Matiu 6:34 - Ka Lamana'a Monoꞌi Lu Mu Tifiꞌehina Ka Yabe

³⁴ Ya hu'ehinagi yagomo'mu hena'ni hilube luto kekesa yigi babu melubo. Hu'mau yagomo kaba hu ketalibe. Kai moneko moneko kanamu'i kekesa kehelito minobo.

Matiu 6:34 ပူးပေါင်းရင်းမြစ်များ

Matiu 6:11

Kai yatai nose'nati limibo.

Matiu 6:25

Ya'mu luto nani lu nolepube. Lenali nagami'i to nose'na nete minalana'mufi to gukete lenugufalo li hekelete minalanamu'i lenelesa nolinogo lenekesa yigiba yigiba mehilo. Bati huto minose'nauba nose'na ho'ehifi to bati huto minose'nauba guketemofihi ho'ehibe?

Matiu 6:27

Hiya bomaka minomo bilata kana'agu kelesanaguti minalata ni'ibe?

Luku 10:41

Ya noligo Yesu ka lu emito lu'ehina: Matao, Matao. Kaiya kekesa yigiba yigiba silaga'namu'i nohuto kipakagu keta hulata nohane.

Luku 11:3

Nose'nati kai kana'amu kana'amu limilata hubo.

Luku 12:11

To enali ka foya lilune'mu nehite mono nonugu lenele'mete bite gamani bona'i to kibina bona'i nehilana enubulo lenele'mete nebinogomo lenali koli hilete lenegekesa yigi yigi hite ma lite mekehelilo: Lali hena huto kaga'anilo lilune? Lali hena kaga lu epilune?

Luku 12:22

To Yesu pana'alobo'a lu epiloto ma luto lu'ehina: Nani lu nolepube. Lenali minosenatini'mu lenekesa yigi babu melite to lenali ma melilo: Lali henana nalune? To lenali lenugufatini'mu lenekesa yigi babu lilete ma lite melilo: Lali henanatu'i lugufatilo ifi talune?

Yoni 14:27

To nani he'mi lepoloto fuluna mone lepinogo'ni ya'ma fuluna'niuba lenalitoga minolata nohibe. Noto noto bona'magi fuluna'a epise'na ya'ma nani melepilube'mu, fato'na lepilube'mu nohube. Lenegekesa yigi yigi mehise to komopatinigu lenelesa linogo koli mehilo.

Yoni 16:33

Nani fuluna'niuba lenalitoga minalibe luto kaga ya'ma lu nolepube. Lenali ya'ma metoga kalana'i nemele lepelenogo lenipagu sibina mehino. Nani'ni yamofihi ma metoga nasanamofihi abe ligi su holoto nohube.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Filipai 4:6

Ana'ina mone'namofihi mone'namofihi kehelinogo lenuluhaya metino. Ana'ina'mu sa sa nehitemo Hu'mamofitoga kaga lite ana'ina'mu kehe ite fokehi linogo li huto hu lepinogo lite minalo.

1 Pita 5:7

To Hu'mau ai'a bati huto kaba hu letoto lenele'mo gu i'ehinogo ya'mu lenali ana'ina'mu lenelesa linogo lenegekesa yigi yigi mehise ai lu eminogo kaba hu bati hu lepalalibe.