Matiu 6:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Lenali ma melugu hetofa hatofa fe'nohatini li nupa mehilo. Ma melugu molepa kafamagi hiti to kagopa logose'nauba anana anana li sibina hulata nohigo to guminalo bomagi kafe sigite gumina felelata nehabe.

Matiu 6:19 ပူးပေါင်းရင်းမြစ်များ

Matiu 19:21

Ya ligo Yesu ana neheya kola bomofihi ma luto lu emi'ehina: Kai bati huto minalube lutomo asaga fe'nohaka buto bona'i noepito efahi lilotoka guna ito musufalo bona'i epibo. Ya hitogo hetofanaka kokulumalo minalibe. To kai ya huloto nani'i oto nemege'i molobo.

Matiu 6:20

Ya hu'ehina lenali kokulumalugu'natini li nupa hilo. Asaga'na kokulumalugu nina ai kagopa melogolata nohibe, to molepa kafauba menolata nohibe, to guminalo bouba kafe sigito tito gumina melilata nohibe.

Luku 12:21

To Yesu ma luto lu epi'ehina: Nani ya'ma lu nolepube. Ana huto asaga bona'mo Hu'mamofitoga hosapa ite nehana to enali'ani kumu salahi fiba fiba nehana bona'magi enali asaga'i ana bomofihi supo hite neminabe. To Hu'mau enali hapa'ani sibina ni'igo bu goto ana huto ka epekilina'mu yabe.

Luku 12:33

Lenali asaga fe'nohatini bona'i luga'amagihi epinogo efahi ananalo lepilenogo aku'i ana efahi musufalo bona'i epilo. To lenali kosaba gu'i efahi li malalatamo analo'i sibina mehilina'mu yabe. To lenali ifo muya yogo fe'nohatini kokulumalo meminigilina'mu yabe. To kokulumalugu guminalo bona'i menehabe to efahatini sifolohi megilina'mu yabe.

Luku 12:39

To ka mone hiti lipoti nolepugo ya'ma kehelilo. To nohi afo'afu guminalo bouba oto noha'aguti gumina lilina kana'a keheli'ohutomo ai he'mi'ehigo noha'aguti tito gumina lilata menohibe. To hena'mugope ai kaba gimi gito minolata nohigo yabe.

Luku 18:22

Yesu kaga'a keheliloto ma luto ana bo lu emi'ehina: Kai mone'nasi hilata ni'ibe. Kai asaga yogo fe'nohaka bona'i epi su nohoto to efahaka fe'noha'ani menilina bona'i noepito huletogo kokulumaluguti bati'naka lilata'mu yabe. Ya huloto nani'i nemege'i molobo, Yesu lu emi'ehina.

Luku 18:24

Yesu ana bo bu gana yogo fe'noha'amu luto ginaga nofigo ma luto lu epi'ehina: Bona'i enali yogo fe'noha'ani babu lito nina bona'i Hu'mamofihi Kapo'alo bilune'mu hilana keta epesinogo metilana'mu yabe.

1 Timoti 6:17

Kai bona'i mone'amagi ma metoga nasana yogo fe'nohi babu luto silaga'i li nupa nupa nehana ya luto lu moloto lu epibo. Enugufa'ani lelite tite enemeha'ani sipalo memalalabe. Guna melelata nasana'mu kehelinogo lamana'a lolo mehino. Ya nasanaga bite i mekeleno. Hu'mau ai'a ya'ma lenumu hinogo nete melete laga'amu kehelilabe luto fitu fo limilata nohina bo aitoga ya'ma buto i ke'malune, luto lu epibo.

Hibulu 13:5

Lenali komopatini yogo fe'notoga mebino. Ana'inatini li'ahana legegeto yana'mu babahi hite le'mo fulu hilenogo bati hite minalo. Hu'mau ai'a ma luto lu'ehina: Nani mone mehe'mi lepalaluna'mu yabe. To nani lenalitogati mone bufa mehiluna'mu yabe.