Matiu 6:12 - Ka Lamana'a Monoꞌi Lu Mu Tifiꞌehina Ka Yabe

¹² To kai foipanati li he'mi letobo, to lali ana huto bona'magi foipana nehiletana li he'mi epalalune.

Matiu 6:12 ပူးပေါင်းရင်းမြစ်များ

Matiu 26:28

Ya'ma nani golaha'ni ni'ibe. Hu'mau lu mu tifise'na'a golaha'ni huto hu molo'ohube. Asaga boana'magihi foipana'ani li gololo tu epalalibe luto nani nohekube.

Matiu 9:2

Luga'a bona'magi bo mone gi yahi sibina hu'ehina bo sipa'alo ko'ehigo Yesutoga le'mete e'ahana. Ya hago Yesuhi aitoga komopa'ani mele'ahana bu goloto Yesu ana gigusa'a sibina hu'ehina bo ma luto lu emi'ehina: Pana'ni, kipagu fulu hino. Nani foipanaka li nohe'mi ketobe.

Maki 11:25

To numuna hilube'mu nohutoka to bo moneuba koyapa sibina mone hu keto'ehina'a ni'inogomo kai ya'ma hu'ehinana komopakaguti li he'miloto komopaka fulu hino. Ya nohutoka numuna hilane. Kai ya huletogo kokulumalo Afokafu Hu'mau ana huto kaika foipanaka he'mi ketoto kaitoga komopa'a fulu hilina'mu yabe.

Luku 11:4

Kai foipanati li he'mi letetogo lali ana huto asaga bona'magi foipana nehi letana li he'mi epalalune. To kai sipi fi taga huse'nagu lele'mo memolobo.

Luku 13:4

To ma 18 bona'i Siloami hepalugu yatama nohuba i tele bito limito enoho gehesa koyapa'i hu'ehinamoba lenali nekehelina asaga Yelusale boana'i enehete foipa bona'i nehafihe?

Luku 6:37

Lenali bona'i enele'mo yegelo memelenogo Hu'mau ana huto lenele'mo yegelo memalalibe. To lenali bona'i enifisa fato fato meinogo ya hinogo Hu'mau lenali'i lenifisa fato meilibe. To lenali bona'i foipana'a hu lepololenogo li he'milanaya Hu'mau ana huto foipanatini li he'mito pa so lepalalina'mu yabe.

Aposolo 13:38

Ya hu'ehinagi nalalu'nigita lenali keheli bati hilo. Lenalitoga kaga ma luto lu yege nohone. Ya'mana bouba ai asaga foipatini li he'mi su holoto lenele'mo lenubuto bi'ehibe.

Efeso 1:7

Kilisitou aiya golaha'atu mina fi letoto foipana nagaluguti gulu ho letalibe luto foipanati li he'mi letalibe luto fili'ehinamo ni'ibe. Ya'mu Hu'mau lalitoga mehi limise'na'a sipi nohina keheli'ohune.

Efeso 4:32

Lenali komopatini fulu hinogo ai ginaga fi emigo ai ginaga fi emigo hite minalo. Hu'mau ai'a Kilisito kumu yabe luto foipanatini li he'mi lepolo'ehinamo ni'igo lenali ana suhi hite foipanatini ai li he'mi etenogo ai li he'mi etenogo ihe'ma ahe'ma hite minalo.

Kolose 3:13

Foipanatini ai li he'metenogo ai li he'metenogo hite minalo. To lenali folagahatinigu mone bouba kele'mo sibina nohinogomo kai kipagu fulu hinogo nohuto le'mo bati hubo. Sipi Botiuba lenali sibina nohuto le'mo bati hubo. Sipi Botiuba lenali sibina hi'ahanana ali he'mi lepoloto lenele'mo bati hu'ehinagihe. Ai hapa'a mege'i malalo.