Matiu 6:9 - Ka Lamana'a Monoꞌi Lu Mu Tifiꞌehina Ka Yabe

⁹ Lenali ma lite numuna hu emilo: Afotiga, kokulumalugu minane, kigika hetofa huto fato minalibe.

Matiu 6:9 ပူးပေါင်းရင်းမြစ်များ

Matiu 10:29

Enali nama lagaso'asi loemo moneko toealoti mina filata nehabe. Ya hu'ehina Afotinifihi laga'a mebesilina to nama lagaso'a mone'mofihi suhi luto melugu'i limo meilina'mu yabe.

Matiu 23:9

To ma melugu bo mone'mofihi afotifu yabe lite gi mehalo. Afotinifu moneko'isi ai'asigo kokulumalugu nohibe.

Matiu 26:29

Nani ma'naka luto lu nolepube. Nani mana bai nagami'i menose minomo buto buto'ni Afo'nifihi kokuluma kapo'alo lenali hiti yuhufa bai nagami'i naluta'mu yabe.

Matiu 26:42

Ya luloto Yesu i behe huto buto loe yupahi ma luto hu'ehina: Afo'niga. Ma kohi nanitogati i nebe silito mebinogomo nani nalube, ya hinogo'ni kaika kipagu ni'ilina suhi pa salibe.

Matiu 5:16

Ya huto ninagi lenali libitini ligite boana'i enali enubulo binogo lenali hetofa hapatini bu gelete to enali ana hite Sipi Bo Hu'matinifu kokuluma hepatoga nohinamofihi enegelo bite gi'a liyafa hilabe.

Matiu 5:48

Ya hu'ehinagi lenali asaga yupahi hetofanaguti minete hetofa foya lite bebe sete kokulumalugu Afotinifu hina'a hite minalo, luto Yesu lu epi'ehina yabe.

Matiu 6:14

Kehelilo. Lenali bona'magitoga foipana li huto hu epele'ahana lenali li he'mi epelenogo, ana huto kokulumalugu Afotinifu lenali foipanatini li he'mi lepalalina'mu yabe.

Matiu 6:6

To kai nunumu hilube'mu nohutomo legeso huto kose nohakagu tiloto kafeka li hekini loloto Afokafitoga numuna hu emitogo ai fala kito nohinati keheli ketalibe. To ai Afokafu asaga suguna'i ninana bu golata bouba bu kogoloto analo nona'a kimilibe.

Matiu 7:11

Ya hu'ehinagi lenali bati menehana bona'magita yagapanatinimagihi hetofana epilata nehinogomo yalo lali kehelilune, Hu'ma Afotinifu kokulumalugu nohinauba lenali nunumu hu emite ya hite hilana bona'i hetofana lepilina'mu yabe.

Luku 15:18

Ma hilube. Ho tito'ni buto afo'nifuloga buto ma lu emilube: Ke. Afo'nigabe. Nani Hu'mamofi kumu to kai kumu foipana hu'ohuna yabe.

Luku 15:21

To pana'auba ma luto lu'ehibe: Ke. Afo'niga, nani Hu'ma kumu to kai kumu foipana hu'ohunagi kai yatai pana'ni yabe, luto nigi mehalata'mu yabe.

Luku 2:14

Ifo muyagu Hu'mamofihi gi'a le'mo saga hite mineno. To melugu bona'magi kumu Hu'mau ipa'agu ai laga besinana enalitoga fuluna hu noepalabe.

Yoni 20:17

Ya ligo Yesu lu emi'ehina: Kai nunu mekibo. Nani yata'a aku afo'nifitoga metise nohugo nogona'ni nehanalo buto ka lu epi netobo: Nani kokulumalugu Hu'mamofitoga tito afo'nifu afotinifu aitoga tilube'mu nohube.

Romu 1:7

Ya'mu luto nani fayahi lenalitoga asaga Lomu bona'i Hu'mau komopa'a lepito to nani yagapana'i nehabe lu'ehinalo nogobe. Ai Hu'mau afotifu to Sipi Boti Yesu Kilisitohi fuluna'a hiti lenehe'mose'na'a hiti lenalitoga mineno.

Romu 8:15

To ya'ma Hu'mau lepi'ehina Sikalafu'uba koko pana'a lenele'mo lolo huto lenelesa melu'ehibe. Lenali Hu'mamofihi lusi pana'amagita li tifito logogose'namagi neminete ai kumu: Apaobe, Apaobe, lite kehe neibe.

Galesia 1:1

Poluita nani aposolo bo nohugo ya'ma bo moneuba noho melifi'ehina yabe. To bona'magi lili'naga meli nete'ahana yabe. Yesu Kilisito to aimo fili'ehinaguti le'mo ho ti'ehina bouba, afotifu Hu'ma ya'ma ai'a kaga'alo aposolo lolo hu'ohuna yabe.

Galesia 4:6

To lenali Hu'mamofihi pana'i lolo hite nehana yabe luto Hu'mau pana'amofihi Sikalafu'uba komopatigu ho lifigo limi'ehina. Limito nohigo lali Hu'mamofi kumu: Oho, Apaobe lulata huto nominone.

1 Timoti 6:16

Ai'asigo filise'na'a meni'ibe. Ai'a fana mehena'alo minoto lito nohina ya'ma lali fa'mene buto bu nehetise'a meni'ibe. Bo moneko'uba ai gufa'a bu mego'ehinamo ni'inagi to bo moneko'uba be megalube'mu hibe. Keke boke ka lu emilata nohuta amuya to usisi kito minolata nohuta amuya aitoga mineno. Ma'naka.

1 Pita 1:17

Lenali Hu'mamofi kumu afotifu yabe lite lu emite, nunumu hite lilata nehabe. Ai loe bomale'ititihi bu goloto moneko babeyafa ni'inogo mone bo le'malina to mone bo he'mi etalina meni'ibe. Hapa'a ya huto meni'ibe. Ai asaga bona'magihi komopa'ani bu goto hapa'ani lamana huto eto huto loko hulata nohina bo nohibe. To ya nohigo lenali panana'amagita ma metoga nehana kanagu ai kumu koli hite minete keheli emite mine lite bilo.

Huto Hilina Ka 4:11

Sipi Boti Hu'ma laliti nohane. Kaisigo ana'ina silaga'i li huto huto molo'ahata to kai kagakalo ana'ina li huto hu su holoto nohane. Ya'mu kai hetofanaka ni'igi lali yagapanakamagita fana mehaka le'mo saga hino luto Kigikalo to amuyakalo le'mo ho tite le'mo bati hinogo minalina'a huto nohane.

Huto Hilina Ka 5:12

ka sipi lite nama ma lite li'ahana: Sipisipi nala'a kohe tete ho fili'ahana ai bati nohinamo ni'igi aitoga kaba huse'na hiti to babu mina'a hiti to keheli fe lulata to amuya lilina legege huto li emilo. To bona'i yege yege'magi fokehi lite ai'a gi'a le'mo ho tite liyafa lilete fana meha'a huto hilibe lite lilete aitoga enegelo bi emilo. Ana nama lite li'ahana.