Matiu 6:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Kehelilo. Lenali bona'magitoga foipana li huto hu epele'ahana lenali li he'mi epelenogo, ana huto kokulumalugu Afotinifu lenali foipanatini li he'mi lepalalina'mu yabe.

Matiu 6:14 ပူးပေါင်းရင်းမြစ်များ

Matiu 5:7

Bona'i enali luga'a bona'i eniginaga ka lu epite agoya hu epilata nehana bona'i enegelo bilo. Alihi Hu'mau enegelo bi epito agoya hu epilina'mu yabe.

Matiu 6:12

To kai foipanati li he'mi letobo, to lali ana huto bona'magi foipana nehiletana li he'mi epalalune.

Matiu 7:2

To Hu'mau hu'ehilata bameto li moloto kele'mo yegelo malalina'mu yabe. To kaga luto bona'i ya amuya'niloti yabe lilata Hu'mau ana mone'ago kagaloti kele'mo yegelo malalina'mu yabe.

Maki 11:25

To numuna hilube'mu nohutoka to bo moneuba koyapa sibina mone hu keto'ehina'a ni'inogomo kai ya'ma hu'ehinana komopakaguti li he'miloto komopaka fulu hino. Ya nohutoka numuna hilane. Kai ya huletogo kokulumalo Afokafu Hu'mau ana huto kaika foipanaka he'mi ketoto kaitoga komopa'a fulu hilina'mu yabe.

Luku 6:37

Lenali bona'i enele'mo yegelo memelenogo Hu'mau ana huto lenele'mo yegelo memalalibe. To lenali bona'i enifisa fato fato meinogo ya hinogo Hu'mau lenali'i lenifisa fato meilibe. To lenali bona'i foipana'a hu lepololenogo li he'milanaya Hu'mau ana huto foipanatini li he'mito pa so lepalalina'mu yabe.

Efeso 4:32

Lenali komopatini fulu hinogo ai ginaga fi emigo ai ginaga fi emigo hite minalo. Hu'mau ai'a Kilisito kumu yabe luto foipanatini li he'mi lepolo'ehinamo ni'igo lenali ana suhi hite foipanatini ai li he'mi etenogo ai li he'mi etenogo ihe'ma ahe'ma hite minalo.

Kolose 3:13

Foipanatini ai li he'metenogo ai li he'metenogo hite minalo. To lenali folagahatinigu mone bouba kele'mo sibina nohinogomo kai kipagu fulu hinogo nohuto le'mo bati hubo. Sipi Botiuba lenali sibina nohuto le'mo bati hubo. Sipi Botiuba lenali sibina hi'ahanana ali he'mi lepoloto lenele'mo bati hu'ehinagihe. Ai hapa'a mege'i malalo.

Yemesi 2:13

Bo mone'maka kai kiginaga mefinogo bona'i enele'mo bati mehilata ya'ma Hu'mau ana huto ginaga mefinogo enele'mo bati mehinogo ana bomofihi ka foya li etalune'mu nehabe. Kiginaga finogo keke'i luto enele'mo bati hilata bona'i ya'ma Hu'mau ana suhi huto ginaga finogo enele'mo bati hilube'mu nohibe. To ginaga fise nasanauba ka foya lilatanamofihi be ligilina'mu yabe.

1 Yoni 3:10

Hu'mamofihi pa'a pana'a to Satahi pa'a pana'a enali hapa hapa'ani ya suhi huto ya'ma huto nohigo bu galune'mu nohune. Luga'a mino fotogo hite meminalana'mu enali kumu Hu'mamofitogati menehabe luto nokehelune. To enali komopa'ani ya'ma enalalu'anigihi meepinogomo enali kumu Hu'mamofihi bona'a menehabe luto ya'ma ana huto lilune.