Matiu 7:22 - Ka Lamana'a Monoꞌi Lu Mu Tifiꞌehina Ka Yabe

²² Ana kana'a huto hilina yupahi babu boana'magi ma lite lilana'mu yabe: Kibina bo'nio, Kibina bo'nio, kai kigilo Hu'mamofihi mono ka'a lu epi'ohuta yabe, to kai kigilo babeyafana sipi lili'na li huto huloto to foipa fele enoho lifi'ohuta yabe lite lilana'mu yabe.

Matiu 7:22 ပူးပေါင်းရင်းမြစ်များ

Matiu 10:15

Nani ma'naka luto lu nolepube. Hu'mau ana boana'i kaga'ani loko hu epalalina yupapogu Hu'mau Sotomu hepa'i hiti to Gomola hepa'i hiti nesi'a enahalibe. To lenele'mo bati mehilana hepa'iya Hu'mau sipi enoho su halina'mu yabe, luto Yesu lu epi'ehina yabe.

Matiu 24:36

Anana huto hilina yupahifi to kana'afi bo moneuba mekeheli'ehibe, kokulumalugu agelouba ana huto mekeheli'ehibe, to nani Hu'mamofihi pana'a nani'ni hiti ana huto mekeheli'ohube. Hu'mau aisigo anasi ana kana'a keheli'ehibe.

Matiu 25:11

To alihi enekesagu fe melina yafana'i ete kasitoti ma lite kehe i'ahana: Sipi boti yale. Sipi boti yale. Kai kafe sigi letobo.

Matiu 7:21

Asaga bona'i nani kumu'i: Kibina bo'nio, Kibina bo'nio, lilata nehana enali kokulumamofihi kapo'alo mebilana'mu yabe. To bona'i luga'amagi nani Afo'nifu kokulumalugu nohinamofihi bita hina suhi hilata nehana bona'isi enele'malina'mu yabe.

Luku 10:12

To nani lu nolepuna, ya'ma Hu'mau asaga bona'magihi kaga loko hilina yupahi Sotomu hepa'i ginaga fi noepito to hepa'mofihi bona'i lenele'mo bati mehilanamagi kumu ginaga fi meepilina'mu yabe.

Yoni 11:51

Ya'ma kaga lu epi'ehina'mu ai'a keheli'ehina'a meni'ibe. Ana kufugu sipi mono noto kaba bo nohigo lu huto huto bo legi huto ya'ma Yesu ai asaga Yuta bona'magi kumu fililina to enali kumu hiti fililoto to Hu'mamofihi panana'a futili hi'ahana'amo enele'mo nupa hilibe. Ya'ma kaga'amofihi hapa'a mekehelise fa'mene bagaguti lu epi'ehina yabe.

1 Tesalonika 5:4

Lalalutigita, lenali Kilisitohi naga'a nehanagi ya'ma metepunagu menehabe. Ya higo ya'mu Sipi Bomofihi kana'a mele'isi guminalo bona'magi nehe netilana suhi huto lenalitoga nehetinogo henabe lite katiya'i hite lenelesa lilibe?

2 Tesalonika 1:10

To ana yupapoya Yesuhi bona'amagi asaga'i yege'a fite enegelo bite fokeha'a lilana'mu yabe. To aitoga keheli emi'ahana bona'i asaga'i gi'a liyafa hite minalana'mu yabe. Lenali ya'ma kaga'a lu lepugo kehelite aitoga agoya hu emi'ahana ni'inagihe. Ya'mu lenali Hu'mamofihi bona'i hiti minalana'mu ni'ibe.

2 Timoti 1:12

To nani keke'i luse'na kehelilatana yamofihi nugupisalo tilata nohina yana'mu nubuya'ni menohibe. Nani nokehelugo amuya molo'ohuna bo ya'ma keheli'ohube. To negekesa loegu mekehelise ya'ma luto keheli fe nolube. Hu'mau amuya afo'afu nohinaya komopa'ni emi'ohuna. Ya'mu kaba hu netoto nobibe. To nani emi'ohunana ya'ma kaba huto buto kana'a molo'ehina huto hilina'mu yabe.

2 Timoti 1:18

To Efeso hepatoga minona kanagu hiti mehi nimito foya lito mino'ehina yamofihi fa'menena meni'ibe. Yamofihi lama'naka keheli'ahane. Ya hu neto'ehina'mu Sipi Bouba kehelinogo ya'ma napa yupahi Sipi Bouba huto hilina kana'agu keke'i luse'na emilibe luto nolube.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.