilete mege'i melete nehago komopatinigu babahi hilina'mu yabe.

Yoni 14:15

Lenali komopatini neniminogo ya'ma kaga lu molo'ohunanamo keheli nimilabe.

Yoni 15:10

Nani Afo'nifihi bagaguti ka'a kehelito liloto komopa'a nimilata nohina yanamofihi kaba huse'na'nigu nohunamo ni'ibe. Ana suhi hite nabagaguti kaga kehelite lilete komopa'ni lepilata nohuna yamofihi kaba huse'na'nigu minalabe.

Yoni 15:14

Lenali kaga nolenelepunalo mege'i melelata nehana nalalu'nigita yabe luto lilube'mu hube.

Romu 2:13

Hena'mube? Keya ka enegekesatu anasi keheli'ahanamagi yanauba enele'mo bati hilinamo meni'ibe. Keya ka kehelite hapa'a mege'i nemalanamagihi ya'ma Hu'mau enele'mo bati hilinamo ni'ibe.

1 Yoni 2:3

To ya higo lali ai'a bona'a nominototi Hu'mamofihi keheli'ohune luto hiya huto kehelilune? Ai kaga'a lu laga huto lu'ehina'alo mege'i mololata nohuta ya'ma keheliya iluta'mu yabe.