Matiu 6:23 - Ka Lamana'a Monoꞌi Lu Mu Tifiꞌehina Ka Yabe

²³ To kubuka sibina hu'ehigomo asaga kugufakalo metepu i baga noibe. To kailugu fana mehena ninauba aku'i metepu hapi fito gilotomo analo sipi metepu i baga noibe.

Matiu 6:23 ပူးပေါင်းရင်းမြစ်များ

Matiu 20:15

To hena hu'ehibe? Ya'mana nani'ni efaha'niloti ana'ina mone li huto hilube lilunaba bati mehilina ni'ifi? Nani hetofa suhi nohu ketonamo ya'mana hapa'nimu luto nani'i kipakafa nonahafihe? Ya luto foyamofihi afo'afu lu'ehina fono ka yabe.

Matiu 6:22

Lubumoya lugufamofihi libi'a legi huto ni'ibe. Kubukauba bati huto ni'itomo asaga kugufakaloga i besa lo baga ilata nohibe.

Luku 11:34

Kugufamofihi libi'i logo'aya suhi huto kubuka ni'ibe. To kubuka bati huto ni'igomo asaga kugufaka bati huto fana toto minolata nohibe. To kubuka bati mehu'ehigomo asaga kugufaka metepu ito minolata nohibe.

Luku 8:10

Ya hite loka nehago Yesu ma luto lu epi'ehina: Hu'mau ai'a suguna ka hapa'a alu lepi'ehibe. Ya hu'ehina luga'a boana'i enali bame kagutiko lu noepune ya hulenogo enali gili gili hilete be megalabe to enekesatu'i keheli lanaya ka mana melilana'mu yabe.

Romu 1:22

Enali keheli baga i'ohune lilata nehanaya faga faga lite negi nagi nete mine'ahana yabe.

1 Koliti 2:14

Bona'i luga'a Hu'mamofihi Sikalafu'a hiti menehilana bona'i enali ya'ma Hu'mamofihi Sikalafu'mofihi kaga'a mone mekehelilana'mu yabe. Enali hena hite kehelilabe? Meni'ibe. Sikalafu'i hiti nehilana bona'magi kehelilana'a huto ni'inaya, Sikalafu'i hiti menehilana bona'magi kehelinogo fa'mene kaga legi lolo hilube'mu hibe.

Efeso 4:18

Enali ya'ma komopa'ani enegekesa hokolo mehigo negi nagi nete komopa'ani hekini lolago fa'mene mine'ahana. Enali Hu'mau lele'mo bati huse'na'amofihi melise nehite enegekesa sibina higo mine'ahabe.

Efeso 5:8

Lenali koyapa'i enali suhi hite metepugu mine'ahanamo ni'ibe. Yatai ya'ma Sipi Bomofitoga nehepite fana mehatini hiti lolo hite nehabe. Ya'mu fana mehenamofihi legeya'a lolo hite yanamofihi babeyafalo minalabe.

1 Yoni 2:11

To enali enalalu'anigihi enita bite enemegesa hu epilana'a enali ya'ma metepunagu neminana yabe. To metepunamofihi kapolo melete nebago metepunauba komopa'animofihi bu'a li fili kenogo kapo ya'ma bu ge fe lite bu megalana'mu yabe.