Matiu 6:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Kai kapoka ai huto hino, luto nolune. Enali kabaga liyafa hite kokuluma agoya hi nekimigo lali melugu ana suhi huto kabaga liyafa huto kofokehi halune'mu nolune.

Matiu 6:10 ပူးပေါင်းရင်းမြစ်များ

Matiu 12:50

Kokulumalugu Afo'nifu nohinamofihi agoya hu emise bona'iya nani nogona'ni netali'nigi to nani ito'nigi nehabe. Ya luto Yesu lu epi'ehina yabe.

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.

Matiu 26:42

Ya luloto Yesu i behe huto buto loe yupahi ma luto hu'ehina: Afo'niga. Ma kohi nanitogati i nebe silito mebinogomo nani nalube, ya hinogo'ni kaika kipagu ni'ilina suhi pa salibe.

Matiu 3:2

Komopatini i gelehe hite foipanatini he'mi su halo lu'ehina. Hu'mamofihi kokulumalugu kapo'a hokolo hilina kana'a epi'ehina.

Matiu 4:17

Ya'mana kanaloti hapi fito Yesu mono ka ma luto lu epi'ehina: Foipanatiniguti komopatini i gelehe hilo. Kokulumamofihi kapo'a anasi a'o leba to'ehibe.

Matiu 7:21

Asaga bona'i nani kumu'i: Kibina bo'nio, Kibina bo'nio, lilata nehana enali kokulumamofihi kapo'alo mebilana'mu yabe. To bona'i luga'amagi nani Afo'nifu kokulumalugu nohinamofihi bita hina suhi hilata nehana bona'isi enele'malina'mu yabe.

Maki 3:35

Ya'ma Hu'mamofihi ka'a kehelite agoya hi emilata nehanamagi enali nogo'nigi netali'nigi ito'nigi nehana yabe, luto Yesu ya lu epi'ehina yabe.

Luku 19:11

Yesu lina kaga kehelina bona'i bame ka mone luto lu epi'ehina. Hena'mugope ai Yelusale hepa'i lebato oloto nominago enali Hu'mamofihi Kapo'a yatai ma'asi huto hilina'mu yabe, lite nekeheligo yabe.

Luku 19:38

Hu'ma ai Sipi Bomofihi gi'alo o'ehina bo lusa gi etoto amuya emilina'mu nohigo lali gi'a li saga hilune. Hu'mamofihi komopa'aguti ma bona'magitaloga bati hulata nohibe. Ifo muya Sipi Boti Hu'mamofihi gi'a liyafa hilune, li'ahana yabe.

Luku 22:42

Afo'niga kehelitomo ya'ma nagabu gise'na nanitoga ni'ina li he'mi netobo. Kaikamo kekesa kehelito bati huto yabe lutomo anana li he'mi netobo. To kai o'e litogomo nani ana nagabu gise foya li kofilube.

Yoni 4:34

Ya nehago Yesu lu epi'ehina: Noho lifi'ehina bouba lili'na malalina agoya hu emito lili'na'a li baga iluna ya'ma nose'na'ni legi huto ni'ibe.

Yoni 6:40

Afo'nifu ma luto keheli'ehibe. Asaga bona'i pana'a bu gelete komopa'ani emilanamagi mino kosaba hepa'i lilabe. Ya hinogo nani kokuluma hiti me'i hiti su halina yupahi enele'mo ho ti kosaba hiluna'mu yabe.

Yoni 7:17

To bo moneuba Hu'mamofihi baga'a liyafa huto mege'i malalube'mu nani lu yege nohona kagamofihi hapa'a keheli bebe salina'mu yabe. Hu'mamofihi kaga'a nolufi to nani'ni komopa'niguti tina kaga nolufi ai'a keheli sepa ilina'mu yabe.

Aposolo 13:22

Hu'mau Solihi le'mo nohe'mito Tebitihi kibina bo'ani le'mo ho ti'ehina. Ai kumu luto Hu'mau ma luto lu'ehina: Nani Yesihi pana'a Tebitihi le'mo huto hu'ohube. Ya'mana bo nani nibita hina bo nohigo komopa'ni ai'i noemube. Ai asaga ka'nimofihi mege'i moloto agoya hu netalibe.

Aposolo 21:14

Ya luto ligo lali kaga lu emuta ya huto amuya nomalago o'e luto mekeheligo lali he'mito: Ana Sipi Boti molo'ehina'a huto huto hino, luto lu emi'ohuta yabe.

Aposolo 22:14

To ai ma lu nimi'ehina: Hu'mau, tatatigihi kibinauba kaikamo kele'mo ho tibe. Kai ka'a kehelito mege'i malalane luto to ai'a hetofa agoya hu emi'ehina bo Yesuhi bu goloto to ai baga'aluguti nogo'a kehelilane luto kele'mo ho ti'ehina yabe.

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

Efeso 6:6

Lenaliya enikibina bo lenugufa lenemehi epite agoya nehi epelenogo yamofihi lenubu genogo bati hilibe luto ni'igopa lali Kilisitohi ya suhi kele kele'i hu etoto minalune lilete Hu'mamofihi fokehi lu lepalalina suhi hite minalo.

Kolose 1:13

Ai Satahi amuya'amofi hiti metepuhi hu'ehina kapo'aguti lele'mo kefefe huto lubuto bi'ehina. To ai'a pana'a gi moneko pana'amofihi kapogo lele'mo molo'ehina yabe.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

1 Tesalonika 4:3

To mone ka hiti ni'ibe. Lenali kumu Hu'mau lu molo'ehina ka'a ma ni'ibe. Sigiminaya li he'mite komopatini lamana hinogo minalo.

1 Tesalonika 5:18

Ana'ina asaga'i ni'ina yana'mu Hu'mamofihi fokehi lilo. Ya'ma Yesu Kilisitohi naga'i lolo hana'mu yabe luto Hu'mau ya'ma luto nolu lepalabe.

Hibulu 1:14

Ya luto agelomagihi lu meepi'ehinamo ni'ibe. Agelo silaga'i enali meha'a hiti Hu'mamofihi kele kele'a nehanaya bona'i enubuto bilatanamagihi enehe'mete enele'mo bati hilabe luto Hu'mau enoho nolifibe.

Hibulu 10:36

Yana'mu lenali keta'a hiti'namofihi komopa'agu mino fulu hite minelenogo Hu'mau lilina malalina ka'a kehelite nehinogo ana'ina le'mo babahi huse'namofihi legeya'a lilabe.

Hibulu 10:7

Ya hulago nani ma luto lu'ohunamo ni'ibe: O Hu'mao, kehelibo. Kai lilata'a malalata'a hilube luto kegeba huto nominobe. Keya ka lu'ehina kamofihi fayaha'agu nani kumu kaga koyo'ehinalo ya huto lilube luto nohube.

Hibulu 13:21

ai'a ya'ma nasana lamana'a fato fato'mofihi li huto hu lepito lenele'mo babahi hulenogo ai lilina'a malalina'a keheliya ilabe luto nolube. Ya nehinogo ai'a kehelinogo bu go laga huse nasana Yesu Kilisitohi amuya'auba komopatinigu mineno. To ai fana mehena'a huto hilenogo foke ka lelite binogo mino lito buto minalinamo ni'ibe. Lama'naka.

1 Pita 2:15

Lenali ya hilata nehana lamana'a lolo hilana yauba enabagalo hekini nolago lenali kumu negi nagi ka lilata nehana enabaga enele'mo fu li epalalabe luto ligo Hu'mau keheli molo'ehina.

1 Pita 4:2

To yatai kanagu lenugufamofihi enumu fililatana yamofihi melise Hu'mamofihi bagaguti kaga'a kehelite ma melugu mineme bite minalabe.

Huto Hilina Ka 11:15

Ya hulago agelo napa 7 ai pikuli fu noligo kokulumagu ya'ma enonogo sipi melete ma lite li'ahana: Yatai ya'ma noto noto bona'magihi kaba hulatanamofihi amuya'amoya Sipi Botimofihi to le'mo ho ti'ehina'amofihi ai yanagu nohigo kaba hu epoloto mino'ehina. Yatai enigihiti bo lolo hilibe luto linogo mino lito buto minalube'mu hibe.

Huto Hilina Ka 12:10

Ya nehago kokulumaga ka sipi ma luto huto higo keheli'ohuna: Hu'mau lubuto bilata nohina to ai amuya bo to gulu ho letalibe luto lu leto'ehina bomofihi kaba hulata amuya'a ya'ma ahuto hu su habe. Le'mo ho ti'ehina bo, Mesia ai amuya'a huto huto nohinagihe. Ligibo lalalutigihi enali kalana'i molo epolo'ehina'mu Hu'mamofihi gobisalo ho tito kana'amu kana'amu utehi etehi ka foya li epoloba li epoloba hu'ehina bo ai ya'ma kokulumatogati fitu fo he'migo limi'ehibe.

Huto Hilina Ka 19:6

Ya lite lago nani bona'magihi li gehesa yamagihi enonogo sipi aku'i keheli'ohuna ya'ma nagami'i lisahi sipi suhi huto ito kokililika suhi huto noligo ka sipi ma luto huto hu'ehina: Hu'mamofihi fokehi lilo. Sipi Bomo Hu'mau amuya enebe ligi'ehina boti ai kibina bomofihi foya'a huto hu lamana nohibe.

Huto Hilina Ka 20:4

To nani sekele mamu'a hiti kefa hisa babu luto ni'igo bu go'ohuna. Bu nogogo bona'i ya'ma heneti su hete kefalo ya'ma minete bila ela he'ahana enali lube laga hibe foya lilabe luto lu epolo'ehina. To Yesu luto lu'ehina ka'a hiti Hu'mamofihi ka'a enelesa meligo lu yege he'ahago lubaha'ani emitatu laga hi'ahana enali enemeha'ani bu go'ohuna. Enali akafu yagakafa ai'a to meha'a enalapusa fite enofokehi mehana'a to ai omiha'a ya'ma enogobisalo to li enayanugu memele'ahana'a bu go'ohuna. Enali'i lubaha'ani laga hi'ahanaguti aku'i ho tite minete Kilisito hiti enigihiti bo foya nelinogo kufu moneko tauseni bilina'mu yabe.