Matiu 6:13 - Ka Lamana'a Monoꞌi Lu Mu Tifiꞌehina Ka Yabe

¹³ Kai sipi fi taga huse'nagu lele'mo memoloto foipanamofihi afo'afitogati lele'mo lubuto bibo.

Matiu 6:13 ပူးပေါင်းရင်းမြစ်များ

Matiu 26:41

Lenali kaba hite minete nunumu hilo. Fibe taga hu lepolose'na lenalitoga huto hu lalibe'mu nolube. Komopatinigu ninanauba lenele'mo kosaba kosaba nohinaya ifo lenugufatini amuya'a meni'ibe.

Matiu 28:20

To asaga nani lu lepi'ohuna ka lenali bite lu enelepinogo kehelite liyafa hite mege'i malalabe. To lenali kehelilo. Nani lenali hiti asaga yupahi moneka nohinogoti ma me'i su halina kanagu hiti lenali aku'i minaluta'mu yabe.

Matiu 5:37

Ya hu'ehinagi lenali o'yo lila, to o'e lila hite ana'asiya lilata hilo. To kaga analo lu yatama hite lilata nehana kagamoya foipa bo Satatogati olata nohibe.

Matiu 6:10

Kai kapoka ai huto hino, luto nolune. Enali kabaga liyafa hite kokuluma agoya hi nekimigo lali melugu ana suhi huto kabaga liyafa huto kofokehi halune'mu nolune.

Yoni 17:15

Kaika nani bona'ni enele'moto kokulumalugu tilane luto menolube. Melugu minenogo bo foipa'a Satau luba huto enoho lalibe luto ya'ma kaba hu epalalane luto lu nokumube.

1 Koliti 10:13

Lenalitoga lenimi'i mololata nasanauba huto huto o henetilina ya'ma noto noto bona'i asagatoga ana suko huto hulata nohibe. Ya hu'ehinaya Hu'mau keheligo ule'ale hulata bo nohinago fi betaga hube nohina nasana moneuba huto huloto lenali amuya be ligito enele'mo felu halina'a lolo nehinogomo Hu'mau ai'a lenele'mo bati huto amuya lepito bihu komogetalo lenelepilenogo bite fa'mene mineba mineba minalana'mu yabe.

1 Koliti 14:16

Ya mehiluta ya'ma kai komopakatuko Hu'mamofihi fokehi halube luto lilata yamofihi kaitogati ya suhi keheli bati mehilata bona'i luga'amagi kai kaka mekehelilana'a ni'inaya enali hena hena hite lama'naka yabe lite lilabe.

2 Koliti 1:20

Hu'mau lu limi'ehina ka'a fato fato'mofihi ya'ma ai'a kago legeya'a holata nohibe. Yana'mu ya'ma Hu'mamofihi fayaha'a mino baga ito nominabe, luto Yesu yabe luto lama'naka luto Hu'mamofihi fokehi lulata nohune.

Galesia 1:4

Yesu ai afotifu Hu'ma ai kaga'alo ya'ma ho tilina kana'alo foipanauba lele'mo sibina nohinogo gulu ho letalina'mu yabe luto lali foipanati'mu yabe luto ya'ma ai'a gufa'a h'emi'ehina yabe.

1 Tesalonika 1:10

Ya nehite pana'a fili'ehinaguti le'mo ho ti'ehina bo, Yesu minomo buto kokulumaguti limilina'mu geba hite nehabe. Ai Yesu, Hu'mau alihi foipana'momu'i osahi epilina'aloti lubuto bilata nohibe. Ya'ma kamofihi noto noto bona'i kehelilata nehite lu limilata nehabe.

2 Tesalonika 3:3

Sipi Bouba ekesa loe lae menohinaya ai mino kaba huse nohinagi lenele'mo amuya hu'ehinogo ya'ma foipa bouba lenele'mo sibina hu lalibe luto lenali'i kaba huto haka molo lepalalibe.

1 Timoti 1:17

Yana'mu amuya gihiti Bo, mefililatanamofihi bu megolatanamofihi Hu'mamofihi moneko'i ai gi'a li saga hinogo ai fana meha'auba minoloto mino lito tito minalibe. Ma'naka.

Hibulu 11:36

Bona'i luga'amagihi fateha'animagi kiya hi epelete kalana'i mele epelete segi osatu enehe'ahana. To luga'amagi minago fateha'animagi enigito enayato naga'i gilete naga nonugu he'mi epele'ahana.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe

2 Pita 2:9

Ya hu'ehina'mu Sipi Bomofihi hapa'a ahuto hibe. Ai ya'ma Hu'mamofihi ka lite neminana bona'i enimi'i mololata nasana'agu minenogo enubuto bilata bo amuya'a hiti nohibe. To Hu'mamofihi ka'a meni'ina'a enali'i kana'a sipi yupahi guna molo epilube luto naga'i epilata bo amuya'a hiti nohibe.

1 Yoni 3:8

To luga'amagi foipana lilata minalana enali Sataha bona'a neminabe luto lilune. Satau ai foipa nasana koyapa emagati lelito buto mino'ehina. To liloto nohigo Hu'mamofihi pana'auba ai'a Satahi foya'a ya'ma laga huto li sibi sibi huto he'milube luto oto huto hu'ehinamo ni'ibe.

Huto Hilina Ka 1:18

To amuya bo afo'afita minomo buto minaluna'mu yabe. Nani fili'ohunagi aku'i ho tito to filise'na to yabalugu kafemofihi foloke'a nanigo li'ohube.

Huto Hilina Ka 19:1

Ya hulago nani kokulumagu bona'magihi li gehesa sipi'alo enali nogo'ani napa keheli'ohuna. Enali ma lite li'ahana: Hu'mamofihi fokehi lilo. Lubuto bise nasana to sekele mamu'a hiti fana meha'a to amuya'a legege huto mino'ehinamo ya'ma Hu'mamofihi aitogago ni'ibe.

Huto Hilina Ka 19:4

To olopa kaba bona'i luga'a 24 to kene'i amuya moloto minolatana loebe loebe enalapusa fite Hu'mamofihi sekele mamu'a hiti kefa hisalo mino'ehina ai'i fokehi lite ma lite li'ahana: Lama'naka yabe. Hu'mamofihi fokehi lilo.

Huto Hilina Ka 2:10

Lenalitoga keta'a huse'na aku'i huto hu lepilube'mu higo lenelesa melino. Keheli'ahafiye? Satau ai enimi'i mololata nasana huto hu lepilibe luto lenalitogati luga'a ya'ma naga nonugu lenele'mo malalina'mu yabe. Ya hulenogo keke'i luse'na keta huse'namofihi kana'a 10 yupapogu huto hu epilina'mu yabe. Lenali ya'ma mono ka li pili kete lite fililafi fa'mene minalafi lite minete kehelilenogo sekele mamu'a hiti kakili tegi huto ule'ale huto minolata nohinamofihi lito bi lepalalube'mu hube.

Huto Hilina Ka 21:4

Hu'mau ai'a enalitoga yibi hise nasanamofihi enubu nogoya kele li epalalube'mu hibe. Filise'na to yibi bena hise'na to enagabu'i gise'na yanana su henogo aku'i mone'a huto mehilube'mu hibe. Tafa nasana ya'iya'a ya'ma buto su halibe luto lu'ehina.

Huto Hilina Ka 3:10

Lenali kosele kasele'i mehese negeba hite minalabe luto lu lepolo'ohuna kaga'ni ya'ma li pili kete lite mine'ahanamo ni'inaya, yana'mu enimi'i mololata kana'a ya'ma noto noto bona'i enalitoga mino lito bilinamoya, lenalitoga minomo bu lalibe luto nani'ni ya'ma gegisa fi lepoloto kaba hu lepalalube'mu hube.

Huto Hilina Ka 3:14

To Leotisia hepatoga Hu'mamofihi yagapana'amagihi agelo ya suhi huto kaba hu noepalana bouba ka'a ma luto fayahi koyoto emilenogo lu epilibe: Ka lamana'a lu latanamofihi hapa'a nohina bouba ka'a ligo ule'ale hulata nohina bouba lusi lu yete hose bouba Hu'mamofitogati ana'ina huto hu'ehina yanamofihi hapa'a nohilina lenali kumu ma luto nolibe:

Huto Hilina Ka 5:13

To nani silaga kene'i kokulumagu ni'ina nasana to melugu ni'ina nasana to me'i komopa'agu ni'ina nasana to hege nagami'i komopa'agu ni'ina nasana to me'i fato fato ni'ina nasana yege yege'magi ma lite nama nelago keheli'ohuna: Sekele mamu'a hiti kefa hisalo minolata nohina to sipisipi nala'a nohina etali kumu enofokehi hete etigi'atiti le'mo ho tilete fana meha'atiti huto huto hibe, mino bati hulatana to amuya etalitoga minomo buto mino bai toto minalube'mu hibe.