Matiu 6:2 - Ka Lamana'a Monoꞌi Lu Mu Tifiꞌehina Ka Yabe

² To fe'noha'a meni'ise bomofihi ana'ina he'moto emilube'mu nohutomo, kai fagalo bona'magi mono nonugu hila to kapo napagu hila nehana'a huto bona enubugu fi yotili katili ito bula ola mehubo. Ya hilata nehana bona'iya enali boana'magi bu lagalabe lite hilata nehabe. Nani lusiga luto lu nolepube. Enali alihi melilana mina'ani yatai alite neminabe.

Matiu 6:2 ပူးပေါင်းရင်းမြစ်များ

Matiu 15:7

Lenali fagalo bona'i. Koyapa'i lu huto huto bo mone Aisaiyau lenali kumu luto fayahi ma luto go'ehibe:

Matiu 16:3

To etehi sopohi giloto kokuluma'i safa logo nohigomo yasi hiti ko'i yatai ilibe lite lilata nehabe. O'yo, lenali bati hite kokulumamofihi meha'a be gelete loko hilata nehabe. Ya nehana lenali yatai kanamofihi meha'a be gelete loko mehilana nehabe.

Matiu 22:18

Yesu mi'i malalune'mu nehana kaga'ani akeheliloto ma luto lu epi'ehina: Lenali fagalo bona'i. Lenali henabe lite nimi'i nemalabe?

Matiu 23:5

Asaga'na li huto hilata nehanaya enali bona'magi bu galabe lite li huto hilata nehabe. Enali mono ka fayahi ge'ahanana enogo gobisalo li hekelela to numuna fayahi ge'ahanana enayanugu sahi bila to yatama gukete'aniga naga ilago limila hite li hekelelata nehabe.

Matiu 23:6

Mono nonugu enali Felosi bona'magi kefa hisa bati hinalo bona folaganugu mino saga hite nehago asaga bona'magi lenebe tigite lenigitini bona enubulo li saga hilata nehabe. To asaga bona'i li gehesa hite nose'na nete minelata nehanagu ana hilata nehabe.

Matiu 24:51

Ya huto nohinogo sipi bo'auba naga osatu ana pana'i bi yigiloto le'moto buto fagalo bona enayanuga bilina'mu yabe. Ya hinogo enali ya'managa nehite sipi yibi bena nehite enagabu kumu usegi asegi ise hepato buto minalina'mu yabe.

Matiu 5:18

Ule'ale huto lusiga ma'naka luto nani lu nolepube, asaga'na ma me'i hiti kokuluma hiti su hoto bilinaya Hu'mamofihi keya ka'a kitili kitili'na su hoto mebilina analo minoba minoba hilina'mu yabe.

Matiu 6:16

Lenali mono ka'mu lite nose'na mo site neminetemo fagalo bomagi hilata nehana suhi hite lenokaba li sibina mehilo. Enali enokaba li sibina hilata nehanaya asaga boana'magi bu enegelete nose'na mo si'ahabe lite lu epalalabe lite nehabe. Nani ma'naka luto lu nolepube. Enali ya hilata nehana bona'magi mina'ani ali'ahabe.

Matiu 6:3

To fe'noha'ani menilina bona'i enehe'malube'mu nohutomo legeso huto fala kito suguna'i lolo hubo, to kayahi lamaga'agati ya hilube'mu nohutomo kayahi soga'a lu meemibo.

Matiu 6:5

Kai nunumu hilube'mu nohutomo fagalo bomagi hilata nehana suhi kai mehubo. Enali mono nonugu ho tite nehite nunumu lilata nehabe, to hepalugu sipi kapo i loe lae hu'ehinalo bite bona enubugu nehite nunumu hilata nehabe. Nani lusiga luto lu nolepube. Enali mina'ani ali'ahabe.

Matiu 7:5

Kai faga fagalo bo. Yata'a kai kubukagu kefa fulupa fela'a koyofo hu'ehina li he'miloto yalo bu go fana to'ohuto kogonakamofihi buguti pehena li he'mi etobo.

Maki 12:39

To enali mono nonugu tite'ani olopa bomagihi hetofa nebelusalo tite neminabe. To sipi nose'na nalana yupahi ho tite yafege gelete mine'ahana.

Maki 7:6

Ya lago, ai ma lu epi'ehina: Lenali soya kalo bona'i nehabe. Aisaiyau koyapa Hu'mamofihi ka'a lenali kumu ma'naka luto koyo'ehina yabe. Ai ma luto koyo'ehina: Ya'ma bona'magi enabagaguti nofokehi nelinaya, aku'i komopa'aniguti agoya hi menenimibe.

Luku 11:41

Ya hu'ehinagi kai kohakagu to lapekagu ni'ilinana musufalo bona'i epiletogo asaga nasanaka gulu gulu lu su halibe luto Yesu Felosi bona'i lu epi'ehina.

Luku 11:43

Ehe, lenali Felosi bona'ise. Lenali mono nonugu sia'a bati hinalo bona folaganugu minelago asaga bona'magi lenebe tigite lenigitini li saga bona folaganugu hilata habe.

Luku 12:33

Lenali asaga fe'nohatini bona'i luga'amagihi epinogo efahi ananalo lepilenogo aku'i ana efahi musufalo bona'i epilo. To lenali kosaba gu'i efahi li malalatamo analo'i sibina mehilina'mu yabe. To lenali ifo muya yogo fe'nohatini kokulumalo meminigilina'mu yabe. To kokulumalugu guminalo bona'i menehabe to efahatini sifolohi megilina'mu yabe.

Luku 12:56

Lenali faga fagalo bona'i. Lenali me'i hiti kokuluma'i hiti bu go bati hilete hena huse'na ni'ifi lite bu galo. Ya hu'ehina lenali hena hibe lite yatai kanamofihi hapa'a ya'ma nani kumu'i bu go bati menehabe? Yesu ya luto lu'ehina.

Luku 13:15

Ya ligo Yesu ka'alo ma luto lu emi'ehina: Lenali fagalo bona'i yabe. Fuli kana'alo lenali asaga'i toki yagatini naga i'ahanati gulu fete enele'mete bite nagami'i epilata nehana yabe.

Luku 20:46

Lenali keya ka babafi bona'i kaba hu bati hite minalo. Enali yatama yatama gukete li hekelelete enali yole'ale ite humofa'na nehago asaga bona'magi soso hu epelete enebe tigite hila asaga bona'i li nupa hite minelata nehana enubulo hilata nehabe. To enali mono nonugu asaga boana'magi enubulo minelete to sipi nose'na nelata nehanalo hepa'i bati'a lite minelata nehago asaga li nupa hite minana bona'magi, akae enali hetofa bona'i yabe lite lu epelelata nehabe.

Luku 6:24

Ehe. Lenali fe'nohatini babu lina bona'ise. Lenali bati huto minose'natini ali su he'ahabe.

Luku 6:42

To kai hena huto kogonokamofihi ma luto lu emilatabe? Ke, nogona'nimakabe, kubugu pehena nina bati huto li he'mi ketalufihe? To kaika kubugu kefa fulupa ko'ehilina bu megose ya lilata'mu yabe. To kai fagalo bo yata'a kai kubukagu ni'ilina kefa fulupa li he'miloto alihi kogonakamofihi buguti pehena ni'ilina bu go fana to'ohuto li he'mi etobo, luto Yesu bame ka lu epi'ehina yabe.

Yoni 13:29

Yutasiu efaha gu'i kaba hu'ehinagi pana'alobomagi enegekesa kehelite ya'ma nose'na li nupa hite nalana'mu Yesu nose'na mone hiti buto mina fi letobo lutomofi to mone nose'na lito buto enumuhi menina bona'i li epibo, ya'ma ka lu noemunafi enali ya'ma enegekesa keheli'ahana yabe.

Yoni 5:41

Bona'magi nani nigi'ni li saga hilanamofi kumu nani sa sa menohube.

Yoni 5:44

Mone lenalalutinigitogati sipi lenigi lilata nehana lenigi Hu'mamofihi aitogatiko olata nohina lenali melilata nehabe. Ya hi'ahana hiya'a keheli ule'ale hite komopatini emilabe?

Yoni 7:18

Bo moneuba komopa'aguti tina kaga lulata nohina ai'a gi'a li saga hilube'mu nohibe. To ai ho lifi'ehina bomofihi gi'a li saga hu etalube'mu nohina boya faga fagana'a menina fotogo huto nohibe.

Aposolo 10:2

Ai mono ka mege'i nomalana bo yabe. Ai hiti lalameha'a hiti asaga'i Hu'mamofitoga enemehi emite mine'ahana. Yuta bona'i luga'a enumuhi meni'ina bona'i Koniliasiu enehe'molata nohuto Hu'mamofitoga amuya moloto nunumu hulata hu'ehina.

Aposolo 10:31

Ya huloto ma luto lu'ehina: Koniliasio. Asaga bona'i enumuhi meni'inamagi enehe'moto enele'mo bati hulata nohatamolo Hu'mau nunumu ka akeheli'ehibe.

Aposolo 10:4

Ya ligo Koniliasiu bu goloto koli huto loka ho'ehina: Sipi Bo, hena hibe? Ya ligo agelouba Koniliasihi lu emi'ehina: Asaga hetofa foya suhi nohatana'mu luto Hu'ma ekesu mehago nunumuka keheligo bati hu'ehibe.

Aposolo 11:29

Ya hago aposolo bomagi Yesutoga komopa'ani emite minana enalalu'anigi Yutia kegi'a nehanamagihi enehe'malune lite kaga lu keheli'ahana. Ya hilete Yesutoga komopa'ani emite minanamagi efahi ga'i legete li nupa hilete guna ite luga'a enali'ani nemelete luga kegi'a enalitoga mele'ahana.

Aposolo 24:17

To nani Yelusale hepatoti he'mito buto fato hepatoga kufu kana nominonati aku anaga moni efahi lito buto nani bona'ni epila to kuguhi gola hilube'mu bu'ohuna.

Aposolo 9:36

Yopa hepato Hu'mamofitoga komopa'a moloto nominana a'i mone mino'ehina. Ai gi'a Tabita ana gi'amofihi hapa'a Giliki kaguti Tokasi. Ai asaga yupahi enumuhi meni'ina bona'i enehe'moto enele'mo bati hulata nohina a'i yabe.

Romu 12:8

To bo moneuba boana'i komopa'anigu keta hi'ahanamagihi enele'mo amuya malalina yamofihi lili'na lilibe. To bo moneuba ana'ina'a babu luto ni'igo guna ito epilube luto ligo, ana bo komopa'agu beyaga neinogo fato bona'i fa'mene epilata huto minalibe. To moneuba Hu'mamofihi bona'a kaba hulata nohina ai ana lili'nalo amuya moloto kosele'i mehenogo lili'na lilibe. To mone bouba bona'magihi ginaga fito enehe'malube luto ai ana lili'nalo bati huto liloto fokehi lito minalibe.

1 Koliti 13:3

To ana'ina asaga enumuhi meni'ina bona'i enehe'malube luto fe'noha'ni he'mi su holoto to enali kumu luto nugufa logogu he'miloto'ni niginaga mefise fa'mene minotita fa'menenamo ni'inago ya nasanauba nele'mo bati mehitita'mu yabe.

Galesia 2:10

Enumuhi meni'ina bona'i enali limite nehana'a i pebisa meho epolose enehe'malane lite nelite ya'ma kaga'asigo lu nimi'ahana. To ana foya emasana amuya moloto li'ohube luto kehelito nohunalo nohube.

Efeso 4:28

To gumina lilata hi'ahana bona'i lenali he'milete lenigigusa lenayatu amuya melete foya lite nose'natini f'enohatini li huto hite enumuhi menina bona'i enehe'mete leniginaga fi epite amuyatini hiti minalo.

1 Tesalonika 2:6

Lenalifi to noto noto bona'ifi lali kumu kehelinogo tinogo lenikibina bo lolo hilabe luto melune.

1 Timoti 6:18

Kai ma luto lu moloto lu epibo. Ana'ina lamana'amuko kehelite lite minalabe. Foya li lamana'a melete lolo hilana yanauba legeya'a lamana'a lolo hilibe. Fato bona'i enehe'mete lisipa mebise minete to ana'ina'ani guna melete li miyalo malo hite lite minalabe luto lu epibo.

Filemoni 1:7

Nalalu'niga, kai Hu'mamofihi bona'a asaga'i enele'mo bati hulata nohatamo ya'mu komopaka epi'ahatanamofihi komopa'nigu bati huto keheliloto negelo gofa bilata nohube.

Hibulu 13:16

Hetofa foya lilatana agoyana hiti to fe'nohi guna ite epilune lite lenegekesa kehelite minalo. Hu'mau ai'a yanamofihi kehelito bu go laga nohigo mamufa gi emilata nasana suhi huto legeya'a lolo hulata nohibe.

1 Pita 4:11

Luga'a enali mono ka lu huto hilanamagi Hu'mamofihi keheli lamana hilete lu epilabe. To luga'a enali bona'i enele'mo bati hilanamagihi ya'ma Hu'mau amuya epilenogo yanatu'i lolo hi epalalabe. Lenali ya suhi ma suhi lolo nehinogo Hu'mamofihi fayahuba bati huto minalibe lite kehelite ya hilabe. Yesu Kilisito ai kumu yabe luto fayaha'auba hu lamana hilibe. Yamofihi sekele mamu'a hiti fana mehena amuya'a hiti aitoga minalina'mu ya'ma minomo tito buto mino bai toto minalibe. Ma'naka.