Matiu 6:4 - Ka Lamana'a Monoꞌi Lu Mu Tifiꞌehina Ka Yabe

⁴ To kai ya huto fenene huto suguna'i lolo huletogomo Afokafu kokulumalugu nohinauba asaga suguna'na bu go baga ilata bouba bu kogoloto alihi mina kimilina'mu yabe.

Matiu 6:4 ပူးပေါင်းရင်းမြစ်များ

Matiu 10:42

To bo moneuba fatoga boana'i neago bu enogoloto'a: Akae, ma boana'i Yesuhi naga'amo nehanago enehe'malube luto ekesa kehelito yatipa nagami'i konugu hefito epi fulu hilina boya ma'naka luto lu lepube. Ai ana bouba mina'a liba liba hilina'mu yabe, luto Yesu lu epi'ehina yabe.

Matiu 6:18

Ya hitogo boana'magi enali ya huto nose'na mo si'ehina bo menohibe lite lilana'mu yabe. Ya huletogo Afokafu fala kito fenene nohuto asaga'na bu golata nohinauba alihi hetofa mina'a kimilina'mu yabe.

Matiu 6:3

To fe'noha'ani menilina bona'i enehe'malube'mu nohutomo legeso huto fala kito suguna'i lolo hubo, to kayahi lamaga'agati ya hilube'mu nohutomo kayahi soga'a lu meemibo.

Matiu 6:6

To kai nunumu hilube'mu nohutomo legeso huto kose nohakagu tiloto kafeka li hekini loloto Afokafitoga numuna hu emitogo ai fala kito nohinati keheli ketalibe. To ai Afokafu asaga suguna'i ninana bu golata bouba bu kogoloto analo nona'a kimilibe.

Luku 14:14

Enali ya'mana bona'magi nose'naka nona'a gete mekimilinaya kai alihi kegelo bilana'mu yabe. Hena'mu kegelo bilabe? Alihi Hu'mau bulo bona'i bati hite mine fili'ahana to ti su nehenogo Hu'mau ana nose'nakalo mina'a kimiloto pa salina'mu yabe, luto Yesu lu epi'ehina yabe.

Luku 8:17

Asaga'na fala kito ninana alihi ai hepa'i kugumato huto hilina'mu yabe. Asaga'na bona'magi ifi togo ninana alihi ai hepa'i kugumato huto hulago logo fana meha'alo huto hulata nohibe.

1 Koliti 4:5

Ya hu'ehina'mu lenali bona'magihi hapa'ani'mu lilata nehana amuya memalalo. Sipi Bouba ai'a i behe huto oto suguna'i fenene huto ni'ina nasana yamofihi le'mo hutotoga malalube'mu hibe. To bona'magita legekesa kehelilata nohutaga hiti ya'ma li huto hu su halube'mu hibe. Ya huloto Hu'mau ai'a bona'magihi hapa'ani moneko moneko'isi bu galina guna moloto enele'mo hetofa hu epololota liyafa hilube'mu hibe.

Hibulu 4:13

To ana'ina li huto hu'ehina ya'ma moneubafi moneubafi Hu'mamofihi bulo ya'ma suguna'i nasana mone meni'ibe. Ai bulo melugu kokulumagu ana'ina silaga'i sa gi'ahanagu meni'ina to li hokolo huse'i ni'ibe. To mone yupahi lali asaga'i li lolo hulata nohutamofihi hapa'a yanamofihi Hu'mamofitoga tito ai bulo lu eminogoti ka foya li letalina'mu yabe.

Yute 1:24

To Hu'mau lenele'mo hetofa hu'ehigo lele'mo laba hi lalabe lite sekele mamu'a hiti fana mehena'alo foipanatini meminenogo ya nehinogo gobisa'alo lenegelo bise'na hiti amuya'a hiti lenele'mo malalibe.

Huto Hilina Ka 2:23

To ana a'mofihi yagapana'a enoho fili su halibe. Ya suhi hulenogo'ni noto noto bo mono ka keheli'ahanamagi nani bati'namofihi komopa'ani enegekesamofihi hapa'a bu go fe lu'ahata bo nohane lite keheliya ilabe. Nani bona'i asaga'i hite melete hilanamofihi afo'anifita pa soto nona'a eto eto huto epilube'mu nohube luto nolube.